ICC World Cup 2023: సెమీ-ఫైనల్స్లో రోహిత్ సేన ఓటమికి ఛాన్సే లేదు.. కివీస్ ఇంటిబాటే.. ఇదిగో 5 కారణాలు..
India vs New Zealand: 2023 ప్రపంచకప్లో టీమిండియా ప్రదర్శన అద్భుతంగా ఉంది. ఈ టోర్నీలో ఇప్పటి వరకు ఆడిన 9 మ్యాచ్ల్లో భారత్ విజయం సాధించింది. రౌండ్ రాబిన్లో అగ్రస్థానంలో నిలిచిన జట్టు సెమీ ఫైనల్కు చేరుకుంది. కానీ, ఇప్పుడు ఈ విజయాలన్నీ ఏమీ లేవు. ఎందుకంటే, గత 10 ఏళ్లుగా టీమ్ ఇండియా విఫలమవుతున్న అసలైన టెస్టు ఇప్పుడు వచ్చింది. ప్రపంచ కప్లో నాకౌట్ రౌండ్ గురించి చర్చ జరుగుతోంది. ముంబైలోని వాంఖడే స్టేడియంలో భారత్, న్యూజిలాండ్ మధ్య సెమీ ఫైనల్ మ్యాచ్ జరగనుంది.
ICC World Cup 2023: ప్రపంచకప్ సెమీఫైనల్లో భారత్, న్యూజిలాండ్ జట్లు తలపడనున్నాయి. వాంఖడే స్టేడియంలో మ్యాచ్ జరగనుంది. ఈ మైదానంలో 2011లో జరిగిన ఫైనల్లో టీమిండియా విజయం సాధించగా, ఇప్పుడు అదే గడ్డపైనే ఫైనల్లోకి ప్రవేశించవచ్చు. ఈ మ్యాచ్లో టీమ్ ఇండియా ఫేవరెట్గా పరిగణిస్తుంన్నారు. అందుకు గల ఐదు కీలక కారణాలను తెలుసుకుందాం..
2023 ప్రపంచకప్లో టీమిండియా ప్రదర్శన అద్భుతంగా ఉంది. ఈ టోర్నీలో ఇప్పటి వరకు ఆడిన 9 మ్యాచ్ల్లో భారత్ విజయం సాధించింది. రౌండ్ రాబిన్లో అగ్రస్థానంలో నిలిచిన జట్టు సెమీ ఫైనల్కు చేరుకుంది. కానీ, ఇప్పుడు ఈ విజయాలన్నీ ఏమీ లేవు. ఎందుకంటే, గత 10 ఏళ్లుగా టీమ్ ఇండియా విఫలమవుతున్న అసలైన టెస్టు ఇప్పుడు వచ్చింది. ప్రపంచ కప్లో నాకౌట్ రౌండ్ గురించి చర్చ జరుగుతోంది. ముంబైలోని వాంఖడే స్టేడియంలో భారత్, న్యూజిలాండ్ మధ్య సెమీ ఫైనల్ మ్యాచ్ జరగనుంది. మరి ఈ మ్యాచ్లో టీమిండియా విజయం సాధిస్తుందా అనేది ప్రశ్నగా మారింది. న్యూజిలాండ్పై 2019కి ప్రతీకారం తీర్చుకోగలదా? అనేది చూడాల్సి ఉంది.
గత 10 ఏళ్లలో టీమ్ ఇండియా ఏ ఐసీసీ టోర్నీని గెలవలేదు. చివరి నాకౌట్ రౌండ్లో టీమిండియా ఆట మరింత దిగజారింది. ఈసారి పరిస్థితి భిన్నంగా ఉండడంతో.. ఆశలు చిగురించాయి. దీంతో ఈసారి సెమీస్లో టీమిండియాను ఎవరూ ఆపలేరు. దీనికి కారణం ఏంటో ఇప్పుడు చూద్దాం..
బ్యాట్స్మెన్లందరూ అద్భుత ఫామ్లో ఉన్నారు..
