Viral: సముద్రపు ఒడ్డుకు కొట్టుకొచ్చిన వింత జీవి.. చూస్తే బిత్తరపోవాల్సిందే.!
సముద్రం అట్టడుగున అనేక జంతుజీవాలు ఉంటాయన్నది తెలిసిన విషయమే. ఎన్నో రకాల చేపల జాతులు...
Updated on: Jun 24, 2022 | 1:03 PM
సముద్రం అట్టడుగున అనేక జంతుజీవాలు ఉంటాయన్నది తెలిసిన విషయమే. ఎన్నో రకాల చేపల జాతులు, అనేక వింతైన జీవాలు అక్కడ ఉంటాయి. వాటిల్లో కొన్ని చూసేందుకు ఎంతో భయంకరంగా ఉంటాయి. అలాంటి ఓ భయంకర రూపంతో ఉన్న సముద్రపు జీవి ఫోటో ప్రస్తుతం నెట్టింట వైరల్గా మారింది. ఆ ఫోటోలపై నెటిజన్లు భిన్నభిప్రాయలను వ్యక్తం చేస్తున్నారు.
వివరాల్లోకి వెళ్తే.. అమెరికాలోని ఒరెగాన్ రాష్ట్రంలోని మిల్ బీచ్ ఒడ్డుకు ఓ వింత జీవి కొట్టుకొచ్చింది. అది చూడటానికి పిరానా చేపలా ఉందని అక్కడి స్థానికులు చెబుతున్నారు. సూదులు లాంటి పళ్ళు, పొడవాటి తోకతో అత్యంత క్రూరంగా ఉంది. అది మిల్ బీచ్ రాళ్ల వద్ద ఈ వింత జీవి కళేబరం ప్రజలకు దర్శనమివ్వడంతో.. అందరూ ఒక్కసారిగా షాక్ అయ్యారు. కొందరు దాన్ని చూసి వోల్ఫ్ ఈల్ అని పేర్కొంటుంటే.. ఇంకొందరు అయ్యి ఉండకపోవచ్చు అని అంటున్నారు.
అయితే చివరికి పరిశోధకులు అది మంకీఫేస్ ప్రికిల్ బ్యాక్ ఈల్ అని స్పష్టం చేశారు. ఇవి ఎక్కువగా ఉత్తర అమెరికాలోని పసిఫిక్ కోస్టల్ రీజియన్లో కనిపిస్తాయట.
