Shaheen Afridi: టెస్ట్ క్రికెట్ వద్దు-ప్రీమియర్ లీగ్ లే ముద్దు అంటోన్న పాక్ స్టార్ బౌలర్! కారణం అదేనా?
షహీన్ అఫ్రిది టెస్టుల నుంచి విశ్రాంతి తీసుకుంటూ, టి20 లీగ్‌లలో ఆడతానని నిర్ణయించుకున్నాడు. తన ఫిట్‌నెస్‌ను కాపాడుకోవడానికి, ఛాంపియన్స్ ట్రోఫీ కోసం ప్రత్యేకంగా సిద్ధమవుతున్నాడు. పాక్ జట్టుకు ఇది కొంత కష్టమైన పరిణామంగా మారినా, షహీన్ తన పని భారం తగ్గించుకోవడంలో ఆచరణాత్మకంగా వ్యవహరించాడు.
పాకిస్తాన్ స్టార్ పేసర్ షహీన్ షా అఫ్రిది తన పని భారం గురించి సీరియస్‌గా ఆలోచిస్తూ, టెస్టు మ్యాచ్‌లకు కాదని, టి20 లీగ్‌లను మాత్రంమే ముందుకు కొనసాగించాలని నిర్ణయించుకున్నాడు. వచ్చే ఫిబ్రవరిలో జరిగే ఐసీసీ ఛాంపియన్స్ ట్రోఫీకి 100 శాతం ఫిట్‌గా ఉండాలనే లక్ష్యంతో, దక్షిణాఫ్రికాతో టెస్ట్ సిరీస్‌కు అందుబాటులో ఉండనని జట్టు మేనేజ్‌మెంట్‌కు, సెలెక్టర్లకు తెలియజేశాడు.
దక్షిణాఫ్రికాతో జరగబోయే రెండు టెస్టులలో పాల్గొనకపోవడంతో పాకిస్తాన్ జట్టుకు కొంత నష్టం వాటిల్లే అవకాశం ఉంది. అయితే, తాత్కాలిక కోచ్ ఆకిబ్ జావేద్ మాత్రం ఇది పూర్తిగా షాహీన్ నిర్ణయమని, అతను ఫిట్‌నెస్‌ను మెరుగుపర్చడానికి తీసుకున్న నిర్ణయానికి పూర్తి మద్దతు ఉందని స్పష్టం చేశారు.
బంగ్లాదేశ్ ప్రీమియర్ లీగ్ నుండి మంచి ఆఫర్ రావడంతో, షాహీన్ ఆ లీగ్‌లో పాల్గొనేందుకు సిద్ధమయ్యాడు. అయితే, పనిభారం సమతుల్యంగా ఉంచుకుంటూ, తన ఆరోగ్యంపై దృష్టి పెట్టడం ద్వారా తన టీమ్‌కు అనుకూలంగా ఉంటానని హామీ ఇచ్చాడు.
ఇక పాకిస్తాన్ జట్టు ప్రస్తుతం టెస్టుల్లో బిజీగా ఉండగా, షాహీన్ టి20 ఫార్మాట్‌లో అదరగొట్టే ప్లాన్ వేసుకున్నాడు. ఛాంపియన్స్ ట్రోఫీ ముగిసే వరకు టెస్ట్ క్రికెట్‌కు దూరంగా ఉండాలని తన నిర్ణయాన్ని మేనేజ్‌మెంట్‌కు సున్నితంగా వివరించాడు.