Pele Passes Away: ఫుట్‌బాల్ రారాజు పీలే ఇక లేరు.. క్యాన్సర్‌తో పోరాడుతూ తుదిశ్వాస విడిచిన బ్రెజిల్ స్టార్ ప్లేయర్..

Brazil Foodball Player Pele

Pele Passes Away: లెజెండరీ ఫుట్‌బాల్ ప్లేయర్ పీలే (82) కన్నుమూశారు. ఆయన చాలా కాలంగా క్యాన్సర్‌తో బాధపడుతున్నారు. అతని మరణాన్ని ఆ‍యన కుమార్తె ఇన్‌స్టాగ్రామ్‌లో ధృవీకరించింది. పీలే తన దేశమైన బ్రెజిల్‌ను మూడుసార్లు ప్రపంచ ఛాంపియన్‌గా మార్చాడు. పీలే కుమార్తె మరణం గురించి సమాచారం ఇస్తూ, ‘మేం ఏమైనా, అది మీ వల్లనే. మేం నిన్ను చాలా ప్రేమిస్తున్నాం. రెస్ట్ ఇన్ పీస్’ అంటూ తన భాదను పంచుకుంది. ప్రపంచ అత్యుత్తమ ఫుట్‌బాల్ క్రీడాకారుడు పీలే జీవిత యుద్ధంలో ఓడిపోయారు. 82 ఏళ్ల వయసులో పీలే ప్రపంచానికి వీడ్కోలు పలికారు. కొంతకాలంగా ఆస్పత్రిలో ప్రాణాలతో పోరాడుతున్న పీలే ఈరోజు (డిసెంబర్ 30) తుదిశ్వాస విడిచారు. 20వ శతాబ్దపు గొప్ప ఫుట్‌బాల్ క్రీడాకారుడు పీలే.. పెద్దపేగు క్యాన్సర్‌తో బాధపడుతున్నాడు. రోజురోజుకూ అతని పరిస్థితి మరింత దిగజారింది. బ్రెజిల్ తరపున పీలే ఫార్వర్డ్‌గా ఆడాడు.

పీలే మరణం ఫుట్‌బాల్ ప్రేమికులకు దిగ్భ్రాంతి కలిగించింది. సోషల్ మీడియాలో అభిమానులంతా ఫుట్‌బాల్ హీరోకి చివరి వీడ్కోలు పలుకుతున్నారు. తాజాగా, ఫిఫా ప్రపంచకప్‌లో ఫైనల్‌లో ఓటమి పాలైనప్పటికీ మ్యాచ్‌ను చిరస్మరణీయం చేసిన ఫ్రెంచ్ ఫుట్‌బాల్ క్రీడాకారుడు కైలియన్ ఎంబాప్పే ట్వీట్ చేసి అతనికి నివాళులర్పించాడు.

బ్రెజిల్ 1958, 1962, 1970లో పీలే నేతృత్వంలో ప్రపంచకప్‌ను గెలుచుకుంది. అతను మొత్తం 4 ప్రపంచకప్‌లు ఆడాడు. అందులో మూడు గెలిచారు. మూడు ప్రపంచకప్‌లు గెలిచిన ఏకైక ఆటగాడిగా పీలే నిలిచాడు. 1971లో బ్రెజిల్ జాతీయ జట్టు నుంచి రిటైరయ్యాడు. పీలే తన వృత్తి జీవితంలో మొత్తం 1363 మ్యాచ్‌లు ఆడి 1281 గోల్స్ చేశాడు. బ్రెజిల్ తరపున 91 మ్యాచ్‌ల్లో 77 గోల్స్ చేశాడు.

పీలే కుటుంబం గురువారం అర్థరాత్రి తన అధికారిక ఇన్‌స్టాగ్రామ్ ఖాతాలో పీలే చిత్రాన్ని పోస్ట్ చేయడం ద్వారా ప్రపంచవ్యాప్తంగా ఉన్న అతని అభిమానులతో గొప్ప ఫుట్‌బాల్ క్రీడాకారుడి మరణం గురించి విచారకరమైన వార్తను పంచుకుంది.

రికార్డుల రారాజు పీలే..

1999లో అంతర్జాతీయ ఒలింపిక్ కమిటీచే పీలే శతాబ్దపు అథ్లెట్‌గా ఎంపికయ్యాడు. అతను 1363 మ్యాచ్‌ల్లో 1279 గోల్స్ చేసిన ప్రపంచ రికార్డును కలిగి ఉన్నాడు. ప్రపంచంలో 3 ప్రపంచకప్‌లు గెలిచిన ఏకైక ఆటగాడు పీలే. అతను 1958, 1962 మరియు 1970లలో మూడు ప్రపంచ కప్‌లను గెలుచుకున్నాడు. బ్రెజిల్ తరపున అత్యధిక గోల్స్ చేసిన ఆటగాడి నిలిచాడు. 92 మ్యాచ్‌ల్లో 77 గోల్స్ చేశాడు.

16 ఏళ్ల వయసులో అంతర్జాతీయ అరంగేట్రం..

పీలే 15 సంవత్సరాల వయస్సులో శాంటోస్ తరపున ఫుట్‌బాల్ ఆడటం ప్రారంభించాడు. 16 సంవత్సరాల వయస్సులో బ్రెజిలియన్ జాతీయ జట్టులో చోటు సంపాదించాడు. పీలే 7 జూలై 1957న అర్జెంటీనా తరపున అంతర్జాతీయ అరంగేట్రం చేశాడు. ఆ మ్యాచ్‌లో బ్రెజిల్ 2-1తో విజయం సాధించగా, పీలే ఆ మ్యాచ్‌లో గోల్ చేసి చరిత్ర సృష్టించాడు. ఆ సమయంలో, పీలే వయస్సు 16 సంవత్సరాల 9 నెలలు మాత్రమే. అతను గోల్ చేసిన అత్యంత పిన్న వయస్కుడైన బ్రెజిలియన్ ఆటగాడిగా నిలిచాడు. మరుసటి సంవత్సరం, అతను ప్రపంచ కప్‌లో పాల్గొన్నాడు. పీలే ఆ సమయంలో ప్రపంచ కప్‌లో ఆడిన అతి పిన్న వయస్కుడైన ఆటగాను రికార్డులు నెలకొల్పాడు.

మరిన్ని క్రీడా వార్తల కోసం ఇక్కడ క్లిక్ చేయండి..