IND vs NZ: న్యూజిలాండ్‌తో మూడో టెస్ట్‌కు ముందే బుమ్రాకు ఐసీసీ భారీ షాక్.. ఇది అసలు ఊహించలేదుగా..

Team India

ఐసీసీ లేటెస్ట్ టెస్టు ర్యాంకింగ్స్‌ను ప్రకటించింది. ఈ ర్యాంకింగ్‌లో బుమ్రా మొదటి స్థానాన్నికోల్పోయాడు. న్యూజిలాండ్‌తో జరిగిన తొలి 2 మ్యాచ్‌ల్లో బుమ్రా పెద్దగా సత్తా చాటలేకపోయాడు. దీంతో దక్షిణాఫ్రికా ఫాస్ట్ బౌలర్ కగిసో రబాడా బుమ్రాను అధిగమించాడు. బంగ్లాదేశ్‌తో జరిగిన టెస్టు సిరీస్‌లో ఈ దక్షిణాఫ్రికా బౌలర్ ఇప్పటివరకు అద్భుత ప్రదర్శన చేశాడు. పుణె వేదికగా న్యూజిలాండ్‌తో జరుగుతున్న రెండో టెస్టులో జస్ప్రీత్ బుమ్రాకు ఒక్క వికెట్ కూడా దక్కలేదు. దీంతో బుమ్రా తొలి స్థానం కోల్పోవాల్సి వచ్చింది. బుమ్రా 2 స్థానాలు చేజార్చుకున్నాడు. బుమ్రా నేరుగా మూడో స్థానానికి పడిపోయాడు. కగిసో రబాడ నంబర్ 1 బౌలర్‌గా నిలిచాడు. కొద్ది రోజుల క్రితమే కగిసో రబడ టెస్టు క్రికెట్‌లో 300 వికెట్లు పూర్తి చేసుకున్నాడు.

ప్రస్తుతం దక్షిణాఫ్రికా బంగ్లాదేశ్‌లో పర్యటిస్తోంది. బంగ్లాదేశ్, దక్షిణాఫ్రికా మధ్య 2 మ్యాచ్‌ల టెస్టు సిరీస్ జరుగుతోంది. దక్షిణాఫ్రికా 10 ఏళ్ల తర్వాత ఆసియాలో తొలి మ్యాచ్‌లో బంగ్లాదేశ్‌ను ఓడించింది. కగిసో రబడ దక్షిణాఫ్రికా విజయంలో కీలక పాత్ర పోషించాడు. ఈ మ్యాచ్‌లో రబడ తొలి ఇన్నింగ్స్‌లో 3, రెండో ఇన్నింగ్స్‌లో 6 వికెట్లు మొత్తం 9 వికెట్లు తీశాడు.

మూడో ప్లేస్ కు పడిపోయిన జస్ ప్రీత్ బుమ్రా..

అయితే ఈ ర్యాంకింగ్‌లో టీమిండియా ఓపెనర్ యశస్వి జైస్వాల్ మరింత టాప్ లోకి దూసుకెళ్లాడు. ప్రస్తుతం అతను మూడో ప్లేస్ లో కొనసాగుతున్నాడు. ఇక పంత్ ఏకంగా 5 స్థానాలు కోల్పోయి వరుసగా ఆరో స్థానం నుంచి పదకొండో ర్యాంక్‌కు ఎగబాకాడు. విరాట్ కోహ్లి 6 స్థానాలు దిగజారి 14వ స్థానానికి చేరుకున్నాడు. కెప్టెన్ రోహిత్ శర్మ 9 స్థానాలు కోల్పోయాడు. రోహిత్ 24వ స్థానానికి పడిపోయాడు. కాగా శుభమ్ గిల్ 19వ స్థానం నుంచి 20వ స్థానానికి చేరుకున్నాడు.

మరిన్ని క్రీడా వార్తల కోసం ఇక్కడ క్లిక్ చేయండి..