Australian Open 2021: ఆస్ట్రేలియన్​ ఓపెన్‌ నుంచి ఇంటిముఖం పట్టిన టాప్ సీడ్ ఆటగాళ్లు.. ఎందుకో తెలుసా..!

Australian Open 2021: ఆస్ట్రేలియన్​ ఓపెన్‌లో టాప్ సీడ్ ఆటగాళ్లకు నిరాశే మిగిలింది. పురుషుల డబుల్స్ నుంచి భారత ఆటగాడు రోహన్ బోపన్న జోడీ ఓటమిని మూటగట్టుకుంది. మాజీ యూఎస్ ఓపెన్​ విజేత ఆండ్రెస్కు సైతం టోర్నీ నుంచి నిష్క్రమించింది.రెండో రౌండ్​లో తైవాన్​ ప్లేయర్​ సై సు వీ చేతిలో 6-3, 6-2 తేడాతో పరాజయం పాలైంది. ఏ రౌండ్‌లోనూ పోటీ ఇవ్వలేకపోయింది. ప్రత్యర్థి ముందు ఆండ్రెస్కు నిలవలేకపోయింది. తాను ఓడిపోయినప్పటికీ.. తిరిగి ఆటలోకి రావడం సంతోషంగా ఉందని వెల్లడించింది అండ్రెస్క్.

2019 యూఎస్ ఓపెన్​ ఫైనల్లో సెరెనా విలియమ్స్‌ను మట్టికరిపించి టైటిల్​ సొంతం చేసుకున్న ఆండ్రెస్కు.. ఆ తర్వాత మోకాలి గాయం కారణంగా 2020లో ఆడలేక పోయారు. తిరిగి ప్రస్తుతం ఆస్ట్రేలియన్​ ఓపెన్​ టోర్నీలో మళ్లీ రాకెట్​పట్టారు.

ఇదిలావుంటే…సెరెనా విలియమ్స్ విజయాల పరంపరను మొదలు పెట్టారు. సెర్బియన్​ ప్లేయర్​ నైనా స్టోజనోవిక్‌‌తో జరిగిన గేమ్‌లో సెరెనా విలియమ్స్ ఓడిచారు. 6-3, 6-0 తేడాతో ప్రత్యర్థిని చిత్తుచేశారు. మొదటి రౌండ్​గెలిచి ఆదిపత్యంను సెరెనా ప్రదర్శించారు. ఇక రెండో రౌండ్‌లో సెరెనా ముందు కనీసం నిలవలేకపోయింది నైనా.

ఈ టోర్నీలో మరో ఆటగాడికి కూడా దారుణమైన దురద‌ృష్టం వెంటాడింది. గత ఎనిమిదేళ్ల తర్వాత టాప్​ టోర్నీ ఆడుతున్న కెనడా క్రీడాకారిణి రెబెక్కా మారినో కూడా ఓటమిని మూటగట్టుకుంది. 19వ సీడ్​ ప్లేయర్​ మార్కెటా వండ్రోసోవా చేతిలో 6-1, 7-5 తేడాతో పరాజయాన్ని చవిచూసింది.

పురుషుల సింగిల్స్​లో రష్యా ఆటగాడు అస్లాన్​ కరత్సేవ్​ చేతిలో బెలారస్​ ఆటగాడు ఎగోర్ గెరాసిమోవ్ ఓడిపోయాడు. 6-0, 6-1, 6-0 తేడాతో ఘోర ఓటమిని చవిచూశాడు. మరో వైపు, ఫ్రెంచ్​ ఆటగాడు అలెగ్జాండర్​ ముల్లర్​పై అర్జెంటీనా క్రీడాకారుడు డియెగో స్క్వార్ట్జ్మాన్ విజయం సాధించాడు.

ఇక పురుషుల డబుల్స్​లో జరిగిన మ్యాచ్‌లో రోహన్​ బోపన్న జోడీ ఓడిపోయింది. జపాన్​ఆటగాడు బెన్​ మెక్​లాచ్లన్‌తో జతకట్టిన బోపన్న.. కొరియా ప్లేయర్ల చేతిలో పరాజయం మూటగట్టుకున్నాడు.

ఇవి కూడా చదవండి :

Telangana: తెలంగాణ కరోనా బులిటెన్.. కొత్తగా 157 పాజిటివ్ కేసులు, ఒకరు మృతి..

AP Panchayat Elections 2021: కడప జిల్లాలో ఆ పంచాయతీలో గంటకో ట్విస్ట్‌..! అక్కడ గెలుపెరిది? ఆ కన్‌ఫ్యూజన్ ఏంటి?