భూములు అసలెన్ని రకాలు.. ల్యాండ్ కొనే ముందు కచ్చితంగా ఈ నిజాలు తెలుసుకోండి..

మీరు ఓ భూమిని కొనాలనుకుంటారు. కానీ అది ఏ రకం భూమో మీకు తెలియదు. ఎందుకంటే.. ఇప్పుడు 22A రచ్చ నడుస్తోంది. దీంతో అది ప్రభుత్వ భూమా లేక.. మరో రకమైన ల్యాండా.. అది కొంటే ఏమైనా లిటిగేషన్ ఉంటుందా అన్న భయం, అనుమానం మిమ్మల్ని వెంటాడుతూ ఉంటాయి. అసలు భూములు ఎన్ని రకాలు.. వాటి పేర్లు ఏమిటి.. వాటిని ఎలా గుర్తించాలి అన్న విషయాలపై క్లారిటీ ఉంటే.. ఈ ఆందోళనే అక్కర్లేదు. ఎందుకంటే.. కొన్ని రకాల భూములకు మాత్రమే శాశ్వత హక్కులుంటాయి. కొన్నింటికి.. తాత్కాలిక హక్కులే ఉంటాయి. వీటిపై అందరికీ స్పష్టమైన అవగాహన కచ్చితంగా ఉండాలి. దీనివల్ల ఒక భూమిని కొనే ముందు.. అది ఏ రకమైన ల్యాండ్ అన్నది ముందు సమగ్రంగా పరిశీలించవచ్చు. అప్పుడే దానిపై కంప్లీట్ క్లారిటీ వస్తుంది. దీనివల్ల మోసపోయే అవకాశం ఉండదు. సో.. ల్యాండ్ లో ఏ ఏ రకాలు ఉంటాయో.. వాటిలో వేటి పై, ఏ మేరకు కొనుగోలుదారులకు హక్కులు ఉంటాయో చూద్దాం. ఫస్ట్.. పట్టా భూముల సంగతి చూద్దాం. ఇవి పూర్తిగా ప్రైవేటు యాజమాన్యం చేతుల్లో ఉంటాయి. వీటికి పట్టాదారు పాస్ పుస్తకం కూడా ఉంటుంది. ఈ భూములను అమ్ముకోవచ్చు. కొనుక్కోవచ్చు. అలాగే వారసత్వంగా ఇవ్వచ్చు. భూమిలో కొంత భాగాన్ని పంచవచ్చు. బహుమతిగా ఇవ్వచ్చు. దానం చేయవచ్చు. అలాగే జీపీఏ, ఏజీపీఏ పై భూమి యజమానికి అన్ని హక్కులూ ఉంటాయి. ఈ ల్యాండ్స్.. రెవెన్యూ...