HYDRA: హైడ్రా చుట్టూ తెలంగాణ పాలిటిక్స్.. BRSకు పొలిటికల్‌గా వర్కౌట్ అయ్యిందా..?

హైదరాబాద్ పరిధిలోని ఆక్రమణలను కూల్చే ప్రక్రియలో హైడ్రా (హైద‌రాబాద్ డిజాస్ట‌ర్ రెస్పాన్స్‌, అస్సెట్ మానిట‌రింగ్ అండ్ ప్రొటెక్ష‌న్ ఏజెన్సీ) దూసుకుపోతోంది. ఇప్పటికే అనేక ప్రాంతాల్లో కూల్చివేతలు చేపట్టిన హైడ్రా.. కొత్తగా కూల్చే నిర్మాణాలకు మార్కింగ్‌ చేపడుతోంది. పలు చోట్ల ప్రజల నుంచి వ్యతిరేకత ఎదురవుతున్నా.. వాటిని పట్టించుకోకుండా ముందుకు సాగిపోతున్నారు. ఓవైపు హైడ్రా కూల్చివేతలు కొనసాగుతుండగానే.. దీనిపై రాజకీయ రగడ కొనసాగుతోంది. ఓ రకంగా తెలంగాణ రాజకీయాలు ఇప్పుడు హైడ్రా చుట్టూనే నడుస్తున్నాయి. హైడ్రా తీరుపై ఇప్పటికే విపక్షాలు తీవ్రస్థాయిలో ఆగ్రహం వ్యక్తం చేస్తున్నారు. బీఆర్‌ఎస్‌కు అస్త్రంగా హైడ్రా.. తెలంగాణలో రాజకీయాలు ఒక్కసారిగా మారిపోయాయి. పదేళ్ల తర్వాత అధికారం కోల్పోయి, పార్టీ ఎమ్మెల్యేలు ఒక్కొక్కరు చేజారుతున్న తరుణంలో బీఆర్‌ఎస్‌ పార్టీకి హైడ్రా రూపంలో సరికొత్త అస్త్రం అందివచ్చినట్లయింది. హైడ్రా పట్ల సామాన్య ప్రజల్లో తాజాగా వ్యక్తమవుతున్న వ్యతిరేకతను పార్టీ పునరుజ్జీవనం కోసం వాడుకోవడంలో సఫలీకృతం అవుతున్నది. ఎమ్మెల్యేల ఫిరాయింపులు మొదలు… రైతుభరోసా, రుణమాఫీ, ఆరుగ్యారెంటీలు ఇవేవీ ఆ పార్టీ శ్రేణుల్లో నూతనోత్తేజం కల్పించలేకపోయాయి. కానీ తాజాగా హైడ్రా మాత్రం రాష్ట్ర ప్రభుత్వ వైఫల్యాలను ఎత్తిచూపుతూ ముప్పేట దాడి చేయడానికి బీఆర్ఎస్‌కు అందివచ్చిన అవకాశంగా మారింది. పేద, మధ్యతరగతి ప్రజలు కష్టపడి కట్టుకున్న ఇళ్లను హైడ్రా అన్యాయంగా కూల్చేస్తోందన్న అభిప్రాయాన్ని రాష్ట్ర ప్రజల్లో కలిగించడంలో బీఆర్ఎస్ సఫలీకృతం అయ్యింది. అంతేకాదు, తమదెబ్బకు ప్రభుత్వం డిఫెన్స్‌లో పడిందని భావిస్తోంది గులాబీ హైకమాండ్‌… ఈ పోరాటాన్ని ఇంతటితో ఆపకుండా.. సేమ్‌...