Xiaomi Civi 4 pro: షావోమీ నుంచి కొత్త ఫోన్‌.. ఫీచర్స్‌ ఎలా ఉన్నాయంటే..

చైనాకు చెందిన స్మార్ట్‌ ఫోన్‌ షావోమీ ఇటీవల బడ్జెట్ ఫోన్‌లను విడుదల చేస్తూ వస్తోన్న విషయం తెలిసిందే. అయితే తాజాగా మిడ్ రేంజ్‌ బడ్జెట్‌ను టార్గెట్‌ చేసుకొని మరో కొత్త ఫోన్‌ను తీసుకొచ్చింది. షావోమీ సివి 4 పేరుతో ఈ ఫోన్‌ను లాంచ్‌ చేశారు. షావోమీ సివి4 పేరుతో ఈ ఫోన్‌ను లాంచ్‌ చేశారు. ప్రస్తుతం చైనా మార్కెట్లో అందుబాటులోకి వచ్చిన ఈ ఫోన్‌ను త్వరలోనే భారత్‌లోనూ లాంచ్‌ చేసేందుకు సిద్ధమవుతున్నారు. ఇంతకీ ఈ ఫోన్‌లో ఎలాంటి ఫీచర్లు ఉండనున్నాయి.? ధర ఎంత లాంటి పూర్తి వివరాలు ఇప్పుడు తెలుసుకుందాం..

షావోమీ సివి4 పేరుతో కొత్త ఫోన్‌ను లాంచ్‌ చేసింది. ఈ స్మార్ట్‌ ఫోన్‌ ఫీచర్ల విషయానికొస్తే ఇందులో.. 6.67 ఇంచెస్‌తో కూడిన అమోఎల్‌ఈడీ డిస్‌ప్లేను అందించారు. 120 హెచ్‌జెడ్‌ రిఫ్రెట్ రేట్‌ ఈ స్క్రీన్‌ సొంతం. 1080 x 2400 పిక్సెల్స్ రిజల్యూషన్‌తో తీసుకొచ్చారు. 500 nits టైపికల్ బ్రైట్‌నెస్, 900 nits పీక్ బ్రైట్‌నెస్‌కి ఈ స్క్రీన్ సపోర్ట్ చేస్తుంది. కెమెరా విషయానికొస్తే ఈ స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్పీలు, వీడియోలు కాల్స్‌ కోసం 32 మెగాపిక్సెల్స్‌తో కూడిన ఫ్రంట్ కెమెరాను అదించారు.

అలాగే ఈ స్మార్ట్‌ ఫోన్‌లో క్వాల్కమ్‌ స్నాప్‌డ్రాగన్ 7 జెన్‌ 1 ప్రాసెసర్‌ను అందించారు. ఈ పోన్‌ను 8 జీబీ ర్యామ్‌తో పాటు 128 జీబీ, 256 జీబీ స్టోరేజ్‌ వేరియంట్‌లో లాంచ్‌ చేశారు. ఆండ్రాయిడ్‌ 12 ఆపరేటింగ్ సిస్టమ్‌తో పనిచేసే ఈ పోన్‌లో 4500 ఎమ్ఏహ్చ్‌ బ్యాటరీని అందించారు. 67 వాట్స్‌ ఫాస్ట్ ఛార్జింగ్‌కు ఈ బ్యాటరీ పని చేస్తుంది. అలాగే 50 వాట్స్‌ వైర్‌లెస్‌ ఛార్జింగ్‌కు సపోర్ట్‌ చేస్తుంది. ఏప్రిల్‌ 1వ తేదీ నుంచి చైనా మార్కెట్లో ఈ ఫోన్‌ అందుబాటులోకి రానుంది.

ధర విషయానికొస్తే 128జీబీ స్టోరేజ్‌ వేరియంట్‌ ఫోన్‌ ధర రూ. 34,999గా ఉండనుంది. అలాగే 256 జీబీ స్టోరేజ్‌ వేరియంట్‌ ధర రూ. 36,999గా ఉండనుంది. ఇక ఈ ఫోన్‌ను స్ప్రింగ్ ఫీల్డ్ గ్రీన్, సాఫ్ట్ మిస్ట్ పింక్, బ్రీజ్ బ్లూ, బ్లాక్ కలర్‌ ఆప్షన్స్‌లో అందుబాటులో ఉండనుంది. ప్రస్తుతం చైనాలో లాంచ్‌ చేసిన ఈ ఫోన్‌ను భారత మార్కెట్లోకి ఎప్పుడు తీసుకొస్తున్నారన్న దానిపై కంపెనీ ఇప్పటి వరకు ఎలాంటి అధికారిక ప్రకటన చేయలేదు.

మరిన్ని టెక్నాలజీ వార్తల కోసం ఇక్కడ క్లిక్ చేయండి..