Viral Video: పాపం.. ఏదో చేయబోయాడు.. మరేదో జరిగింది.. యువకుడి విఫల ప్రయత్నం చూసి నవ్వుకుంటున్న నెటిజన్లు..
Viral Video: కొంతమంది బైకర్స్.. తమ రైడింగ్ స్టైల్ను జనాలు చూపించాలని తహతహలాడుతుంటారు. ఈ క్రమంలో అనేక స్టంట్స్ చేస్తుంటారు.
Updated on: Jul 17, 2021 | 9:50 PM
Viral Video: కొంతమంది బైకర్స్.. తమ రైడింగ్ స్టైల్ను జనాలు చూపించాలని తహతహలాడుతుంటారు. ఈ క్రమంలో అనేక స్టంట్స్ చేస్తుంటారు. రన్నింగ్ బైక్ని పైకి లేపడం, ఉన్నచోటనే గింగిరాలు తిప్పడం, బైక్ నేలకు ఆనేలా డ్రైవ్ చేయడం వంటి ఫీట్స్ చేస్తుంటారు. అయితే, ఈ స్టంట్స్ చేసే సమయంలో చాలా అప్రమత్తండా ఉండాల్సిన అవసరం ఉంటుంది. లేదంటే ప్రాణాలే పోయే ఛాన్స్ ఉంటుంది. ఇక ఈ ఫీట్స్ చేసే వాళ్లలో కొంతమంది సక్సెస్ అయితే.. ఒక్కోసారి కొంతమంది ఘోరంగా విఫలం అవుతుంటారు. తాజాగా ఓ బైకర్ విఫల ప్రయత్నం.. సోషల్ మీడియాలో నవ్వులు పూయిస్తోంది. వర్షపు నీటిలో అతను చేసిన ప్రయోగం అట్టర్ ఫ్లాప్ అయి.. నేటిజన్లతో కడుపుబ్బా నవ్విస్తోంది. ఈ ఫెయిల్యూర్ బైక్ స్టంట్కు సంబంధించిన వీడియోను సోషల్ మీడియాలో షేర్ చేయగా.. ఇప్పుడది ట్రెండింగ్గా మారింది.
ఈ వీడియోలో ఓ యువకుడు వర్షపు నీటిలో తన బైక్పై స్టంట్ చేయబోయాడు. ఉన్న చిన్నపాటి గల్లీలో భారీగా వర్షపు నీరు నిలిచింది. ఆ నీటిలోనే ఓ యువకుడు తన బైక్పై బయటకు వచ్చాడు. అటు చివర నుంచి ఇటు చివర వరకు బైక్ని వెనుక వీల్పై నడిపించేందుకు ప్రయత్నించాడు. కానీ ఆ ప్రయత్నానికి ఆదిలోనే బ్రేక్ పడింది. బైక్ను స్టార్ట్ చేసిన యువకుడు.. కొద్ది సెకన్ల వ్యవధిలోనే ముందు చక్రాన్ని పైకి లేపాడు. అయితే, అదికాస్తా అదుపు తప్పి పక్కనే ఉన్న ఇంటి ప్రహరీ గోడను ఢీకొట్టింది. ప్రహరీ గోడ మొత్తం కూలిపోయింది. అప్పటికీ ఆ యువకుడు బైక్ను కంట్రోల్ చేసేందుకు ప్రయత్నించినప్పటికీ అది సాధ్యం కాలేదు. కాగా, ఈ స్టంట్ను ఎదురుగా మరికొందరు వీడియో తీయగా.. చుట్టుపక్కన వారు ఆ యువకుడిని చూస్తూ ఉండిపోయారు. అయితే, ఆ స్టంట్ కాస్తా విఫలమవడంతో.. ఫక్కున నవ్వుకున్నారు. అయితే ఈ ఫెయిల్యూర్ స్టంట్ వీడియోను ‘splendor_bullet_love’ ఇన్స్టాగ్రమ్ ఖాతాలో షేర్ చేయగా.. అదికాస్తా వైరల్గా మారింది. నెటిజన్లు ఇది చూసి ఫుల్ మస్తీ అవుతున్నారు. సెటైర్లు పేల్చుతున్నారు. ‘బెటర్ లక్ నెక్ట్స్ టైమ్ బ్రో’ అంటూ సింపతీ ప్రకటిస్తున్నారు. ఈ ఫన్నీ వీడియోను మీరూ చూసేయండి.
Viral Video:
View this post on Instagram
Also read:
