INDIA VS ENGLAND 2021: ఇంగ్లాండ్​తో టీ20 జట్టులోకి సూర్యకుమార్​, ఇషాన్ ఇన్.. మరి ఔట్ ఎవరో తెలుసా..!

ఇంగ్లాండ్​తో జరగనున్న 5 టీ20ల సిరీస్​ కోసం టీమిండియా జట్టును బీసీసీఐ ప్రకటించింది. ఊహించినట్లే సూర్యకుమార్​ యాదవ్​కు జట్టులో చోటు లభించింది. బ్యాకప్​ వికెట్​ కీపర్​గా ఇషాన్​ కిషన్..

  • Sanjay Kasula
  • Publish Date - 10:24 pm, Sat, 20 February 21
INDIA VS ENGLAND 2021: ఇంగ్లాండ్​తో టీ20 జట్టులోకి సూర్యకుమార్​, ఇషాన్ ఇన్.. మరి ఔట్ ఎవరో తెలుసా..!

IND vs ENG: ఇంగ్లాండ్​తో జరగనున్న 5 టీ20ల సిరీస్​ కోసం టీమిండియా జట్టును బీసీసీఐ ప్రకటించింది. ఊహించినట్లే సూర్యకుమార్​ యాదవ్​కు జట్టులో చోటు లభించింది. బ్యాకప్​ వికెట్​ కీపర్​గా ఇషాన్​ కిషన్, ఆల్​రౌండర్​ తెవాటియా​ కూడా తొలిసారి జాతీయ జట్టుకు ఎంపికయ్యారు. టీ-20 మ్యాచ్​లన్నీ అహ్మదాబాద్​లోని మొతేరా స్టేడియంలో జరగనున్నాయి. తొలి మ్యాచ్​ మార్చి 12న జరగనుంది.

గాయం కారణంగా ఆస్ట్రేలియాతో సిరీస్​కు దూరమైన పేసర్​ భువనేశ్వర్​ కుమార్​, మిస్టరీ స్పిన్నర్​ వరుణ్​ చక్రవర్తి కూడా టీ-20ల్లోకి ఎంట్రీ ఇచ్చారు.  అయితే పేసర్​ బుమ్రాకు విశ్రాంతిని ఇచ్చింది. మనీశ్​ పాండే, కుల్​దీప్​ యాదవ్​లకు మొడిచెయ్యి మిగిలింది.

సూర్యకుమార్​ యాదవ్​ ఐపీఎల్​లో ముంబై ఇండియన్స్​ తరఫున నిలకడైన ఆటతీరును ప్రదర్శిస్తున్నాడు. దేశవాళీల్లోనూ ముంబై జట్టులో మంచి స్కోరు చేస్తున్నాడు. ఈ నేపథ్యంలోనే అతడిని జట్టులోకి తీసుకోవాలన్న డిమాండ్​ పెరిగింది. ఈ నేపథ్యంలో ఇంగ్లాండ్​తో సిరీస్​కు ఎంపికయ్యాడు సూర్యకుమార్​.

ఇక ఇషాన్​ కిషన్​ కూడా ముంబై తరఫున గతేడాది ఐపీఎల్​లో అత్యధిక పరుగులు సాధించాడు. రాహుల్​ తెవాటియా.. రాజస్థాన్​ తరఫున ఆల్​రౌండ్​ ప్రదర్శన చేశాడు. వీరంతా ఈ సారి మొతేరా స్టేడియంలో మంచి ప్రదర్శ చేస్తారాని బీసీసీఐ ఆశిస్తోంది.

జట్టు సభ్యులు :  విరాట్​ కోహ్లీ(కెప్టెన్​), రోహిత్​ శర్మ(వైస్​ కెప్టెన్), కేఎల్​ రాహుల్​, శిఖర్​ ధావన్​, శ్రేయస్​ అయ్యర్​, సూర్యకుమార్​ యాదవ్​, హర్దిక్​ పాండ్యా, రిషభ్​ పంత్​, ఇషాన్​ కిషన్​, చాహల్​, వరుణ్​ చక్రవర్తి, అక్షర్​ పటేల్​, వాషింగ్టన్​ సుందర్, రాహుల్​ తెవాతియా, నటరాజన్​, భువనేశ్వర్​ కుమార్, దీపక్​ చాహర్​, నవదీప్​ సైని, శార్దూల్​ ఠాకూర్​.

ఇవి కూడా చదవండి..

Monkey Viral Video: సోషల్ మీడియాలో వైరల్‌గా మారిన కోతి చేసిన పని.. ఇలా కూడా చేస్తాయా అంటూ నెటిజన్ల కామెంట్స్

Post Office Scheme: పోస్టాఫీసులో రోజూ రూ . 411 జమ చేయడం.. ఆ తర్వాత రూ .43.60 లక్షలు పొందండి..