ICC ODI Rankings : ఐసీసీ వన్డే ర్యాంకింగ్స్లో టీమిండియా ఆటగాళ్ల దూకుడు.. టాప్ ప్లేస్లో కోహ్లీ, రోహిత్, బుమ్రా
టీమిండియా కెప్టెన్, వైస్ కెప్టెన్ అగ్రస్థానంలో దక్కించుకున్నారు. ఐసీసీ (ICC) తాజా ప్రకటించిన వన్డే ర్యాంకుల్లో ఆదిపత్యాన్ని కొనసాగిస్తున్నారు. బ్యాటింగ్ విభాగంలో..
Updated on: Jan 27, 2021 | 8:52 PM
ICC ODI Rankings : టీమిండియా కెప్టెన్, వైస్ కెప్టెన్ అగ్రస్థానంలో దూసుకుపోతున్నారు. ఐసీసీ (ICC) తాజా ప్రకటించిన వన్డే ర్యాంకుల్లో ఆదిపత్యాన్ని తిరిగి దక్కించుకున్నారు. బ్యాటింగ్ విభాగంలో భారత కెప్టెన్, వైస్ కెప్టెన్లు తొలి రెండు స్థానాల్లో నిలిచారు. బౌలర్ల జాబితాలో పేసర్ జస్ప్రీత్ బుమ్రా మూడో స్థానంలో ఉండగా.. ఆల్రౌండర్లలో రవీంద్ర జడేజా, హర్దిక్ పాండ్య టాప్-20లో ఉన్నారు. ఇక పాకిస్తాన్ కెప్టెన్ బాబార్ అజామ్ 837 పాయిట్లతో మూడో స్థానానికి పరిమితమయ్యాడు. రాస్ టేలర్ (818), ఆరోన్ ఫించ్(791) టాప్-5లో ఉన్నారు.
బౌలర్ల ర్యాంకింగ్స్లో న్యూజిలాండ్ పేసర్ ట్రెంట్ బౌల్ట్(722) టాప్ ప్లేస్లో ఉన్నాడు. సెకెండ్ ప్లేస్లో అఫ్గాన్ బౌలర్ ముజీబ్ ఉర్ రెహమాన్ (701) ఉన్నాడు. అయితే భారత పేసర్ బుమ్రా(700) మూడో స్థానంలో కొనసాగుతున్నాడు.
ఇక విండీస్తో జరిగిన సిరీస్లో విజయవంతమైన బంగ్లాదేశ్ స్పిన్నర్ మెహిదీ హసన్ తొమ్మిది స్థానాలు మెరుగుపరుచుకుని.. కెరీర్ బెస్ట్ ర్యాంక్ నాలుగో స్థానంలో నిలిచాడు. 19వ స్థానంలో ఉన్న బంగ్లా పేసర్ ముస్తాఫిజుర్ రహమాన్ 8వ స్థానంకు చేరుకున్నాడు.
