ములుగు జిల్లాలో వింత ఘటన.. వివాహేతర సంబంధం అనుమానంతో వ్యక్తికి ‘అగ్ని’ పరీక్ష..
వివాహేతర సంబంధం పెట్టుకున్నాడనే అనుమానంతో కులపెద్దలు ఇచ్చిన తీర్పు సంచలనం రేకెత్తించింది. ఈ మేరకు చెరువులో స్నానం చేసి.. తడిబట్టల మీద కొలిమిలో..
మార్స్ మీదకు కూడా రాకెట్లు వదులుతున్నాం. కృత్రిమ మేధస్సును సృష్టిస్తున్నామని ఒక పక్క సంబర పడుతుంటే.. మరోపక్క.. ఊళ్లలో ఇంకా అవే మూఢనమ్మకాలు. లేని పోని అగ్నిపరీక్షలు. ఒక యువకుడిపై వివాహేతర సంబంధం ఆరోపణలతో ఎవరూ ఊహించిన పరీక్ష పెట్టారు. వివాహేత సంబంధం అనుమానంతో ఓ వ్యక్తికి ‘అగ్ని’ పరీక్ష పెట్టిన ఆటవిక ఘటన మలుగు జిల్లాలో చోటు చేసుకుంది. ములుగు జిల్లాలోని జంగాలపల్లిలో ఊరి కుల పెద్దలు.. ఇలాంటి ఆటవిక తీర్పునిచ్చారు. ఏ తప్పు చేయకపోతే ఎర్రగా కాలిన గడ్డపారను చేతితో పట్టుకోవాలంటూ కుల పెద్దలు సదరు వ్యక్తిని ఆదేంచారు. కుల పెద్దల ఆదేశాలకు కట్టుబడి కాలిన గడ్డపారను చేతితో పట్టుకన్నా.. అతడికి వేధింపులు తప్పలేదు. దీంతో బాధితుడు పోలీసులను ఆశ్రయించాడు.
జంగాలపల్లి గ్రామానికి చెందిన బాధితుడిపై వివాహేతర సంబంధం నిరూపణ కోసం ఓ వ్యక్తి అగ్నిపరీక్ష ఎదుర్కున్నాడు. నిప్పుల కొలిమిలో గడ్డపారను పట్టించడంతో.. ఇరు వర్గాల నుంచి 11 లక్షలు డిపాజిట్ చేయించుకున్నారు. ప్రస్తుతానికి చూస్తే.. ఈ డిపాజిట్ తిరిగి ఇవ్వడం లేదంటూ ఆవేదన వ్యక్తం చేశాడు బాధితుడు.
జంగాలపల్లికి చెందిన గంగాధర్. తన సమీప బంధువుతో వివాహేతర సంబంధం పెట్టుకున్నాడనే అనుమానంతో కులపెద్దలు ఇచ్చిన తీర్పు సంచలనం రేకెత్తించింది. ఈ మేరకు చెరువులో స్నానం చేసి.. తడిబట్టల మీద కొలిమిలో ఎర్రగా రగిపోతున్న గడ్డపారను బయటకు తీశాడీ యువకుడు. ఈ ఘటనలో తనకు చేతులు కూడా కాలాలేదని సాక్ష్యం చూపిస్తున్నాడు గంగాధర్. కుల పెద్దలు పెట్టిన శీల పరీక్షను ఎదుర్కొన్నప్పటికి .. తనతో డిపాజిట్ చేయించిన రూ.11లక్షలు తిరిగి ఇవ్వడం లేదని ఆరోపించాడు గంగాధర్.
మరిన్ని తెలంగాణ న్యూస్ కోసం ఇక్కడ క్లిక్ చేయండి..
