Video: కళ్లు చెదిరే క్యాచ్.. బ్యాట్స్మెన్తో సహా షాకైన ఫీల్డర్లు.. వీడియో వైరల్..
Shefali Verma Viral Catch: ఢిల్లీ క్యాపిటల్స్కు చెందిన షెఫాలీ వర్మ రాయల్ ఛాలెంజర్స్ బెంగళూరు బ్యాట్స్మెన్ సోఫియా డివైన్ అందించిన అద్భుతమైన క్యాచ్ పట్టుకుని షాక్ ఇచ్చింది. ఈ వీడియో సోషల్ మీడియాలో విపరీతంగా వైరల్ అవుతోంది.
Updated on: Mar 05, 2023 | 8:45 PM
DCW vs RCBW: రాయల్ ఛాలెంజర్స్ బెంగళూరుతో జరిగిన మ్యాచ్లో ఢిల్లీ క్యాపిటల్స్కు చెందిన షెఫాలీ వర్మ ఆశ్చర్యకరమైన క్యాచ్ పట్టింది. ఈ క్యాచ్ తర్వాత, రాయల్ ఛాలెంజర్స్ బెంగళూరు బ్యాట్స్మెన్ సోఫియా డివైన్తో పాటు, ఢిల్లీ క్యాపిటల్స్ ఫీల్డర్లు కూడా షాక్ అయ్యారు. ఆ తర్వాత ఆన్-ఫీల్డ్ అంపైర్ థర్డ్ అంపైర్కు సూచించాడు. అయితే థర్డ్ అంపైర్ సోఫియా డివైన్ను అవుట్గా ప్రకటించాడు. నిజానికి రీప్లేలలో షెఫాలీ వర్మ క్యాచ్ తీసుకున్నట్లు స్పష్టంగా కనిపించింది. డైవింగ్ చేస్తూ గొప్ప క్యాచ్ పట్టుకుంది.
షెఫాలీ వర్మ క్యాచ్ వైరల్..
అయితే షెఫాలీ వర్మ క్యాచ్ సోషల్ మీడియాలో వైరల్ అవుతోంది. ఈ క్యాచ్ చూసి నెటిజన్లు షాక్ అవుతున్నారు. తమ అభిప్రాయాలను పంచుకుంటున్నారు. అంతకుముందు షెఫాలీ వర్మ అద్భుతంగా బ్యాటింగ్ చేసి, రికార్డులను బ్రేక్ చేసింది. షెఫాలీ వర్మ 45 బంతుల్లో 84 పరుగులతో మెరుపు ఇన్నింగ్స్ ఆడింది. ఆమె ఇన్నింగ్స్లో 10 ఫోర్లు, 4 సిక్సర్లు బాదింది. టాస్ ఓడిన ఢిల్లీ క్యాపిటల్స్కు ఓపెనర్లు ఇద్దరూ శుభారంభం అందించారు. షెఫాలీ వర్మ, మెగ్ లానింగ్లు తొలి వికెట్కు 14.3 ఓవర్లలో 162 పరుగులు చేశారు.
బ్యాటింగ్లోనూ సత్తా చాటిన షెఫాలీ వర్మ..
#RCBvsDC #ShefaliVarma #WPL2023 #Viral #JustRCB pic.twitter.com/mFUupHmXaE
— suman Saurabh (@sumanSa17676299) March 5, 2023
షెఫాలీ వర్మతో పాటు మెగ్ లానింగ్ 43 బంతుల్లో 72 పరుగులు చేసింది. ఈ ఆస్ట్రేలియా బ్యాట్స్మెన్ తన ఇన్నింగ్స్లో 14 ఫోర్లు కొట్టింది. మార్జిన్ క్యాప్ 17 బంతుల్లో 39 పరుగులు చేసి ఇన్నింగ్స్ ఆడింది. ఆమె ఇన్నింగ్స్లో 3 ఫోర్లు, 3 సిక్సర్లు బాదింది. ఇది కాకుండా జెమీమా రోడ్రిగ్స్ 15 బంతుల్లో 22 పరుగులు చేసి నాటౌట్గా వెనుదిరిగింది. తన ఇన్నింగ్స్లో 3 ఫోర్లు కొట్టింది. రాయల్ ఛాలెంజర్స్ బెంగళూరు తరపున హీథర్ నైట్ మాత్రమే విజయవంతమైన బౌలర్గా నిలిచింది.
మ్యాచ్ పరిస్థితి ఎలా ఉందంటే..
అదే సమయంలో ఈ మ్యాచ్లో స్మృతి మంధాన జట్టు 60 పరుగుల భారీ తేడాతో ఓటమిని చవిచూడాల్సి వచ్చింది. ఈ మ్యాచ్లో రాయల్ ఛాలెంజర్స్ బెంగళూరుకు 224 పరుగుల విజయ లక్ష్యం ఉంది. స్మృతి మంధాన జట్టు 20 ఓవర్లలో 8 వికెట్లకు 163 పరుగులు మాత్రమే చేయగలిగింది. రాయల్ ఛాలెంజర్స్ బెంగళూరు తరపున కెప్టెన్ స్మృతి మంధాన 35 పరుగులు చేసింది. ఇది కాకుండా హీథర్ నైట్, ఎల్లీస్ ప్యారీ వరుసగా 34, 31 పరుగులు చేశారు. ఢిల్లీ క్యాపిటల్స్ తరపున తారా నోరిస్ బాగా బౌలింగ్ చేసింది. తారా నోరిస్ 4 ఓవర్లలో 29 పరుగులు ఇచ్చి ఐదుగురు ఆటగాళ్లను పెవిలియన్ చేర్చింది.
మరిన్ని క్రీడా వార్తల కోసం ఇక్కడ క్లిక్ చేయండి..
