Team India: 11 ఏళ్లలో అత్యంత చెత్త దశలో టీమిండియా.. మెగా టోర్నీలలో ఘోర వైఫల్యం.. ఇదే జట్టుతో టీ20 ప్రపంచ కప్ గెలిచేనా?
గత 11 సంవత్సరాలుగా టీమిండియా ఛాంపియన్‌గా ఉండటానికి ప్రధాన కారణం మహేంద్ర సింగ్ ధోనీ కెప్టెన్సీ. 2016 వరకు ఏదో ఒక గ్లోబల్ టోర్నమెంట్‌లో ఛాంపియన్లుగా ఉంచడంలో ధోని విజయవంతం అయ్యాడు.
Updated on: Sep 12, 2022 | 9:55 AM
T20 World Cup 2022: ఓ క్రికెట్ జట్టు ప్రపంచంలో నంబర్ వన్ కావడానికి ఏమి కావాలి – మంచి సెలెక్టర్లు, మంచి ఆటగాళ్ళు, గొప్ప సపోర్టింగ్ స్టాఫ్, వీరందరితోపాటు అందరినీ ముందుకు నడిపించగల కెప్టెన్. టీమ్ ఇండియాలో ఇవన్నీ ఉన్నాయి. కానీ, భారత జట్టు గత 11 ఏళ్లలో అత్యంత చెత్త దశలో ఉంది. 2011 తర్వాత ఏ మేజర్ టోర్నమెంట్‌లోనూ ఛాంపియన్లుగా నిలవలేకపోయింది. అది ఐసీసీ ట్రోఫీ అయినా లేదా ఆసియా క్రికెట్ కౌన్సిల్ (ఏసీసీ) ఆసియా కప్ అయినా సరే.. ఎలాంటి టైటిల్ భారత్ ఖాతాలో చేరలేదు. గత 11 సంవత్సరాలలో కనీసం ఒక ప్రధాన టోర్నమెంట్‌లో డిఫెండింగ్ ఛాంపియన్‌గా కూడా ఉండలేపోయింది. ఈసారి UAEలో జరిగిన ఆసియా కప్‌లో ఓటమితో ఈ ఫీట్‌ను కోల్పోయాం.
- 2011లో జరిగిన వన్డే ప్రపంచకప్‌లో 28 ఏళ్ల తర్వాత టీమిండియా చాంపియన్‌గా నిలిచింది. 2015 వరకు ఈ ట్రోఫీని కలిగి ఉంది. కానీ 2015 లో దానిని రక్షించుకోలేకపోయింది. ఆస్ట్రేలియా జట్టు ఛాంపియన్‌గా నిలిచింది.
- 2015లో ప్రపంచ టైటిల్‌ను కోల్పోవడానికి ముందు, 2013లో ధోనీ కెప్టెన్సీలో భారత జట్టు ఛాంపియన్స్ ట్రోఫీని గెలుచుకుంది. 2017లో ఫైనల్‌కు చేరుకుని, పాకిస్థాన్‌తో జరిగిన ఫైనల్ మ్యాచ్‌లో ఓడిపోయాం.
- 2017లో ఛాంపియన్స్ ట్రోఫీ కిరీటాన్ని కోల్పోయే ముందు మహీ కెప్టెన్సీలో 2016 ఆసియా కప్‌లో ఛాంపియన్లుగా నిలిచింది. ఆ తర్వాత 2018 ఆసియా కప్‌ను రోహిత్ శర్మ తన కెప్టెన్సీలో అందించాడు. అంటే 2011 నుంచి 2022 వరకు ఏదో ఒక మెగా టోర్నమెంట్‌లో ఛాంపియన్లుగా ఉన్నాం.
- కానీ, 2022లో ఆసియా కప్‌లో ఫైనల్‌కు చేరుకోలేకపోయింది. సూపర్-4 రౌండ్‌లోనే తిరుగుముఖం పట్టాల్సి వచ్చింది.
- ఇంతకుముందు, 2021లో ఐసీసీ టెస్ట్ ఛాంపియన్‌షిప్‌ను గెలుచుకునే అవకాశం ఉంది. అయితే ఫైనల్లో న్యూజిలాండ్‌తో జట్టు ఓడిపోయింది.
గత 11 సంవత్సరాలుగా టీమిండియా ఛాంపియన్‌గా ఉండటానికి ప్రధాన కారణం మహేంద్ర సింగ్ ధోనీ కెప్టెన్సీ అని తెలుసుకోవాలి. 2016 వరకు ఏదో ఒక గ్లోబల్ టోర్నమెంట్‌లో ఛాంపియన్లుగా ఉంచడంలో ధోని విజయవంతం అయ్యాడు. 2016 తర్వాత ధోనీ కెప్టెన్సీ నుంచి తప్పుకున్నాడు. కానీ, అతడి ఏర్పాటు చేసిన జట్టు ఆ తర్వాత కొన్నేళ్లుగా ఆడింది. ఫలితంగా 2018లో రోహిత్ శర్మ సారథ్యంలో ఆసియా ఛాంపియన్‌గా నిలవగలిగాం. కానీ, 2019 నుంచి టీమిండియా ప్రధాన ఈవెంట్లలో పట్టాలు తప్పుతోంది.
ఆ ఏడాది విరాట్ కోహ్లి సారథ్యంలో ఇంగ్లండ్‌లో జరిగిన వన్డే ప్రపంచకప్‌లో భారత జట్టు సెమీ ఫైనల్లో ఓడిపోయింది. దీని తర్వాత, 2021 T20 ప్రపంచ కప్‌లో జట్టు మళ్లీ విరాట్ కెప్టెన్సీలో బరిలోకి దిగిన భారత్.. సెమీ-ఫైనల్‌కు కూడా చేరుకోలేకపోయింది. 2022లో జరిగిన ఆసియా కప్‌లో రోహిత్ శర్మ కెప్టెన్సీలో అదే కెప్టెన్సీ పునరావృతమైంది.
