Viral Video: కిచెన్‌లో వింత శబ్దాలు.. ఏంటని చూడగా.. షాకైన భార్యాభర్తలు.. వీడియో వైరల్.!

ఈ మధ్యకాలంలో పాములు జనావాసాల్లోకి వచ్చిన సందర్భాల్లో కోకొల్లలు. అరణ్యాలలో ఉండాల్సిన విషసర్పాలు.. జనాల మధ్యకు వచ్చి తరచూ భయాందోళనకు గురి చేస్తున్నాయి. ఆమడదూరంలో పామును చూస్తేనే మనుషులు పారిపోతారు.. అలాంటిది ఆ విషసర్పం ఇంట్లో తిష్టవేస్తే ఇంకేమైనా ఉందా.! గుండె ఆగిపోయినట్లే.! తాజాగా ఇలాంటి సంఘటన ఒకటి విశాఖపట్నంలో చోటు చేసుకుంది. ఓ నాగుపాము కిచెన్‌లోకి దూరి అక్కడున్న ప్రజలను భయభ్రాంతులకు గురి చేసింది. దానికి సంబంధించిన వీడియో నెట్టింట్లో వైరల్‌గా మారింది.

విశాఖలోని నేవల్ క్వార్టర్స్‌లో ఓ నాగుపాము కలకలం రేపింది. యారడలోని డాల్ఫిన్స్ హిల్స్ కొండపై నేవీ ఉద్యోగులు నివసిస్తున్నారన్న విషయం తెలిసిందే. ఆ ప్రాంతంలోని ఒకరి ఇంటి కిచెన్‌లో నాగుపాము(కింగ్ కోబ్రా) తిష్ట వేసుకుని కూర్చుంది. ఆ ఇంటిలో నివసిస్తున్నవారు కిచెన్ నుంచి వింత శబ్దాలు వస్తున్నాయని వెళ్లి చూడగా.. గట్టి షాక్ తిన్నారు. అక్కడ ఓ షెల్ఫ్‌లో పొడవైన నాగుపాము బుసలు కొడుతూ కనిపించింది.

దీనితో ఆ ఇంటివారు ఇరుగుపొరుగు వారిని సహాయానికి పిలిచారు. వారిలో ఒకరు స్నేక్ క్యాచర్ నాగరాజుకు సమాచారం అందించారు. అతడు అక్కడికి చేరుకొని చాకచక్యంగా పామును పట్టుకున్నాడు. దీనితో అందరూ హమ్మయ్య.! అంటూ ఊపిరి పీల్చుకున్నారు. కాగా, గతంలోనూ విశాఖలో పాములు హల్చల్ చేశాయి. సింధియా కూడలిలోని నేవల్ క్వార్టర్స్ వద్ద సుమారు 10 అడుగుల పొడువు ఉన్న బంగారు వర్ణంలోని త్రాచుపామును స్నేక్ క్యాచర్‌ పట్టుకుని బంధించాడు.

Also Read:

ఈ ఫోటోలో చిరుత నక్కింది.. గుర్తించండి చూద్దాం.. చాలామంది ఫెయిల్ అయ్యారు!

కోళ్ల వెంటబడ్డ పాము.. గోరింక మెరుపు దాడి.. వీడియో చూస్తే షాక్ అవ్వాల్సిందే.!

10 పరుగులిచ్చి 10 వికెట్లు.. అందులో ఓ హ్యాట్రిక్.. టెస్టుల్లో అరుదైన రికార్డు.. ఆ బౌలర్ ఎవరంటే.!

కళ్లను మాయ చేసే ఫోటో.. బల్లిని గుర్తించండి చూద్దాం.. అస్సలు ఫెయిల్ కాకూడదు.!