Hyderabad: రోడ్డుపై వెళ్తుండగా బైకర్పై కూలిన రేకుల షెడ్డు.. ఇదిగో వీడియో
రోడ్డు మీద బైక్పై వెళ్తున్న ఓ వాహనదారుడికి ఊహించని ప్రమాదం ఎదురైంది.. ఒక్కసారిగా ఓ ఇనుప రేకు వచ్చి అతన్ని ఢీకొట్టింది. దీంతో అతని బైక్ కిందపడి.. ఆ రేకు అతనిపై పడిపోయింది. గమనించిన స్థానికులు రేకుని తొలగించి గాయపడిన బైకర్ను హాస్పిటల్కు తరలించారు. ఈ ఘటన హైదరాబాద్లోని టోలిచౌకిలో వెలుగు చూసింది.
Updated on: Jun 14, 2026 | 12:37 PM
హైదరాబాద్: టోలిచౌకి పారామౌంట్ కాలనీ శనివారం సాయంత్రం ఊహించని ప్రమాదం జరిగింది. భారీ ఈదురుగాలులకు ఓ భవనం పెంట్హౌస్పై ఏర్పాటు చేసిన ఇనుప రేకులు ఒక్కసారిగా ఎగిరి రోడ్డుపై వెళ్తున్న బైకర్పై పడిపోయాయి. దీంతో కిందపడిపోయిన బైకర్ స్వల్పంగా గాయపడ్డాడు. గమనించిన స్థానికులు వెంటనే అప్రమత్తమై టిన్ షెడ్ను తొలగించి ఆ బైకర్ను రక్షించి సమీప ఆసుపత్రికి తరలించారు.
స్థానికుల కథనం ప్రకారం.. ఇటీవల కురిసిన వర్షాలు, బలమైన గాలుల కారణంగా టిన్ షెడ్ సడలిపోవడంతో కిందపడినట్లు భావిస్తున్నారు. ఈ ఘటనలో గాయపడిన వ్యక్తిని ఇడ్రీస్గా గుర్తించిన స్థానికులు ప్రస్తుతం ఆయనకు ఎలాంటి ప్రమాదం లేదని తెలిపారు. ఈ ఘటనతో స్థానికులు ఆందోళన వ్యక్తం చేస్తూ భవనాలపై ఉన్న షెడ్లు, హోర్డింగ్స్ భద్రతపై చర్యలు తీసుకోవాలని కోరుతున్నారు.
వీడియో చూడండి..
మరిన్ని తెలంగాణ వార్తల కోసం ఇక్కడ క్లిక్ చేయండి.
