Sanju Samson: చరిత్ర సృష్టించేందుకు సిద్ధమైన సంజూ.. మరో ఆరు సిక్సర్లు కొడితే ఆ రికార్డు ఆయన సొంతం

Sanju Samson: క్రీడా అభిమానులు ఎంతో ఆసక్తిగా ఎదురుచూస్తున్న 2026 ఆసియా క్రీడల పోరాటానికి భారత జట్టు రెడీగా ఉంది. ఈ టోర్నమెంట్‌లో సెప్టెంబర్ 28న జరిగే క్వార్టర్ ఫైనల్ మ్యాచ్‌లో అఫ్గానిస్తాన్‌తో భారత్ తలపడనుంది. పురుషుల క్రికెట్ విభాగంలో పది దేశాలు బంగారు పతకం కోసం పోటీపడుతుండగా, టీమిండియా నేరుగా క్వార్టర్స్‌లోకి ప్రవేశించింది. ఈ కీలక మ్యాచ్‌లో క్రికెట్ లవర్స్ కేరళ స్టార్ ఆటగాడు సంజూ శాంసన్‎ ప్రదర్శన కోసం ఎంతగానో ఎదురుచూస్తున్నారు.

ఓపెనర్‌గా బరిలోకి దిగనున్న సంజూ

మొదటి మ్యాచ్‌లో భారత జట్టు తరఫున సంజూ ‎శాంసన్ ఇన్నింగ్స్ ఆరంభించడానికి ఓపెనర్‌గా క్రీజులోకి దిగడం ఖాయమైంది. ఆసియా క్రీడల్లో సంచలన బ్యాటింగ్ ప్రదర్శన కనబరిచి జట్టు విజయాల్లో కీలక పాత్ర పోషిస్తాడని అభిమానులు గట్టిగా నమ్ముతున్నారు. గతంలో అఫ్గానిస్తాన్‌తో జరిగిన టీ-20 సిరీస్‌లో సంజూ అద్భుతమైన ఫామ్ కనబరిచాడు. వరుసగా రెండు హాఫ్ సెంచరీలు బాది తన సత్తా ఏంటో నిరూపించుకున్నాడు. ఆసియా క్రీడలకు ముందు జరిగిన సన్నాహక మ్యాచ్‌ల్లోనూ రాణించి మంచి ఊపు మీదున్నాడు.

చరిత్ర సృష్టించే అరుదైన అవకాశం

ఈ మ్యాచ్‌లో సంజూ మరో అరుదైన రికార్డును తన పేరు మీద లిఖించుకోవడానికి అడుగు దూరంలో నిలిచాడు. మ్యాచ్‌లో కేవలం ఆరు సిక్సర్లు బాదితే చాలు, భారత్ తరఫున అంతర్జాతీయ టీ-20ల్లో 100 సిక్సర్ల మైలురాయిని అందుకుంటాడు. ఈ ఘనత సాధించిన ఆరో భారతీయ క్రికెటర్‌గా చరిత్రపుటల్లో నిలుస్తాడు. ఇప్పటికే రోహిత్ శర్మ, సూర్యకుమార్ యాదవ్, హార్దిక్ పాండ్యా, విరాట్ కోహ్లీ, అభిషేక్ శర్మ వంటి దిగ్గజాలు ఈ జాబితాలో ఉండగా, ఇప్పుడు ఆ సరసన చేరే అద్భుత అవకాశం మన సంజూ ‎ ముందుంది.

భారత హిట్టర్ల జాబితా

టీ-20 ఫార్మాట్‌లో భారత్ తరఫున అత్యధిక సిక్సర్లు బాదిన ఆటగాళ్ల వివరాలను పరిశీలిస్తే, రోహిత్ శర్మ అగ్రస్థానంలో కొనసాగుతున్నాడు. ఆ తర్వాత సూర్యకుమార్ యాదవ్, హార్దిక్ పాండ్యా, విరాట్ కోహ్లీ వరుస స్థానాల్లో ఉన్నారు. సంజూ శాంసన్ ఇప్పటివరకు ఆడిన టీ-20 మ్యాచ్‌ల్లో తనదైన శైలిలో సిక్సర్లు బాది అభిమానులను అలరించాడు. ఇప్పుడు అఫ్గాన్ బౌలింగ్ ఎదురుగా మరోసారి తన సిక్సర్ల పవర్‌ను చూపించడానికి మైదానంలో దిగుతుండటంతో క్రీడా వర్గాల్లో తీవ్ర ఆసక్తి నెలకొంది.

పతకమే లక్ష్యంగా టీమిండియా

ఆసియా క్రీడల్లో స్వర్ణ పతకమే లక్ష్యంగా బరిలోకి దిగుతున్న భారత జట్టుకు సంజూ ఫామ్ చాలా ముఖ్యం. కీలక సమయాల్లో బాధ్యతాయుతంగా ఆడుతూ జట్టును గెలిపించే సత్తా అతనికి ఉంది. అఫ్గానిస్తాన్ లాంటి బలమైన ప్రత్యర్థితో జరిగే ఈ పోరులో సంజూ రాణించి, జట్టును విజయతీరాలకు చేర్చడంతో పాటు వ్యక్తిగత రికార్డును కూడా సాధిస్తాడని అందరూ ఆశిస్తున్నారు. క్రికెట్ లవర్స్ అంచనాలకు తగ్గట్టుగా సంచలన ఇన్నింగ్స్ ఆడి చరిత్ర సృష్టిస్తాడని ప్రతి ఒక్కరూ నమ్ముతున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..