Nothing Phone 1: నథింగ్ ఫోన్ 1 పై భారీ డిస్కౌంట్.. ఇయర్ ఎండ్ సేల్ ప్రకటించిన ఫ్లిప్కార్ట్.. వివరాలివే..
Nothing Phone 1: యునైటెడ్ కింగ్‌డమ్(యూకే)కు చెందిన ప్రముఖ స్మార్ట్‌ఫోన్ కంపెనీ నథింగ్ వారి ‘నథింగ్ ఫోన్ 1’ ధర భారీగా తగ్గింది. భారత మార్కెట్లో ఈ ఫోన్ ధర రూ. 25,199 గా ఉండడంతో..
Updated on: Dec 28, 2022 | 10:03 PM
Nothing Phone 1: యునైటెడ్ కింగ్‌డమ్(యూకే)కు చెందిన ప్రముఖ స్మార్ట్‌ఫోన్ కంపెనీ నథింగ్ వారి ‘నథింగ్ ఫోన్ 1’ ధర భారీగా తగ్గింది. భారత మార్కెట్లో ఈ ఫోన్ ధర రూ. 25,199 గా ఉండడంతో అందరికీ అందుబాటులో ఉన్నట్లయింది. ఇయర్ ఎండ్ సేల్‌ను నిర్వహిస్తున్న ఫ్లిప్కార్ట్ 2022 సంవత్సరంలో విడుదలైన అనేక కంపెనీల ఫోన్‌లపై భారీ డిస్కౌంట్లను ప్రకటించింది. అలా భారీగా ధర తగ్గిన ఫోన్లలో నథింగ్ ఫోన్ 1 కూడా ఒకటని చెప్పుకోవచ్చు. ఇక ఈ ఫోన్ ధర, దాని ఫీచర్ల వివరాలు ఇక్కడ తెలుసుకుందాం..
నథింగ్ ఫోన్ 1 వివరాలు: ఫ్లిప్కార్ట్ ఇయర్ ఎండ్ సేల్ ధరల ప్రకారం నథింగ్ ఫోన్ 1 (8GB RAM + 128GB) మోడల్ 27,999 రూపాయలకు అందుబాటులో ఉంది. మిడ్-రేంజ్ స్మార్ట్‌ఫోన్ ధర రూ. 32,999గా ఉండగా దీనిపై రూ. 5,000 ఫ్లాట్ డిస్కౌంట్ ఆఫర్ ఉంది. ఫెడరల్ బ్యాంక్ క్రెడిట్ కార్డ్ ఉన్నవారు ఈ ఫోన్‌ను మరింత తక్కువ ధరకే కొనుగోలు చేయవచ్చు. ఫ్లిప్కార్ట్ ఇయర్ ఎండ్ సేల్ లిస్టింగ్ ప్రకారం.. ఈ బ్యాంక్ కార్డ్‌పై దాదాపు రూ. 2,800 డిస్కౌంట్ పొందవచ్చు.
5G సేవలను అందించగల నథింగ్ ఫోన్ 1 ఫోన్‌లో మీరు గ్రాఫికల్ గేమ్స్ కూడా ఆడవచ్చు. మల్టీ-టాస్కింగ్ సమస్య లేనే లేదు ఈ ఫోన్‌లో. ఇంటెన్సివ్ వర్క్‌లోడ్‌ను కూడా హ్యాండిల్ చేయగల హార్డ్‌కోర్ పర్ఫార్మెన్స్‌ను నథింగ్ ఫోన్ 1 కలిగి ఉంది. 120Hz డిస్‌ప్లే, క్లీన్ (బ్లోట్‌వేర్-ప్రీ) సాఫ్ట్‌వేర్‌తో ఉన్న నథింగ్ ఫోన్ 1 బ్యాటరీ లైఫ్ సుదీర్ఘ కాలం వచ్చేలా ఉంటుంది. ప్రత్యేకమైన లైట్, సౌండ్ సెటప్, ఫోన్ నోటిఫికేషన్‌లను ఈ ఫోన్ ద్వారా పొందవచ్చు. ఇదే ధరతో ఉన్న ఇతర ఫోన్‌ల కంటే ఈ ఫోన్ కెమెరా మెరుగ్గా ఉంది. బెస్ట్ కెమెరా, సాఫ్ట్‌వేర్ ఎక్స్‌పీరియన్స్ కోసం ఈ ఫోన్ మేలైనదని చెప్పుకోవచ్చు.
మరిన్ని టెక్నాలజీ వార్తల కోసం ఇక్కడ క్లిక్ చేయండి