ఇటువంటి పరిస్థితిలో, ధోనీ వేసిన మంత్రదండం ఏమిటి అనే ప్రశ్న తలెత్తుతుంది. దాని ఆధారంగా అతను ఎప్పటికప్పుడు జట్టును ఛాంపియన్‌గా చేశాడు. పెద్ద టోర్నీల్లో ఒత్తిడిని తట్టుకోవడంలో ధోని సామర్థ్యమే ఇందుకు ప్రధాన కారణం. ధోనీ కెప్టెన్‌గా ఉన్నంత కాలం టీమ్‌ఇండియా కానీ, జట్టులోని ఏ ఆటగాడూ భయపడలేదు. ధోని తన ప్లేయింగ్-11లో ఆరంభంలో ఆడలేదు. ఈ కారణంగా, ఆటగాళ్లందరికీ వారి పాత్ర బాగా తెలుసు. అతను వెళ్లిన తర్వాత అది మారిపోయింది. ఇప్పుడు భారత జట్టు రెండు దేశాల సిరీస్‌లను చాలా గెలుస్తుంది. కానీ, ఒకటి కంటే ఎక్కువ ప్రత్యర్థి జట్లతో టోర్నమెంట్ జరిగిన వెంటనే, కుప్పకూలిపోతోంది.
విరాట్ కోహ్లీ కూడా విఫలం..
సెలెక్టర్లను విరాట్ నమ్మలేదు. 2019 ప్రపంచకప్‌కు ముందు అంబటి రాయుడు ఆటతీరు అద్భుతమని, అయితే అతనికి జట్టులో అవకాశం ఇవ్వకపోవడంతో అతని స్థానంలో విజయశంకర్ జట్టులోకి వచ్చాడు. 2019 ప్రపంచకప్‌లో విజయశంకర్ ఫ్లాప్ అని నిరూపించుకున్నాడు. కెప్టెన్సీ ఒత్తిడిలో, ఆ టోర్నీలో విరాట్ ప్రదర్శన బలహీనంగా ఉంది. 2021 టీ20 ప్రపంచకప్‌లో కూడా అదే కనిపించింది. తన బౌలింగ్‌తో నిలకడగా జట్టును గెలిపించిన యుజ్వేంద్ర చాహల్‌ను తొలగించి రాహుల్ చాహర్‌కు అవకాశం కల్పించాడు.
రోహిత్ ప్లేయింగ్ ఎలెవన్ లో నిరంతరం మార్పులు..
రోహిత్‌ను కెప్టెన్‌గా మారిన తర్వాత ప్లేయింగ్-11 నిలకడగా లేదు. ముంబై ఇండియన్స్‌కు ఐదు టైటిళ్లు గెలిచిన హిట్‌మ్యాన్ భారత్‌ను కూడా ఛాంపియన్‌గా చేస్తాడనే ఆశతో కనిపించాడు. కానీ, ఇప్పటి వరకు రోహిత్ ఏం చేసినా మంచి సంకేతాలు కనిపించడం లేదు. అనేక సిరీస్‌లలో గాయం కారణంగా అతను తప్పుకున్నాడు. అతను జట్టుకు నాయకత్వం వహించినప్పటి నుంచి, టీ20 ఫార్మాట్‌లో మాత్రమే భారత్ 28 మంది ఆటగాళ్లను ప్రయత్నించింది. కానీ, ఇప్పటి వరకు భారత జట్టు పర్ఫెక్ట్ ప్లేయింగ్-11ని కనుగొనలేకపోయింది. అంతే కాకుండా ఒత్తిడి పెరిగినప్పుడు రోహిత్ కూడా భయాందోళనకు గురవుతున్నాడు. దీనికి తాజా ఉదాహరణ ఆసియాకప్‌లో పాకిస్థాన్‌తో జరిగిన మ్యాచ్. మ్యాచ్‌లో ఒక సున్నితమైన సందర్భంలో ఆసిఫ్ అలీ క్యాచ్‌ను అర్ష్‌దీప్ సింగ్ వదులుకున్నాడు. టీమ్ కెప్టెన్ రోహిత్ అతనిపై అరుస్తూ కనిపించాడు. ఇలాంటి పరిస్థితుల్లో అర్ష్‌దీప్‌పై ఒత్తిడి పెరిగింది. అది కూడా మ్యాచ్ చివరి ఓవర్ వేయాల్సి వచ్చినప్పుడు, అంతా మారిపోయింది. డ్రెస్సింగ్ రూమ్‌లో రోహిత్, హార్దిక్ పాండ్యా మధ్య జరిగిన చర్చకు సంబంధించిన వీడియో వైరల్‌గా మారింది.
పెద్ద టోర్నమెంట్లకు 5 నెలల ముందే ప్లేయింగ్ 11 ప్లానింగ్..
సాధారణంగా ప్రపంచ కప్‌నకు ఐదు-ఆరు నెలల ముందు, జట్లు తమ ప్లేయింగ్-11ని దాదాపుగా ఖరారు చేస్తాయి. అదే కలయికతో టోర్నమెంట్‌కు ముందు చివరి కొన్ని మ్యాచ్‌లను ఆడతాయి. ఈసారి మాత్రం అలా జరగలేదు. ఆసియా కప్ డిజాస్టర్ తర్వాత భారత జట్టులో మార్పు వస్తుందని అంతా భావించారు. అయితే లోపల ఎవరు ఉంటారో, ఎవరు బయట ఉంటారో ఇంకా ఖరారు కాలేదు.
