Sourav Ganguly: సౌరవ్ గంగూలీ బయోపిక్‌కు రంగం సిద్దం.. హీరోలుగా ఆ ఇద్దరిలో ఒకరు.?

”సచిన్ బయోపిక్‌లో.. మాస్టర్ బ్లాస్టర్ ఎలా క్రికెట్ గాడ్ అయ్యాడని తెలుసుకోవచ్చు.. అలాగే ధోని బయోపిక్‌లో.. మిస్టర్ కూల్ అధ్యాయాన్ని చూడొచ్చు.. అయితే టీమిండియా ఆధిపత్యాన్ని చూడాలంటే.. ఖచ్చితంగా దాదా బయోపిక్ రావాలి” ఇదే క్రికెట్ ఫ్యాన్స్ మాట. ఇక ఆ మాట త్వరలోనే నిజం కాబోతోంది.

Cricket has been my life, it gave confidence and ability to walk forward with my head held high, a journey to be cherished. Thrilled that Luv Films will produce a biopic on my journey and bring it to life for the big screen ??@LuvFilms @luv_ranjan @gargankur @DasSanjay1812

— Sourav Ganguly (@SGanguly99) September 9, 2021

బెంగాల్ టైగర్, టీమిండియా మాజీ కెప్టెన్, బీసీసీఐ అధ్యక్షుడు సౌరవ్ గంగూలీ జీవితచరిత్ర ఆధారంగా ఓ బయోపిక్ రూపొందనుంది. భారత క్రికెట్ చరిత్రలో తనకంటూ ఓ ప్రత్యేక అధ్యాయాన్ని లిఖించుకున్నాడు. అద్భుత ప్లేయర్‌గానే కాదు.. స్పూర్తిదాయక కెప్టెన్‌గా సౌరవ్ గంగూలీకి ఎంతో గుర్తింపు ఉంది.

We are thrilled to announce that Luv Films will produce Dada Sourav Ganguly’s biopic. We are honoured to be entrusted with this responsibility and look forward to a great innings. ??@SGanguly99 @luv_ranjan @gargankur

— Luv Films (@LuvFilms) September 9, 2021

దాదా బయోపిక్‌ తీసేందుకు నిర్మాతలు లవ్ రంజన్, అంకుర్ గార్గ్ ఇప్పటికే రెడీ అయ్యారు. లవ్ ఫిలింస్ బ్యానర్‌పై తెరకెక్కబోతున్న ఈ చిత్రానికి సంబంధించిన వివరాలు త్వరలోనే ప్రకటించనున్నట్లు తెలుస్తోంది. అయితే గంగూలీ పాత్రను ఎవరు పోషించబోతున్నారనేది తెలియాల్సి ఉంది.? ప్రస్తుతం బీ-టౌన్‌లో కండలవీరుడు హృతిక్ రోషన్, రణబీర్ కపూర్ పేర్లు వినిపిస్తున్నాయి. తన చిన్ననాటి స్నేహితురాలు డోనాను ప్రేమించి పెళ్లి చేసుకోవడంతో పాటు క్రికెట్‌ కెరీర్‌లో సౌరవ్ గంగూలీ సాధించిన అద్భుత విజయాల ఆధారంగా మూవీ తెరకెక్కబోతున్నట్లు తెలుస్తోంది.