Viral Video: సెకన్ల వ్యవధి.. కారు నుజ్జునుజ్జయ్యింది.. షాకింగ్ వీడియో.!

ప్రపంచవ్యాప్తంగా ఏటా లక్షలాది మంది రోడ్డు ప్రమాదాల బారిన పడి ప్రాణాలు కోల్పోతున్నారు. ముఖ్యంగా వాహనాలు అతివేగంగా నడపడం వల్లే ఎక్కువగా ప్రమాదాలు సంభవిస్తున్నాయి. మద్యం సేవించినా, సేవించకపోయినా కొంతమంది ఆకాశంలో విమానం నడుపుతున్నట్లు వాహనాలను నడుపుతున్నారు. ఈ కారణంగా వారితో పాటు ఎదుటవారి కూడా ప్రమాదంలో పడుతున్నారు. ఇక తరచూ ఇలాంటి వీడియోలు సోషల్ మీడియాలో వైరల్ అవుతుంటాయి.

వైరల్ వీడియో ప్రకారం.. ఓ రద్దీ రోడ్డుపై తెల్లటి కారు అతివేగంగా వస్తున్నట్లు మీరు చూడవచ్చు. రోడ్డంతా కూడా కార్లు ఉండగా.. ఆ కారు మాత్రం ఓ పక్క నుంచి మితిమీరిన వేగంతో దూసుకొచ్చింది. కార్లన్నింటినీ దాటుకుని మధ్యలోకి వచ్చేసరికి ఆ కారు టైర్ల బ్యాలెన్స్ తప్పింది. అంతే.! ఆ కారు కాస్తా స్కిడ్ అయ్యి రోడ్డు ప్రక్కనే ఉన్న ఓ చెట్టుకు గుద్దుకుని నుజ్జునుజ్జయ్యింది. ఈ యాక్సిడెంట్‌లో ఆ కారు వెనుక భాగంగా బాగా దెబ్బతింటుంది. యాక్సిడెంట్ వీడియోను మీరు చూస్తే కచ్చితంగా అందులో ప్రయాణించేవారికి తీవ్రంగా దెబ్బలు తగిలి ఉండొచ్చు. ఈ ఘటన అమెరికాలో చోటు చేసుకున్నట్లు తెలుస్తోంది.

View this post on Instagram

A post shared by ⒼⒺⒺⓀⓈ.ⒸⒶⓇⓈ (@geekscars)

కాగా, ఈ వీడియోను ‘geekscars’ అనే ఇన్‌స్టాగ్రామ్ ఖాతా అప్‌లోడ్ చేసింది. దీనిని ఇప్పటివరకు 4 లక్షలకు పైగా వ్యూస్ వచ్చాయి. అలాగే 5 వేల మందికి పైగా లైక్ కొట్టారు. ఈ వీడియోపై నెటిజన్లు వరుసపెట్టి కామెంట్స్‌తో హోరెత్తిస్తున్నారు.