Watch Video: జిమ్‌లో చెమటలు చిందిస్తోన్న హిట్‌మ్యాన్.. వన్డే సిరీస్‌కు సిద్ధమంటూ సిగ్నల్.. ‘ఫైరింగ్’ రియాక్షన్ ఇచ్చిన భార్య..
Rohit Sharma IND vs SL: బంగ్లాదేశ్ పర్యటనలో వన్డే సిరీస్‌లో గాయపడిన భారత కెప్టెన్ రోహిత్ శర్మ.. ప్రస్తుతం తిరిగి వచ్చేందుకు సిద్ధంగా ఉన్నాడు. జిమ్‌లో చెమటలు కక్కిస్తోన్న వీడియోను నెట్టింట్లో పంచుకున్నాడు. శ్రీలంకతో తొలి వన్డే జనవరి 10న జరగనుంది.
Updated on: Jan 07, 2023 | 4:12 PM
ప్రస్తుతం భారత జట్టు స్వదేశంలో శ్రీలంకతో మూడు మ్యాచ్‌ల టీ20 సిరీస్‌ను ఆడుతోంది. ఆ తర్వాత ఇరు జట్ల మధ్య మూడు వన్డేల సిరీస్ కూడా జరగనుంది. రోహిత్ శర్మ లేకపోవడంతో టీ20 సిరీస్‌లో హార్దిక్ పాండ్యాకు కెప్టెన్సీ బాధ్యతలు అప్పగించారు. వన్డే సిరీస్‌లో రోహిత్ శర్మ తిరిగి కెప్టెన్‌గా వ్యవహరించనున్నాడు. దీనికి సంబంధించి హిట్‌మ్యాన్ సన్నాహాలు ప్రారంభించాడు. రోహిత్ జిమ్‌లో విపరీతంగా చెమటలు కక్కుతున్నాడు. ఈ మేరకు ఇన్‌స్టాగ్రామ్‌లో ఒక వీడియోను పంచుకున్నాడు. అందులో రోహిత్ జిమ్‌లో డ్యాన్స్ చేస్తున్నట్లు చూడొచ్చు.
రోహిత్ పోస్ట్‌పై భార్య రితికా కామెంట్..
డ్యాన్స్‌తో పాటు, రోహిత్ శర్మ హార్డ్ వర్క్ చేస్తున్నాడు. ఈ వీడియోను పంచుకోవడంతో పాటు, రోహిత్ శర్మ ఇన్‌స్టాగ్రామ్ పోస్ట్‌లో, ‘మీకు నవ్వు తెప్పించేలా చేస్తా’ అని రాసుకొచ్చాడు. ఈ పోస్ట్‌పై ఆయన భార్య రితికా సజ్దే కూడా వ్యాఖ్యానించారు. రెండు నల్లటి హృదయాలతో ఫైర్ ఎమోజీని పంచుకుంది.
రోహిత్ శర్మ ఇన్‌స్టా పోస్ట్..
View this post on Instagram
రోహిత్ శర్మ ఇటీవల బంగ్లాదేశ్ పర్యటనలో వన్డే సిరీస్ నుంచి తప్పుకున్న సంగతి తెలిసిందే. అదే సిరీస్‌లోని రెండో మ్యాచ్‌లో ఫీల్డింగ్ చేస్తున్న సమయంలో రోహిత్ ఎడమ బొటన వేలికి గాయమైంది. ఏడో వికెట్ పతనం తర్వాత రోహిత్ మైదానంలోకి దిగినా.. మ్యాచ్ చేజారిపోయింది. గాయం ఉన్నప్పటికీ, రోహిత్ అద్భుత అర్ధ సెంచరీ ఇన్నింగ్స్ ఆడాడు. కానీ, చివరి బంతికి సిక్స్ కొట్టకపోవడంతో మ్యాచ్‌ను గెలిపించలేకపోయాడు.
వన్డే సిరీస్ కోసం టీమ్ ఇండియా:
రోహిత్ శర్మ (కెప్టెన్), హార్దిక్ పాండ్యా (వైస్ కెప్టెన్), శుభమన్ గిల్, విరాట్ కోహ్లీ, సూర్యకుమార్ యాదవ్, శ్రేయాస్ అయ్యర్, కేఎల్ రాహుల్, ఇషాన్ కిషన్, వాషింగ్టన్ సుందర్, యుజువేంద్ర చాహల్, కుల్దీప్ యాదవ్, అక్షర్ పటేల్, మహ్మద్ షమీ, మహ్మద్ సిరాజ్, ఉమ్రాన్ మాలిక్, అర్ష్దీప్ సింగ్.
భారత్ vs శ్రీలంక వన్డే సిరీస్ షెడ్యూల్..
1వ వన్డే – జనవరి 10, గౌహతి 2వ వన్డే – జనవరి 12, కోల్‌కతా 3వ వన్డే – జనవరి 15, తిరువనంతపురం
మరిన్ని క్రికెట్ వార్తల కోసం ఇక్కడ క్లిక్ చేయండి..
