ప్రైవేట్ ఆసుపత్రుల్లో కోవిడ్ చికిత్సకు ఫీజులివే.. ఉత్తర్వులు జారీ చేసిన తెలంగాణ సర్కార్..

రాష్ట్రవ్యాప్తంగా ఉన్న ప్రైవేట్ ఆసుపత్రుల్లో కరోనా చికిత్స, టెస్టులకు ధరలను తెలంగాణ ప్రభుత్వం ఖరారు చేసింది. ఈ మేరకు జీవో నెంబర్ 401ని తాజాగా వైద్యారోగ్య శాఖ జారీ చేసింది. సాధారణ వార్డులో ఐసోలేషన్, కరోనా పరీక్షలకు రోజుకు రూ. 4 వేలు తీసుకోవాలని సూచించింది. అలాగే ఐసీయూ గదిలో రోజుకు రూ. 7,500గా నిర్ణయించింది. ఇక వెంటిలేటర్‌తో కూడిన ఐసీయూ గదికి రోజుకు రూ. 9 వేలు వసూలు చేయాలని సూచించింది. కాగా, కరోనా టెస్టులకు సంబంధించిన రేట్లు ఈ విధంగా ఉన్నాయి..

• పీపీఈ కిట్ – రూ. 273
• హెచ్ఆర్‌ సీటీ- రూ. 1995
• డిజిటల్ ఎక్స్‌రే- రూ. 1300
• ఐఎల్6- రూ. 1300
• డీడైమర్- రూ. 300
• సీఆర్‌పీ- రూ. 500
• ప్రొకాల్ సీతోసిన్- రూ. 1400
• ఫెరిటీన్- రూ. 400
• ఎల్‌డీహెచ్- రూ. 140

ఇదిలా ఉంటే సాధారణ అంబులెన్స్‌కు కిలోమీటరుకు రూ. 75గా.. కనీస ఛార్జీ రూ. 2 వేలు మించరాదు. అటు వసతులతో కూడిన అంబులెన్స్‌కు కిలోమీటరుకు రూ.125, మినిమం ఛార్జ్ రూ. 3 వేలుగా నిర్ణయించింది.

Also Read:

13 పరుగులకే ఆలౌట్.. నలుగురు బ్యాట్స్‌మెన్ డకౌట్.. ఆరు వికెట్లతో రఫ్ఫాడించిన ఆ బౌలర్ ఎవరంటే!

పండ్ల వ్యాపారి మోసం.. కస్టమర్లను ఎలా బురిడీ కొట్టిస్తున్నాడో చూస్తే నోరెళ్లబెట్టాల్సిందే.!