Viral Video: వీరికి అవార్డ్ అయితే ఇవ్వాల్సిందే.. ఏం పేరు పెడతారో మీరే డిసైడ్ చెయ్యండి

నడపడానికి బైక్.. అందులో పెట్రోల్ ఉంటే ఎంత దూరమైనా రయ్ రయ్ మంటూ వెళ్లొచ్చు. దారిలో బైక్ ఏమైనా ట్రబుల్ ఇచ్చిందా.. ఇక రిపేర్ షాపుకు వెళ్లేంతవరకు టార్చర్ ఉంటుంది.

Viral Photo

Ram Naramaneni |

Updated on: Dec 02, 2021 | 11:39 AM

నడపడానికి బైక్.. అందులో పెట్రోల్ ఉంటే ఎంత దూరమైనా రయ్ రయ్ మంటూ వెళ్లొచ్చు. దారిలో బైక్ ఏమైనా ట్రబుల్ ఇచ్చిందా.. ఇక రిపేర్ షాపుకు వెళ్లేంతవరకు తోసుకుంటూ వెళ్లడానికి ఆపసోపాలు పడాల్సి వస్తుంది. తాజాగా ఓ వ్యక్తికి ఇదే తరహా ఇబ్బంది ఎదురింది. బైక్ కిక్ రాడ్ ఇరిగిపోయింది. స్టార్ట్ చేద్దామంటే వీలు కుదరలేదు. దీంతో బైక్ యజమానికి ఓ విచిత్రమైన ఆలోచన వచ్చింది. తన బైక్ లాక్కెళ్లడానికి సైకిల్ సాయం తీసుకున్నాడు. ఈ ఘటన పశ్చిమగోదావరి జిల్లాలో జరిగింది. రోడ్డు మీద బైక్‌ను.. సైకిల్ లాగుతూ వెళ్లడాన్ని అందరూ ఆశ్చర్యంగా చూశారు.

కుక్కునూరు మండలం జిన్నాల గూడెంలో ఈ ఇన్సిడెంట్ చూసిన కొందరు వాహనదారులు తమ మొబైల్ ఫోన్లలో ఈ దృశ్యాలు చిత్రీకరించారు. అటవీ ప్రాంతం జున్నాల గూడెంకి చెందిన ఆదివాసి తెగకు చెందిన వ్యక్తి ఈవిధంగా ప్రయాణం చేశాడు. అయితే విషయం తెలియని చాలా మంది పెట్రోల్ ధరలు పెరగటంతో ఇలా నిరసన వ్యక్తం చేస్తున్నారేమో అనుకున్నారు. అయితే కారణం తెలిసిన వాళ్లు మాత్రం అతగాడి తెలివికి నవ్వుకున్నారు. వాహనాలు ట్రబుల్ ఇస్తే.. ఇంజన్ సహాయంతో నడిచే మరో వాహనం లాగటం సాధారణంగా జరుగుతుంది. అయితే బైక్‌‌ను లాగేంత స్పీడ్‌గా. బలంగా సైకిల్‌ ముందుకు తొక్కడం మాములు విషయం కాదు. గంతకు తగ్గ బొంత అన్నట్లుగా ఆ బైక్‌పై ఓ వ్యక్తి కూడా కూర్చున్నాడు. అయితే సైకిల్ తొక్కే కుర్రాడు ఎలాంటి ఇబ్బంది లేకుండా గిరా.. గిరా తొక్కడం మాత్రం చూపరులను ఆకర్షించింది. ప్రజంట్ ఈ వీడియో నెట్టింట ట్రెండ్ అవుతోంది. నెటిజన్లు తమదైన స్టైల్లో కామెంట్స్ పెడుతున్నారు.