Viral: గజరాజుకు కోపం వచ్చింది.. చిరుత గజగజ వణికిపోయింది.. ఏకంగా గంట పాటు

చిరుత పులిని చూస్తే ఏ జంతువైనా గజగజా వణకాల్సిందే.. ఎందుకంటే దాని కంటిలో పడ్డ జంతువు ఏదైనా తప్పించుకోవడం అసాధ్యం. వేటాడటంలో చిరుతకు తిరుగులేదు. అలాంటి చిరుత ఓ ఏనుగును చూసి భయంతో వణికిపోయింది. వేట కోసం బయలు దేరిన ఒక చిరుత పులి ఏనుగుల గుంపు మీద దాడికి ప్రయత్నించింది. అయితే అందులో ఓ ఏనుగు చిరుతపులిపై తిరగబడింది. చిరుత పులిని తరిమి తరిమి కొట్టింది. దాంతో పరుగు లంకించుకున్న చిరుత.. ఈ ఏనుగు తనను వదిలా లేదనుకుంది. దాని నుంచి తప్పించుకోడానికి చెట్టు కనబడితే గబగబా చెట్టేక్కేసింది. హమ్మయ్య అనుకుంది..

కానీ ఏనుగు తగ్గేదే లే.. అన్నట్లు ఆ చిరుతను అక్కడితో వదల్లేదు. దాన్ని చెట్టుపై నుంచి ఎలాగైనా దింపాలనుకుంది. చెట్టును గట్టిగా ఊపింది.. తొండంతో మట్టిని తీసి చిరుతమీదకు విసిరే ప్రయత్నం చేసింది. అదంతా చూసిన చిరుత వామ్మో… ఈ ఏనుగుకి చెట్టెక్కడం రాదు కాబట్టి బతికిపోయా… లేదంటే అయిపోయేదాన్ని.. మళ్లీ దీంతో పెట్టుకోకూడదు అన్నట్టుగా ఆ చెట్టు రెండు కొమ్మల మధ్య కూర్చుని ఏనుగును చూస్తుంది. దక్షిణాఫ్రికాలోని నార్త్‌వెస్ట్‌ ప్రావిన్స్‌లో ఉన్న రిజర్వు పార్కులో ఈ సంఘటన జరిగింది. ఈ సన్నివేశాన్ని ఫొటోగ్రాఫర్‌ కెవిన్‌ డూలే క్లిక్‌మనిపించారు. చెట్టెక్కింది కదా అని ఈ ఏనుగు చిరుతను అంత ఈజీగా వదిలేయలేదట. దాదాపు గంటపాటు అక్కడే ఉండి.. రకరకాల విన్యాసాలతో చిరుతకు టెర్రర్ పుట్టించిదట. ప్రస్తుతం ఈ ఫోటోలు నెట్టింట వైరల్‌గా మారాయి.

Also Read: Andhra Pradesh: మద్యం ధరలు తగ్గాయన్న ఆనందంలో మితిమీరి తాగాడు.. చివరకు