నేటి నుంచి తెలంగాణ ఇంటర్ సప్లిమెంటరీ పరీక్షలు

ఇవాళ్టి నుంచి తెలంగాణ ఇంటర్ అడ్వాన్స్‌డ్ సప్లిమెంటరీ పరీక్షలు ప్రారంభం కానున్నాయి. ఈ నెల 14 వరకూ ప్రధాన పరీక్షలు, 15 నుంచి 18 వరకు ప్రాక్టికల్ పరీక్షలు, 19న నైతిక, మానవ విలువలు, 20న పర్యావరణ విద్య పరీక్షలు జరగనున్నాయి. ప్రథమ సంవత్సరం పరీక్ష ఉదయం 9 నుంచి 12 గంటల వరకూ.. ద్వితీయ సంవత్సర పరీక్షలు మధ్యాహ్నం 2.30 నుంచి 5.30 గంటల వరకు జరుగుతాయి.

రాష్ట్రవ్యాప్తంగా మొత్తం 857 పరీక్షాకేంద్రాలను సిద్ధం చేసినట్లు ఇంటర్​ బోర్డు కార్యదర్శి తెలిపారు. ఒక్క నిమిషం ఆలస్యమైనా లోనికి అనుమతించబోమని ఆయన​ స్పష్టం చేశారు. మాల్​ప్రాక్టీస్​ చర్యలకు పాల్పడితే క్రిమినల్​ కేసులు నమోదు చేస్తామని హెచ్చరించారు.