WhatsApp: మరింత వేగంగా వాట్సాప్.. త్వరలో రానున్న కొత్త ఫీచర్.. యూజర్లకు ఇక పండగే..
ముఖ్యమైన వాట్సాప్ లో జరిగే అప్ డేట్ లపై వినియోగదారులకు ఎంతో ఆసక్తి ఉంటుంది. ఈ నేపథ్యంలో కొత్త ఫీచర్ రానుంది. ముఖ్యంగా చాట్, స్టేటస్ అప్‌డేట్‌ల కోసం, వేగవంతమైన పనితీరు కోసం వాట్సాప్ కొత్త ఫీచర్ ను అభివృద్ధి చేస్తోంది. వాట్సాప్ యూజర్ల కనెక్టివిటీని మెరుగుపరిచేందుకు ఈ ఫీచర్ ఎంతో ఉపయోగపడుతుందని భావిస్తున్నారు.
మన రోజు వారీ పనులలో భాగంగా సమాచారాన్ని వేరొకరికి పంపించడానికి ఎక్కువగా ఉపయోగించే సాధనం వాట్సాప్. ఫొటోలు, డాక్యుమెంట్లు, వీడియోలు ఇలా అన్నీ వాట్సాప్ ద్వారానే పంపిస్తుంటాం. లేకపోతే సమాచారం పంపించడానికి చాలా ఇబ్బంది పడుతుంటాం. ఈ-మెయిల్, ఇతర సాధనాలు ఉన్నప్పటికీ వాట్సాప్‌లోనే ఆ ప్రక్రియ సులభంగా జరుగుతుంది. ఇంత ముఖ్యమైన వాట్సాప్ లో జరిగే అప్ డేట్ లపై వినియోగదారులకు ఎంతో ఆసక్తి ఉంటుంది. ఈ నేపథ్యంలో కొత్త ఫీచర్ రానుంది. ముఖ్యంగా చాట్, స్టేటస్ అప్‌డేట్‌ల కోసం, వేగవంతమైన పనితీరు కోసం వాట్సాప్ కొత్త ఫీచర్ ను అభివృద్ధి చేస్తోంది. వాట్సాప్ యూజర్ల కనెక్టివిటీని మెరుగుపరిచేందుకు ఈ ఫీచర్ ఎంతో ఉపయోగపడుతుందని భావిస్తున్నారు.
మెరుగైన సేవలు..
తన వినియోగదారులకు మెరుగైన సేవలు అందించడానికి వాట్సాప్ ఎల్లప్పుడూ సిద్ధంగా ఉంటుంది. ఇందుకోసం క్రమం తప్పకుండా కొత్త ఫీచర్లను యాడ్ చేస్తుంది. తాజా నివేదికల ప్రకారం మీరు మీ కుటుంబం, స్నేహితులతో సులభంగా కనెక్ట్ అయ్యే ఫీచర్లపై పని చేస్తోంది. వాట్సాప్‌కు సంబంధించిన అప్‌డేట్‌లను తెలియజేసే వాబీటా ఇన్ఫో సమాచారం ప్రకారం.. మెటా యాజమాన్యంలోని ప్లాట్‌ఫారమ్ చాట్‌ల కోసం ట్యాబ్‌ను, స్టేటస్ అప్‌డేట్‌లకు వేగవంతమైన ప్రతిస్పందనలను తెలియజేసే ఫీచర్‌ను పరిచయం చేయడానికి సిద్ధమవుతోంది.
అనేక ఉపయోగాలు..
కొత్త అప్ డేట్ ద్వారా మీరు ఇంటరాక్ట్ అయ్యే వ్యక్తులను సులభంగా కనుగొనవచ్చు. వాట్సాప్ లో స్టేటస్ అప్‌డేట్‌లకు వేగంగా స్పందించవచ్చు. వాట్సాప్ వినియోగదారులు త్వరలో యాప్ సెట్టింగ్‌లలో నేరుగా తమ స్నేహితులు, సమూహాలను జోడించగలరు, తమకు నచ్చిన క్రమ పద్ధతిలో ఏర్పాటు చేసుకోగలరు. లేదా తీసివేయగలరు. ముఖ్యంగా కాల్స్ ట్యాబ్ నుంచి వినియోగదారులు తమకు ఇష్టమైన స్నేహితులు, సమూహాలను సులభంగా యాక్సెస్ చేయడానికి, నిర్వహించడానికి ఈ ఫీచర్ రూపొందిస్తున్నారు.
వేగంగా ప్రతిస్పందన..
స్టేటస్ అప్‌డేట్‌లపై వేగంగా ప్రతిస్పందించడానికి వాట్సాప్ కొత్త ఫీచర్‌ను తయారు చేస్తోంది. భవిష్యత్తు అప్‌డేట్ కోసం సెట్ చేయబడిన ఈ ఫీచర్, వినియోగదారులు స్టేటస్ అప్‌డేట్‌లకు రియాక్షన్‌లను జోడించడానికి వీలు కల్పిస్తుంది, ఇతర వినియోగదారులు పోస్ట్ చేసిన కంటెంట్‌పై వ్యాఖ్యలను సులభతరం చేస్తుంది. స్టేటస్ అప్‌డేట్‌లకు వినియోగదారులు వేగంగా ప్రతిస్పందించడానికి అనుమతిస్తుంది. ఇతరులు పోస్ట్ చేసిన కంటెంట్ పై వ్యాఖ్యలు చేయవచ్చు. ఇవి నేరుగా స్టేటస్ స్క్రీన్‌పై కనిపిస్తాయి.
అధికారిక సమాచారం లేదు..
వాబీటా సమాచారం నమ్మదగినది అయినప్పటికీ, ఈ అప్‌డేట్‌లకు సంబంధించి వాట్సాప్ అధికారికంగా ప్రకటించలేదు. కాబట్ట అధికారంగా సమాచారం వచ్చేసరికీ వేచి చూడాలి.
మరిన్ని టెక్నాలజీ వార్తల కోసం ఇక్కడ క్లిక్ చేయండి..