Watch Video: 4 రన్స్ తేడాతో విజయం.. సంబురాల్లో ఆటగాళ్లు.. అదిరిపోయే ట్విస్ట్ ఇచ్చిన అంపైర్.. నెట్టింట వైరల్
మ్యాచ్‌లో విజయానికి చివరి 6 బంతుల్లో 11 పరుగులు చేయాల్సి ఉంది. తొలి 5 బంతులు మాములుగానే నడిచినా.. చివరి బంతికి మాత్రం యాక్షన్, డ్రామా ఎక్కువ అవ్వడంతో..
సౌత్ ఇండియాలో తీసే సినిమాల్లో యాక్షన్ సన్నివేశాలు మాములుగా ఉండవు. అదిరిపోయే ట్విస్టులతో ఈ యాక్షన్, డ్రామా సీన్స్ ప్లాన్ చేస్తుంటారు. ఫ్యాన్స్ అయితే వీటిపై ఎంతో ఆసక్తి చూపిస్తుంటారు. ఇక క్రికెట్ విషయానికి వస్తే, అచ్చం సౌత్ ఇండియన్ సినిమాలో లాగే ఓ థ్రిల్లింగ్ కలిగించే సీన్ జరిగింది. అది కూడా చివరి ఓవర్‌లో కావడం విశేషం. హాంప్షైర్ వర్సెస్ లాంక్‌షైర్ జట్లు తలపడిన టీ20 బ్లాస్ట్ ఫైనల్‌లో ఈ సంఘటన చోటు చేసుకుంది. మ్యాచ్‌లో లాంక్‌షైర్ విజయానికి చివరి 6 బంతుల్లో 11 పరుగులు చేయాల్సి ఉంది. తొలి 5 బంతుల్లో జరిగిన డ్రామా చూసిన ప్రేక్షకులతోపాటు ఆటగాళ్లు కూడా షాక్ అయ్యారు. అయితే, చివరి బంతికి మాత్రం ఈ డ్రామా అద్భుతంగా క్లైమాక్స్‌కు చేరింది.
హాంప్షైర్ బౌలర్ నాథన్ ఎల్లిస్ వేసిన మొదటి 3 బంతుల్లో లాంక్‌షైర్ 4 పరుగులు మాత్రమే చేసింది. అంటే చివరి 3 బంతుల్లో గెలవడానికి 7 పరుగులు చేయాల్సి ఉంది. నాలుగో బంతికి వికెట్ పడింది. లాంక్‌షైర్ బ్యాట్స్‌మెన్ ల్యూక్ వుడ్ రనౌట్ అయ్యాడు. దీంతో లాంక్షైర్కు ఇంకా 7 బంతులు మిగిలి ఉండగా.. 5వ బంతికి 2 పరుగులు వచ్చాయి. అంటే చివరి బంతికి విజయానికి 5 పరుగులు కావాలి. ఈ సందర్భంలో ఒక సిక్స్ కొడితే, అంతా మారిపోయేది. కానీ, చివరి బంతిలో చూసిన యాక్షన్, డ్రామాను మీరు ఊహించలేరు.
చివరి ఓవర్, చివరి బంతికి డ్రామా..!
లాంక్షైర్కు చివరి బంతికి 5 పరుగులు కావాలి. అంటే, సిక్స్ అవసరం. హాంప్షైర్ బౌలర్ నాథన్ ఎల్లిస్ బంతిని వేశాడు. బ్యాట్స్‌మన్ సింగిల్ తీయడంతో.. 4 పరుగులు తేడాతో గెలిచామని హాంప్షైర్ ఆటగాళ్లు సంబురాలు చేసుకోవడం ప్రారంభించాడు. మ్యాచ్‌ను ప్రసారం చేస్తున్న ఛానెల్ కూడా అతడిని 4 పరుగుల తేడాతో విజేతగా ప్రకటించింది. అయితే ఈ సమయంలో నో బాల్ సూచిస్తున్న అంపైర్ వైపు ఎవరూ చూడలేదు.
View this post on Instagram
ఆ తర్వాత అసలు విషయం తెలుసుకుని హాంప్షైర్ ఆటగాళ్ళు షాక్ అయ్యారు. లాంక్షైర్కు ఇది లాటరీ లాంటిది. ఇప్పుడు విజయానికి చివరి బంతికి 3 పరుగులు మాత్రమే మిగిలాయి. కానీ, బ్యాటర్స్ కేవలం పరుగు మాత్రమే చేయగలిగారు. దీంతో హాంప్షైర్ మ్యాచ్‌ను గెలుచుకుంది. అంటే 4 పరుగుల తేడా విజయం కాస్తా.. నో బాల్ వ్యవహారంతో కేవలం 1 పరుగు తేడాకు చేరింది. అదే సమయంలో అదృష్టవశాత్తూ లాంక్షైర్కు దక్కిన అవకాశాన్ని చేజార్చుకుంది.
హ్యాంప్‌షైర్ టీ20 బ్లాస్ట్‌లో విజయవంతమైన జట్టుగా..
ఈ హై యాక్షన్, డ్రామాతో కూడిన చివరి ఓవర్ తర్వాత, హాంప్షైర్ 1 పరుగుతో మ్యాచ్‌ను గెలుచుకుంది. దీనితో ఆ టీం మూడవసారి టీ20 బ్లాస్ట్ టైటిల్‌ను కైవసం చేసుకుంది. లీసెస్టర్‌షైర్‌తో పాటు ఇంగ్లండ్‌లో జరిగిన ఈ టీ20 టోర్నీ చరిత్రలో హాంప్షైర్ ప్రస్తుతం అత్యంత విజయవంతమైన జట్టుగా అవతరించింది.
