Samsung S 23: సామ్‌సంగ్‌ ఎస్ 23లో సరికొత్త ఎడిషన్.. కొన్ని యూనిట్లకే పరిమతం

సామ్‌సంగ్ గెలాక్సీ ఎస్ 23 అల్ట్రా బీఎండబ్ల్యూ ఎం ఎడిషన్ అందుబాటులోకి తీసురానున్నట్లు పలు నివేదికలు వెల్లడిస్తున్నాయి. అయితే ఈ బీఎండబ్ల్యూ ఎడిషన్ పరిమిత సంఖ్యలో అంటే కేవలం 1000 యూనిట్లు మాత్రమే వినియోగదారులకు అందుబాటులో ఉండనున్నాయి.

Samsung Galaxy S23

Srinu |

Updated on: Feb 14, 2023 | 2:38 PM

ప్రముఖ స్మార్ట్ ఫోన్ తయారీ సంస్థ సామ్‌సంగ్ ఇటీవల మార్కెట్‌లో తన కొత్త మోడల్ ఎస్ 23ను లాంచ్ చేసింది. ప్రపంచ వ్యాప్తంగా రిలీజ్ చేసిన ఈ ఫోన్ తొలి 24 గంటల్లోనే రూ.1400 కోట్లు విలువైన యూనిట్ల కోసం వినియోగదారులు ప్రీ బుక్ చేసుకున్నారు. దీన్ని బట్టే వినియోగదారులను ఈ ఫోన్ ఏ స్థాయిలో ఆకట్టుకుందో మనం అర్థం చేసుకోవచ్చు. ఇప్పుడు ఈ ఫోన్‌లో సరికొత్త ఎడిషన్ లాంచ్ చేయనున్నట్లు కంపెనీ ప్రతినిధులు ఇటీవల తెలిపారు. సామ్‌సంగ్ గెలాక్సీ ఎస్ 23 అల్ట్రా బీఎండబ్ల్యూ ఎం ఎడిషన్ అందుబాటులోకి తీసురానున్నట్లు పలు నివేదికలు వెల్లడిస్తున్నాయి. అయితే ఈ బీఎండబ్ల్యూ ఎడిషన్ పరిమిత సంఖ్యలో అంటే కేవలం 1000 యూనిట్లు మాత్రమే వినియోగదారులకు అందుబాటులో ఉండనున్నాయి. ఈ ఎడిషన్ బీఎండబ్ల్యూ ఎం3 ఈ30 నుంచి ప్రేరణ పొందింది. ఎస్‌కే టెలికాం సహాయంతో ఈ యూనిట్లను విక్రయించనున్నారు. 12 జీబీ+ 512 జీబీ వెర్షన్‌లో వచ్చే ఈ ఫోన్ రూ.1,72,999కు వినియోగదారులకు అందుబాటులో ఉండనుంది.

బీఎండబ్ల్యూ ఎడిషన్ ప్యాకింగ్ ప్రత్యేకం

వినియోగదారులు కొన్ని మరపురాని ఉపకరణాలు ఈ బీఎండబ్ల్యూ ఎడిషన్ ప్యాకింగ్‌లో పొందుతారు. బీఎండబ్ల్యూ నేపథ్య కేస్, బీఎండబ్ల్యూ చిహ్నాలతో ఉండే రింగ్, కంపెనీ 50వ వార్సికోత్సవం సందర్భంగా ఆవిష్కరించిన బీఎండబ్ల్యూ రౌండల్, బీఎండబ్ల్యూ బ్యాటరీతో నడిచే ఎయిర్ కంప్రసర్, కప్ హోల్డర్, ఓ గడియారం, ఓ పుస్తకం, ఓ ఫొటోను పొందుతారు. అంతేకాకుండా వినియోగదారులు దక్షిణ కొరియాలోని బీఎండబ్ల్యూ డ్రైవింగ్ సెంటర్ గురించి స్టార్టర్ ప్యాక్ వోచర్‌ను పొందుతారు. ఈ ప్రత్యేక ఎడిషన్ గెలాక్సీ ఎస్ 23 అల్ట్రా కస్టమ్ బూట్ యానిమేషన్, కొత్త థీం రూపంలో ఇంటీరియర్‌లోని కొన్ని మార్పులను పొందుతారు. అలాగే ఇది ఫాంటమ్ బ్లాంక్‌లో అందిస్తారు. అయితే బీఎండబ్ల్యూ ఎస్ 23 స్పెసిఫికేషన్లు, సాధారణ ఎస్ 23 స్పెసిపికేషన్లు ఒకేలా ఉన్నాయని మార్కెట్ రంగ నిపుణులు చెబుతున్నారు.

ఇవి కూడా చదవండి