పంత్‌కు పాఠాలు నేర్పిన ధోని కూతురు..!

చెన్నై సూపర్ కింగ్స్ సారధి మహేంద్ర సింగ్ ధోని గారాల పట్టి జీవా ధోనికి సోషల్ మీడియాలో విపరీతమైన ఫాలోయింగ్ ఉంది. తన క్యూట్ క్యూట్ మాటలతో కోట్ల మంది అభిమానులను సొంతం చేసుకుంది ఈ చిన్నారి. ఒక తరుణంలో కింగ్స్ ఎలెవన్ సహా-యజమాని, హీరోయిన్ ప్రీతి జింటా కూడా జీవా ధోనీని ఎప్పుడొకప్పుడు కిడ్నాప్ చేసేస్తానంటూ మాహీకి స్వీట్ వార్నింగ్ ఇచ్చిందంటే జీవాకి ఎంత క్రేజ్ ఉందో చెప్పనక్కర్లేదు. ఇక తాజాగా జీవా ధోనీకి సంబంధించిన ఓ వీడియో సోషల్ మీడియాలో తెగ వైరల్ అవుతోంది. యంగ్ వికెట్ కీపర్ రిషబ్ పంత్‌కు అఆలు నేర్పిస్తూ తన క్యూట్ ఎక్స్‌ప్రెషన్స్‌తో ఫ్యాన్స్‌ను ఆకట్టుకుంది జీవా ధోనీ. క్వాలిఫైయర్ 2 లో ఢిల్లీ తో చెన్నై తలపడిన విషయం తెలిసిందే. ఆ మ్యాచ్ అనంతరం జీవా ధోని పంత్‌కు  పాఠాలు నేర్పింది.