T20 World Cup 2022: ఆసియా కప్ విజేతలవైపే మొగ్గు.. టీ20 ప్రపంచ కప్ కోసం శ్రీలంక జట్టు ఇదే.. వారికి నో ఛాన్స్..

Ind Vs Srilanka

T20 World Cup 2022: భారత్, పాకిస్థాన్ వంటి బలమైన జట్ల సమక్షంలో ఆసియా కప్ 2022 టైటిల్‌ను కైవసం చేసుకున్న శ్రీలంక క్రికెట్ జట్టు చూపు త్వరలో జరగనున్న టీ20 ప్రపంచకప్ వైపు మళ్లింది. ఇటువంటి పరిస్థితిలో, ఆసియా కప్ విజయంతో ఉత్సాహంగా ఉన్న శ్రీలంక క్రికెట్ బోర్డు ప్రపంచ కప్ కోసం 15 మంది సభ్యులతో కూడిన జట్టును ప్రకటించింది. చండిమాల్‌, గాయపడిన దుష్మంత చమీర, లహిరు కుమార్‌లను దసున్‌ షనక నేతృత్వంలోని జట్టులోకి తీసుకున్నాడు. అయితే ఫిట్‌నెస్‌ నిరూపించుకున్నాకే ఇద్దరూ జట్టులో చోటు దక్కించుకుంటారు. స్టాండ్‌బై ప్లేయర్‌లుగా అషెన్ భండారా, ప్రవీణ్ జయవిక్రమ, దినేష్ చండిమాల్, బినురా ఫెర్నాండో, నువెందు హసరంగాలను జట్టులోకి తీసుకున్నారు. ఈ ఆటగాళ్లంతా జట్టుతో కలిసి ఆస్ట్రేలియా వెళ్లనున్నారు.

ఆసియా కప్ విజయంతో..

ఆసియా కప్ 2022లో చారిత్రాత్మక విజయం సాధించిన ఆటగాళ్లలో ఎక్కువ మంది ప్రపంచకప్‌లో చోటు దక్కించుకున్నారు. ఆసియా కప్ జట్టులో ఉన్న మహిష పతిర, నువాన్ తుషార, అసిత ఫెర్నాండోలు జట్టులో చోటు దక్కించుకోలేకపోయారు. లెఫ్టార్మ్ పేసర్ దిల్షాన్ మధుశంక యూఏఈలో అద్భుత ప్రదర్శన చేసిన తర్వాత జట్టులో తన స్థానాన్ని నిలబెట్టుకోగలిగాడు. మరోవైపు, ధనంజయ్ డి సిల్వా, జెఫ్రీ వాండర్సే కూడా ప్రపంచ కప్ కోసం టిక్కెట్లు పొందడంలో విజయం సాధించారు.

శ్రీలంక టీ20 ప్రపంచకప్ జట్టు:

దసున్ షనక (కెప్టెన్), దనుష్క గుణతిలక, పాతుమ్ నిశంక, కుశాల్ మెండిస్, చరిత్ అస్లంక, భానుక రాజపక్సే, ధనంజయ్ డిసిల్వా, వనిందు హసరంగా, మహిష్ తీక్షణ, జెఫ్రీ వాండర్సే, చమీక కరుణారత్నే, లహిరు కుమార, దిల్షన్ మధుశంక, ప్రమోద్ మధుషన్.

స్టాండ్‌బై ఆటగాళ్లు: అషెన్ బండార, ప్రవీణ్ జయవిక్రమ, దినేష్ చండిమాల్, బినుర ఫెర్నాండో, నువైందు ఫెర్నాండో.