MS Dhoni Jersey : నెట్​ ప్రాక్టీస్​ చేస్తున్నది ధోనీ కాదు.. ఎవరో తెలుసా…? ఎంఎస్‌డీ ఆత్మ..!

MS Dhoni Jersey : అవును మీరు చదవింది నిజమే.. నెట్ ప్రాక్టీస్ చేస్తున్నది ధోనీ కాదు… ధోనీ జర్సీలో కనిపిస్తున్నది ధోనీ కాదు.. “జెర్సీ నెంబర్ 7″కు చాలా ప్రత్యేకత ఉంది. ఆ జెర్సీని ధరించి ప్రాక్టీస్ చేస్తున్నది మాత్రం ధోనీ కాదు.  కూల్ కెప్టెన్ ఎంఎస్డీ ప్రాణ స్నేహితుడు సురేష్ రైనా.

అవును ఇది నిజం.  ఐపీఎల్​ 14వ సీజన్​ కోసం నెట్​ ప్రాక్టీస్​ మొదలెట్టేశాడు టీమిండియా మాజీ క్రికెటర్​ సురేష్ రైనా. చెన్నై సూపర్​కింగ్స్​ జట్టుకు ప్రాతినిధ్యం వహిస్తున్న రైనా.. తన కెప్టెన్ ఎంఎస్​ ధోనీ జెర్సీని ధరించి ప్రాక్టీసు మొదలు పెట్టాడు. అందరిని ఆశ్చర్యానికి గురి చేసింది. దానికి సంబంధించిన ఫొటోలు ప్రస్తుతం సోషల్ మీడియాలో వైరల్​గా మారాయి.

సీఎస్కే కెప్టెన్ ధోనీ తర్వాత రెండో ప్రధాన ఆటగాడిగా కొనసాగుతోన్న సురేష్ రైనా.. గతేడాది జట్టుతో పాటు యూఏఈ బయల్దేరినా, కుటుంబ కారణాల వల్ల సీజన్ ప్రారంభానికి ముందే స్వదేశానికి వచ్చాడు. ఆ తర్వాత జట్టు వెబ్​సైట్ నుంచి రైనా పేరును తొలగించింది ఫ్రాంచైజీ. దీంతో ఇతడితో కాంట్రాక్టును చెన్నై ముగించిందంటూ వార్తలు వచ్చాయి. కానీ అనూహ్యంగా రైనాను ఈ సీజన్​ కోసం అట్టిపెట్టుకున్నట్లు ప్రకటించింది యాజమాన్యం.