ఇక స్టోరేజ్ ఫుల్ తలనొప్పి ఉండదు.. జీమెయిల్‌లో దాగున్న ఈ సీక్రెట్ ట్రిక్ మీకు తెలుసా..?

ఈ డిజిటల్ కాలంలో స్మార్ట్‌ఫోన్ వాడుతున్న ప్రతి ఒక్కరూ ఫేస్ చేస్తున్న అతిపెద్ద తలనొప్పి.. స్టోరేజ్ ఫుల్ కావడం. ఫోన్ మెమరీ నిండిపోతే మొబైల్ స్లో అయిపోవడం, యాప్స్ సరిగ్గా ఓపెన్ కాకపోవడం, చివరికి ఫోన్ పూర్తిగా పనిచేయడం ఆగిపోవడం లాంటి సమస్యలు వస్తాయి. చాలామంది ఫోన్ స్టోరేజ్ అనగానే కేవలం ఫొటోలు, వీడియోల వల్లే నిండిపోతుందని అనుకుంటారు. కానీ మనకు తెలియకుండానే ఫోన్ మెమరీని, గూగుల్ క్లౌడ్ స్టోరేజ్‌ను తినేసే ప్రధాన విలన్ ఒకటుంది… అదే జీమెయిల్. అనవసరమైన ఈమెయిల్స్‌తో జీమెయిల్ స్టోరేజ్ వేగంగా నిండిపోవడం వల్ల గూగుల్ డ్రైవ్, గూగుల్ ఫొటోస్ కూడా బ్లాక్ అయిపోతాయి. మరి ఈ సమస్యకు చెక్ పెడుతూ, కేవలం ఒకే ఒక్క క్లిక్‌తో వేలాది అనవసరపు మెయిల్స్‌ను ఎలా తొలగించాలో ఇప్పుడు వివరంగా తెలుసుకుందాం.

జీమెయిల్ స్టోరేజ్ ఎందుకు అంత వేగంగా నిండిపోతోంది?

జీమెయిల్ అనేది ప్రపంచవ్యాప్తంగా లక్షలాది మంది రోజువారీ జీవితంలో వాడే అత్యంత ముఖ్యమైన అప్లికేషన్. అయితే మనం ఏదైనా షాపింగ్ మాల్స్‌కి వెళ్లినప్పుడు, ఆన్‌లైన్ వెబ్‌సైట్లలో లాగిన్ అయినప్పుడు లేదా కొత్త యాప్స్ డౌన్‌లోడ్ చేసుకున్నప్పుడు మన జీమెయిల్ ఐడీని ఇస్తుంటాం. అంతే అప్పటినుంచి సదరు కంపెనీల నుండి రోజుకు వందల కొద్దీ ప్రమోషనల్ మెయిల్స్, ఆఫర్ల ప్రకటనలు వచ్చి మన ఇన్‌బాక్స్‌లో పేరుకుపోతాయి. ఈ జంక్ మెయిల్స్ వల్ల నిజమైన, ముఖ్యమైన ఈమెయిల్స్ రావడం కూడా ఆగిపోతుంది.

ఒకేసారి డిలీట్ చేసే సీక్రెట్ ట్రిక్

ఇన్‌బాక్స్‌లో ఒక్కో మెయిల్‌ను సెలెక్ట్ చేస్తూ డిలీట్ చేయడం చాలా టైమ్ వేస్ట్ ప్రాసెస్. అలా కాకుండా అవసరం లేని వాణిజ్య ఈమెయిల్‌లను ఒకేసారి క్లియర్ చేయడానికి ఈ సింపుల్ స్టెప్స్ ఫాలో అవ్వండి..

వెబ్ బ్రౌజర్‌లో ఓపెన్ చేయండి: మొదట మీ లాప్‌టాప్ లేదా మొబైల్ బ్రౌజర్‌లో జీమెయిల్ (Gmail) ఓపెన్ చేయండి.

సెర్చ్ బార్ మ్యాజిక్: జీమెయిల్ పైన ఉండే సెర్చ్ బార్‌లోకి వెళ్లి Unsubscribe అని టైప్ చేసి ఎంటర్ నొక్కండి.

ఫిల్టర్ అవుతాయి: ఇలా చేయగానే, అడ్వర్టైజ్‌మెంట్స్, న్యూస్‌లెటర్స్, కంపెనీల నుండి వచ్చిన అన్‌సబ్‌స్క్రైబ్ ఆప్షన్ ఉన్న మెయిల్స్ అన్నీ ఒకే చోట స్క్రీన్ మీద కనిపిస్తాయి.

అన్నింటినీ ఒకేసారి సెలెక్ట్ చేయండి: ఆ ఇమెయిల్‌లన్నీ అనవసరమైనవే అని మీరు భావిస్తే… ఇన్‌బాక్స్ పైన, ఎడమ వైపు మూలలో ఉండే చెక్ బాక్స్‌పై క్లిక్ చేయండి. దీనివల్ల ఆ పేజీలోని మెయిల్స్ అన్నీ సెలెక్ట్ అవుతాయి.

ఒక్క క్లిక్‌తో డిలీట్: అన్నీ సెలెక్ట్ అయ్యాక, పైన కనిపించే డిలీట్ ఐకాన్‌పై క్లిక్ చేయండి. అంతే… వేలాది జంక్ మెయిల్స్ క్షణాల్లో మాయమైపోతాయి.

ఈ సింపుల్ ట్రిక్ ఉపయోగించడం ద్వారా మీ జీమెయిల్‌లో జీబీలకు జీబీల స్టోరేజ్ ఖాళీ అవుతుంది. ఫలితంగా మీ స్మార్ట్‌ఫోన్ కూడా ఎలాంటి హ్యాంగింగ్ సమస్యలు లేకుండా చాలా స్మూత్‌గా పనిచేస్తుంది. ఇంకెందుకు ఆలస్యం, వెంటనే మీ జీమెయిల్ ఓపెన్ చేసి స్టోరేజ్ క్లియర్ చేసుకోండి.