Bajaj Bikes: బజాజ్ నుంచి అదిరిపోయే లుక్తో కొత్త తరహా బైక్.. ఈ ఫీచర్లు చూస్తే అబ్బా అనాల్సిందే.. ప్రత్యేకతలు ఏంటంటే..?
బజాజ్ ప్రియులకు శుభవార్త. త్వరలోనే మరో కొత్త మోడల్ బైక్ వచ్చేస్తుంది. ఈ బైక్ ప్రస్తుతం ట్రయల్స్ దశలో ఉండగా.. త్వరలోనే రిలీజ్ చేయనున్నారు. అయితే ఇందులోని ఫీచర్లు అందరిని ఆకర్షిస్తున్నాయి. కొత్త తరహా ఫీచర్లు ఇందులో ఉన్నాయి. ఈ బైక్ ప్రత్యేకతలు చూద్దాం.
Updated on: Aug 20, 2026 | 10:12 AM
బజాజ్ నుంచి మరో కొత్త మోడల్ బైక్ త్వరలో మార్కెట్లోకి రానుంది. త్వరలోనే విడుదల చేసేందుకు సన్నాహాలు జరుగుతున్నాయి. పల్సర్ 125 మోడల్ బైక్ విడుదల చేసేందుకు రంగం సిద్దమవుతోంది. ఈ అప్డేటెడ్ బైక్ వెర్షన్లో అనేక ఫీచర్లు అందుబాటులో ఉన్నాయి. రాబోయే పల్సర్లో TFT ఇన్స్ట్రుమెంట్ క్లస్టర్ ఉంటుంది. అలాగే మంచి స్టైలింగ్ అప్డేట్ను కలిగి ఉంటుంది.ముందు భాగంలో కొత్త LED హెడ్ల్యాంప్, సవరించిన ఫ్రంట్ ఫెండర్. హెడ్లైట్ పైన అమర్చిన, స్థానం మార్చిన నంబర్ ప్లేట్లు ఉంటాయి. విండ్స్క్రీన్ నునుపైన, గుండ్రని అంచులను కలిగి ఉంటుంది. ఇవి ముందు భాగానికి మరింత శుభ్రమైన రూపాన్ని అందిస్తాయి. పక్కల వైపులా, ఫ్యూయల్ ట్యాంక్ను పదునైన ట్యాంక్ ఎక్స్టెన్షన్లతో తీర్చిదిద్దారు. ఈ ఫీచర్ బైక్కు మరింత దృఢమైన, దూకుడు రూపాన్ని ఇస్తుంది.
ఫీచర్లు ఇవే..
అలాగే ప్రస్తుత హీల్-అండ్-టో సెటప్కు బదులుగా టో-ఓన్లీ గేర్ షిఫ్టర్కు మారడం, కొత్త ప్లాస్టిక్ చైన్ కవర్ బరువును తగ్గించడంలో సహాయపడటం వంటి ఫీచర్లు ఉన్నాయి. వెనుక వైపు కొత్తగా డిజైన్ చేసిన టెయిల్ల్యాంప్, డ్యూయల్-టోన్ ఎగ్జాస్ట్, పెద్ద స్ప్లిట్ గ్రాబ్ రైల్స్, అప్డేట్ చేసిన పిలియన్ ఫుట్పెగ్లు, బ్రేక్ పెడల్ లభించాయి. ఇది17-అంగుళాల అల్లాయ్ వీల్స్పై కొనసాగుతుంది. అలాగే టెలిస్కోపిక్ ఫ్రంట్ ఫోర్క్లు, LED ఇండికేటర్లను కలిగి ఉంది. రాబోయే పల్సర్ 125 ప్రధాన ఆకర్షణ దాని కొత్త TFT ఇన్స్ట్రుమెంట్ క్లస్టర్. పల్సర్ N160 SSలో అందించిన యూనిట్ను పోలి ఉంటుంది. బ్లూటూత్ కనెక్టివిటీ డిస్ప్లేని ఇది అందిస్తోంది. దీని ద్వారా టర్న్-బై-టర్న్ నావిగేషన్తో పాటు కాల్, SMS నోటిఫికేషన్ల వంటి ఫీచర్లు అందుబాటులోకి వస్తాయి.
త్వరలోనే మార్కెట్లోకి విడుదల
టెస్ట్ బైక్లో టైప్-సి USB ఛార్జింగ్ పోర్ట్, హజార్డ్ లైట్లు కూడా కనిపించాయి. బజాజ్ 125cc ఇంజిన్ను మెరుగుపరిచి దాని పనితీరు, ఇంధన సామర్థ్యాన్ని పెంచే అవకాశం ఉంది. అయితే అధికారిక స్పెసిఫికేషన్లు ఇంకా వెల్లడించలేదు. ప్రస్తుత పల్సర్ 125లో ఉపయోగిస్తున్న ట్విన్-షాక్ సెటప్కు బదులుగా.. వెనుక మోనోషాక్ సస్పెన్షన్ ఈ కొత్త మోడల్ బైక్లో అమర్చారు. ఈ కొత్త అమరిక రైడ్ డైనమిక్స్ను మెరుగుపర్చడమే కాకుండా.. మోటార్సైకిల్కు మరింత ఆధునిక, స్పోర్టీ రూపాన్ని కూడా అందిస్తుంది. మరికొద్ది రోజుల్లోనే ఈ బైక్ మార్కెట్లోకి రిలీజ్ కానుండగా.. దీని ఫీచర్లపై అందరిలోనూ ఆసక్తి పెరిగింది. దీంతో బైక్ ప్రియులను ఇది ఆకర్షిస్తోంది. బజాజ్ ఎప్పటికప్పుడు కొత్త తరహా బైక్లను విడుదల చేస్తూ వస్తోంది.
