T20I Cricketer of the Year 2023: ఐసీసీ 2023 టీ20 క్రికెటర్ ఆఫ్ ది ఇయర్‌గా మనోడే.. వరుసగా రెండోసారి రికార్డ్..

Surya Kumar Yedav

Suryakumar Yadav T20I Cricketer of the Year: T20 క్రికెట్ స్పెషలిస్ట్ బ్యాట్స్‌మెన్ సూర్యకుమార్ యాదవ్ T20 క్రికెటర్ ఆఫ్ ద ఇయర్ టైటిల్‌ను వరుసగా రెండవసారి గెలుచుకున్నాడు. ఇంటర్నేషనల్ క్రికెట్ కౌన్సిల్ (ఐసీసీ) గత సంవత్సరం అంటే 2023 టీ20 ఇంటర్నేషనల్‌లో అత్యుత్తమ క్రికెటర్‌గా భారత స్టార్ బ్యాట్స్‌మెన్ సూర్యకుమార్ యాదవ్‌ను ఎంపిక చేసింది. గతంలో 2022లో కూడా సూర్యకుమార్ ఈ అవార్డును అందుకున్నారు. టీ20 క్రికెటర్ ఆఫ్ ద ఇయర్ టైటిల్‌ను వరుసగా రెండుసార్లు గెలుచుకున్న తొలి భారతీయుడిగా నిలిచాడు.

సూర్యకుమార్ యాదవ్‌తో పాటు, జింబాబ్వేకు చెందిన సికందర్ రజా, న్యూజిలాండ్‌కు చెందిన మార్క్ చాప్‌మన్, ఉగాండాకు చెందిన అల్పేష్ రమజానీ ఈ అవార్డును గెలుచుకునే రేసులో నిలిచారు. అయితే ఈ ముగ్గురిని వదిలిపెట్టి సూర్యకుమార్ ఈ అవార్డును దక్కించుకున్నాడు. సూర్య 2023లో దాదాపు 50 సగటు, 150 కంటే ఎక్కువ స్ట్రైక్ రేట్‌తో బ్యాటింగ్ చేసి, పరుగులు రాబట్టాడు.

గతేడాది అత్యధిక పరుగులు చేసిన లిస్టులో సూర్యకుమార్..

2023లో, UAEకి చెందిన సూర్యకుమార్ యాదవ్ 23 మ్యాచ్‌లలో 40 సగటు, 162.52 స్ట్రైక్ రేట్‌తో అత్యధిక స్కోరు 863 పరుగులు చేశాడు. సూర్యకుమార్ యాదవ్ 18 మ్యాచ్‌ల్లో 48.86 సగటుతో 155.95 స్ట్రైక్ రేట్‌తో 733 పరుగులు చేశాడు. ఈ క్రమంలో సూర్య బ్యాట్‌ నుంచి రెండు సెంచరీలు, ఐదు హాఫ్‌ సెంచరీలు నమోదయ్యాయి.

మహిళల క్రికెట్‌లో హీలీ మాథ్యూస్‌..

మహిళల క్రికెట్‌లో వెస్టిండీస్‌కు చెందిన హీలీ మాథ్యూస్ టీ20 క్రికెటర్ ఆఫ్ ద ఇయర్ అవార్డును గెలుచుకుంది. టీ20 ప్లేయర్ ఆఫ్ ది ఇయర్ అవార్డును గెలుచుకున్న రెండో వెస్టిండీస్ ప్లేయర్‌గా మాథ్యూస్ నిలిచింది. 2023లో మాథ్యూస్ అద్భుత ప్రదర్శనతో ఆకట్టుకుంది.

మరిన్ని క్రీడా వార్తల కోసం ఇక్కడ క్లిక్ చేయండి..