సెమీస్లో టీమిండియా విజయం ఎందుకు ఖాయమైంది? దీనికి మొదటి కారణం బ్యాట్స్మెన్స్ల ఫామ్. 2023 ప్రపంచకప్లో రోహిత్-విరాట్ల బ్యాట్లు మాత్రమే కాదు. ఈ టోర్నీలో బ్యాటింగ్ విభాగం మొత్తం మండిపడింది. కేఎల్ రాహుల్, శ్రేయాస్ అయ్యర్, శుభ్మన్ గిల్ కూడా పరుగులు చేశారు. విరాట్ కోహ్లీ 99 సగటుతో 594 పరుగులు చేశాడు. రోహిత్ 55.88 సగటుతో 503 పరుగులు చేశాడు. అయ్యర్ 70 కంటే ఎక్కువ సగటుతో 421 పరుగులు చేశాడు. రాహుల్ 69.40 సగటుతో 347 పరుగులు చేశాడు.
బ్యాట్స్మెన్ కంటే బౌలర్లు చాలా ప్రమాదకరం..
టీమిండియా బ్యాటింగ్ ప్రమాదకరంగా మారింది. బౌలింగ్ కూడా మరింత ప్రమాదకరం తయారైంది. జస్ప్రీత్ బుమ్రా 9 మ్యాచ్ల్లో 17 వికెట్లు తీశాడు. జడేజా-షమీ తలో 16 వికెట్లు తీశారు. కుల్దీప్ యాదవ్ 14 వికెట్లు తీశాడు. సిరాజ్ 12 వికెట్లు తీశాడు.
రోహిత్ కెప్టెన్సీ..
రోహిత్ శర్మ కెప్టెన్సీ కూడా టీమ్ ఇండియా విజయానికి ప్రధాన కారణం. టీమిండియా ఆటగాళ్లను రోహిత్ శర్మ ఉపయోగించుకున్న తీరు నిజంగా అభినందనీయం. మిడిల్ ఓవర్లలో అతని బౌలింగ్ మార్పులు తరచుగా ప్రత్యర్థి జట్లను ఇబ్బందులకు గురిచేశాడు. అంతేకాకుండా, రోహిత్ తన ఆటగాళ్లకు ఆత్మవిశ్వాసాన్ని అందించిన తీరు కూడా భారత జట్టును మరింత ప్రమాదకరంగా మారుస్తోంది. ఓవరాల్గా రోహిత్ కెప్టెన్సీ న్యూజిలాండ్పై టీమ్ ఇండియా విజయం గ్యారంటీగా మారింది.
సొంతగడ్డపై రికార్డ్..
సొంతగడ్డపై టీమిండియా రికార్డు అద్భుతంగా ఉంది. న్యూజిలాండ్కు, వన్డే ఫార్మాట్లో టీమ్ ఇండియా ఒక అర్థం చేసుకోలేని పజిల్గా మిగిలిపోయింది. న్యూజిలాండ్తో జరిగిన 39 వన్డేల్లో భారత జట్టు 30 మ్యాచ్లు గెలిచింది. 6 ఏళ్ల క్రితం వన్డే ఫార్మాట్లో న్యూజిలాండ్తో టీమిండియా ఓడిపోయింది. సెమీఫైనల్లో న్యూజిలాండ్ విజయం సాధించడం అంత సులువు కాదన్నది స్పష్టంగా తెలుస్తోంది.
ఫామ్లో లేని న్యూజిలాండ్ పేస్ బౌలింగ్..
ఈ టోర్నీలో న్యూజిలాండ్ బ్యాట్స్మెన్ బాగా రాణించినప్పటికీ, ఆ జట్టు బౌలర్లు, ముఖ్యంగా పేస్ బౌలర్లు తమ పేరుకు తగ్గట్టుగా రాణించలేకపోయారు. బోల్ట్ 9 మ్యాచ్ల్లో 13 వికెట్లు తీశాడు. శ్రీలంకతో జరిగిన చివరి మ్యాచ్లో మూడు వికెట్లు తీశాడు. సౌదీ 4 వికెట్లు తీశాడు. లాకీ ఫెర్గూసన్ 10 వికెట్లు తీశాడు. హెన్రీ 11 వికెట్లు పడగొట్టాడు. కానీ, అతను గాయం కారణంగా దూరంగా ఉన్నాడు. సెమీస్లో టీమిండియాపై న్యూజిలాండ్ నిలదొక్కుకోవడం అంత సులువు కాదని స్పష్టం అవుతోంది.
మరిన్ని క్రీడా వార్తల కోసం ఇక్కడ క్లిక్ చేయండి..