Viral: పాముకు ఎక్స్‌రే తీశారు.. కనిపించిన దృశ్యాన్ని చూసి ఖంగుతిన్నారు.. అసలేముందంటే!

సాధారణంగా పాములకు ఆకలి వేస్తే ఏం తింటాయి.? ఇదేం పిచ్చి ప్రశ్న.! చిన్న చిన్న కీటకాలను, కప్పలను, ఎలుకలను తింటుంటాయని అంటారు. కరెక్టే.. కొండచిలువ అయితే అమాంతం పెద్ద జంతువులను, మనుషులను సైతం మింగేస్తుంది. అయితే ఇక్కడొక పాము ఆకలేసి ఏం తిన్నదో తెలుసా.? దాని ఎక్స్‌రే చూస్తే మీరే షాకవుతారు.

వివరాల్లోకి వెళ్తే.. ఫ్లోరిడాలోని మియామీ జూలో వాటర్ మొకాసిస్ పాము ఆకలేసి ఏకంగా బర్మీస్ పైథాన్‌ను అమాంతం మింగేసింది. ఆ పామును పట్టుకున్న అధికారులు ఎక్స్‌రే తీయడంతో అసలు విషయం బయటపడింది. ఇందుకు సంబంధించిన ఫోటోలను ‘జూ మియామీ’ సోషల్ మీడియాలో షేర్ చేయడంతో నెటిజన్లు వాటిని చూసి ఒకింత ఆశ్చర్యానికి గురవుతున్నారు.

కాగా, బర్మీస్ పైథాన్‌కు ట్రాకింగ్ పరికరాన్ని అమర్చి.. అడవిలో విడిచిపెట్టామని పరిశోధకులు చెప్పారు. కొద్దిరోజుల తర్వాత పైథాన్‌ను పరిశీలించేందుకు ట్రాకింగ్ సిగ్నల్స్ ట్రేస్ చేయగా.. సిగ్నల్స్ బలహీనపడటంతో తమకు అనుమానం వచ్చిందని అన్నారు. ఇక బర్మీస్ పైథాన్‌ను విడిచిపెట్టిన చోట.. వాటర్ మొకాసిస్ పాము పొట్ట ఉబ్బిపోయి కనిపించింది. వెంటనే దాన్ని పట్టుకుని ఎక్స్‌రే తీయగా.. కడుపులో కొండచిలువ అస్తిపంజరం కనిపించిందని పరిశోధకులు తెలిపారు. ఇక ప్రస్తుతం పాముకు సంబంధించిన ఫోటోలు నెట్టింట తెగ చక్కర్లు కొడుతున్నాయి.

మరిన్ని ట్రెండింగ్ న్యూస్ కోసం..