Viral: తవ్వకాల్లో బయటపడ్డ పురాతన ఫ్రిడ్జ్.. అందులో ఏముందో చూడగా దెబ్బకు ఫ్యూజులు ఔట్..

పురావస్తు శాఖ అధికారులు ప్రతీసారి తవ్వకాలు జరిపినప్పుడు.. ఏదొక నిధి నిక్షేపాలు బయటపడుతుండటం సర్వసాధారణం. ఆ తర్వాత వాటిని క్షుణ్ణంగా పరిశీలిస్తే.. ఎన్నో ఏళ్ల నాటి చరిత్రలు వెలుగులోకి వస్తాయి. తాజాగా ఆ కోవకు చెందిన ఓ అరుదైన ఘటన దక్షిణ ఇరాక్‌లో చోటు చేసుకుంది. మరి ఇంతకీ ఆ స్టోరీ ఏంటి.? అసలేం జరిగిందో ఇప్పుడు తెలుసుకుందామా.?

ఇటీవల దక్షిణ ఇరాక్‌లోని తవ్వకాలు జరిపిన పురావస్తు అధికారులకు ఫ్యూజులు ఎగిరిపోయే అనుభవం ఒకటి ఎదురైంది. దాదాపు 5 వేల ఏళ్ల నాటి రెస్టారెంట్‌ అవశేషాలు బయటపడ్డాయి. సుమేరియన్ నాగరికతకు ముఖ్యమైన కేంద్రంగా పిలిచే పురాతన లగాష్ శిధిలాల మధ్య పురావస్తు శాస్త్రవేత్తలు తవ్వకాలు చేపట్టారు. అక్కడ వారు ఈ పురాతన రెస్టారెంట్‌ను కనుగొన్నారు. అందులో ఆ కాలం నాటి ఓవెన్, కొన్ని బెంచీలు, గిన్నెలు, ఇతర పాత్రలతో పాటు ‘జీర్‌’ అని పిలిచే మట్టి రిఫ్రిజిరేటర్‌ కూడా బయటపడింది.

ఇక అందులో ఏముందా అని చూడగా అధికారులకు ఫ్యూజులు అవుట్ అయ్యాయి. ఆ ఫ్రిజ్‌లో బీర్‌ను దాచినట్టు వారికి రుజువులు దొరికాయి. అంతేకాకుండా ఆ పురాతన బీర్‌ తయారు చేసే ఒక రెసిపీని కూడా పురావస్తు అధికారులు కనుగొన్నట్లు చెప్పారు. కాగా, ఈ తవ్వకాల్లో పెన్సిల్వేనియా విశ్వవిద్యాలయం, పిసా విశ్వవిద్యాలయాలకు చెందిన బృందాల పాల్గొన్నట్లు తెలుస్తోంది.