Watch: డ్యూటీ చేస్తున్నారా? డుమ్మా కొట్టారా?.. ఆసుపత్రిలో ప్రత్యేక అతిథులు.. చూసి అంతా పరార్..

అదో ప్రభుత్వ వైద్యశాల.. జిల్లా ఆసుపత్రి.. భద్రత డొల్ల.. ఇంకేముంది.. దర్జగా శునకాలు స్వైరవిహారం చేస్తున్నాయి. ఆసుపత్రిలో ఇన్స్‌పెక్షన్‌ చేస్తున్నాయ్… డాక్టర్లు సరిగా డ్యూటీ చేస్తున్నారా…? డుమ్మా కొట్టారా…? అని ప్రతివార్డూ తిరిగి చూస్తున్నాయ్‌…! మీరు నమ్మట్లేదా ఈ విజువల్‌ చూడండి.. మీకే అర్థమవుతుంది.. చూస్తున్నారా… ఆసుపత్రికి వెళ్తే రోగులు, డాక్టర్లు కనిపించాల్సిన చోట.. శునకాలు కనిపిస్తున్నాయి.

ఈ షాకింగ్ ఘటన నాగర్‌కర్నూల్ ప్రభుత్వాసుపత్రిలో చోటుచేసుకుంది.. అచ్చం విధుల్లో తిరుగుతున్నట్లుగా కుక్కల గుంపు విహరించింది. ఇక ఈ కుక్కల గుంపును చూసి ట్రీట్‌మెంట్‌ కోసం వచ్చిన వారు హడలిపోతున్నారు. ఇలా ఆసుపత్రిలో శునకాలు విహరిస్తున్న వీడియో నెట్టింట వైరల్‌ కావడంతో స్థానికంగా చర్చనీయాంశమైంది. కుక్కలను వెంటనే పట్టుకోవాలని పేషెంట్లు కోరుతున్నారు.

కాగా.. ఈ ఘటనపై అధికారులు సైతం ఆరా తీసినట్టు చెబుతున్నారు.. భద్రత గురించి వివరణ అడిగినట్లు తెలుస్తోంది.. కాగా.. ప్రస్తుతం కుక్కలు ఆసుపత్రిలో సంచరిస్తున్న వీడియోలు నెట్టింట వైరల్ అయ్యాయి..

మరిన్ని తెలంగాణ వార్తల కోసం ఇక్కడ క్లిక్ చేయండి..