SRH vs GT, IPL 2024: హైదరాబాద్‌ను వీడని వర్షం.. మ్యాచ్ నిర్వహణపై HCA కీలక ప్రకటన

Sunrisers Hyderabad

ఐపీఎల్ 17వ సీజన్ 66వ మ్యాచ్ లో సన్ రైజర్స్ హైదరాబాద్, గుజరాత్ టైటాన్స్ తో తలపడనుంది. హైదరాబాద్‌లోని రాజీవ్‌గాంధీ స్టేడియంలో ఈ మ్యాచ్‌ జరగాల్సి ఉంది. ప్లేఆఫ్ పరంగా హైదరాబాద్‌కు ఈ మ్యాచ్ చాలా కీలకం. షెడ్యూల్ ప్రకారం మ్యాచ్ రాత్రి 7:30 గంటలకు ప్రారంభం కావాల్సి ఉంది. అయితే గత కొన్ని గంటలుగా రాజీవ్ గాంధీ స్టేడియంలో భారీ వర్షం కురుస్తోంది. వర్షం నీరు మైదానం అంతటా వ్యాపించడంతో పిచ్‌తో పాటు 30 గజాల సర్కిల్ కవర్‌లతో కప్పి ఉంచారు. ఇంకా భారీ వర్షం కురుస్తూనే ఉంది. అందువల్ల మ్యాచ్ రద్దయ్యే అవకాశాలు ఎక్కువగా ఉన్నాయి. అంతకుముందు గుజరాత్ టైటాన్స్ వర్సెస్ కోల్ కతా నైట్ మధ్య జరగాల్సిన మ్యాచ్ వర్షం కారణంగా రద్దయింది. కాబట్టి ఇప్పుడు హైదరాబాద్ vs గుజరాత్ మ్యాచ్ రద్దు అయితే, రెండు జట్లకు 1-1 పాయింట్లు ఇస్తారు. నేటి మ్యాచ్‌లో గెలిస్తే ఆ జట్టు ప్లే ఆఫ్‌లోకి చేరుతుంది. అదే సమయంలో, గుజరాత్ టైటాన్స్ జట్టు ఇప్పటికే ప్లే ఆఫ్ రేసు నుండి నిష్క్రమించింది.

10.30 గంటల వరకు ఛాన్స్

కాగా హైదరాబాద్ వర్సెస్ గుజరాత్ టైటాన్స్ మ్యాచ్ నిర్వహణపై హెచ్ సీఏ కీలక ప్రకటన చేసింది. వర్షం తగ్గిన వెంటనే గ్రౌండ్ ను సిద్ధం చేస్తామని, ఇందు కోసం 100 మందికి పైగా సిబ్బంది పనిచేస్తున్నారని హెచ్ సీఏ అధ్యక్షుడు జగన్ మోహన్ రావు తెలిపారు. మ్యాచ్ నిర్వహణకు రాత్రి 10. 30 గంటల వరకు అవకాశ ముందని, అభిమానులు నిరుత్సాహపడొద్దని ఆయన సూచించారు.

ఉప్పల్ స్టేడియంలో ఇదీ పరిస్థితి.. వీడియో