T20 World Cup 2024: సెలక్టర్ల టెన్షన్ పెంచిన ఐదుగురు భారత ఆటగాళ్లు.. టీ20 ప్రపంచకప్ 2024 స్వ్కాడ్పై కసరత్తులు?
Team India: I2024 టీ20 ప్రపంచకప్నకు రోహిత్ శర్మ, విరాట్ కోహ్లీ స్థానాలు ఇప్పటికే ఖరారయ్యాయి. రింకు సింగ్, శివమ్ దూబే వంటి ఆటగాళ్లు తమ ఇటీవలి ప్రదర్శనలతో T20 ప్రపంచ కప్ 2024 కోసం సెలక్టర్ల తలుపులు తట్టారు. కాగా, 2024 టీ20 ప్రపంచకప్నకు ఆటగాళ్లను ఎంపిక చేయడం భారత జట్టు మేనేజ్మెంట్కు పెద్ద సవాలుగా మారింది.
T20 World Cup 2024: ఐసీసీ టీ20 ప్రపంచ కప్ 2024 ఈ సంవత్సరం జూన్ 1 నుంచి జూన్ 29, 2024 వరకు వెస్టిండీస్, అమెరికా గడ్డపై జరగనుంది. వెస్టిండీస్ చివరిసారిగా 2010లో టీ20 ప్రపంచకప్నకు ఆతిథ్యమిచ్చింది. 2024 టీ20 ప్రపంచకప్నకు ఆటగాళ్లను ఎంపిక చేయడం భారత జట్టు మేనేజ్మెంట్కు పెద్ద సవాలుగా మారింది. ఇటీవల, టీ20 జట్టులో కొన్ని పెద్ద మార్పులు చేసిన టీమ్ ఇండియా.. తన బ్యాటింగ్ లైనప్లో కొంతమంది తుఫాన్ ఆటగాళ్లను చేర్చుకుంది.
టీ20 ప్రపంచకప్ టీంపై సెలక్టర్లకు టెన్షన్..
2024 టీ20 ప్రపంచకప్నకు రోహిత్ శర్మ, విరాట్ కోహ్లీ స్థానాలు ఇప్పటికే ఖరారయ్యాయి. రింకు సింగ్, శివమ్ దూబే వంటి ఆటగాళ్లు తమ ఇటీవలి ప్రదర్శనలతో T20 ప్రపంచ కప్ 2024 కోసం సెలక్టర్ల తలుపులు తట్టారు. టీ20 ప్రపంచకప్ 2024కి సన్నద్ధం కావడానికి టీమ్ ఇండియాకు ఎక్కువ సమయం లేదని, సన్నద్ధత కోసం ఐపీఎల్పై ఆధారపడాల్సి రావచ్చని భారత ప్రధాన కోచ్ రాహుల్ ద్రవిడ్ అంగీకరించాడు.
ఎంపిక కోసం పోటీలోకి వచ్చిన ఆటగాళ్లు..
T20 ప్రపంచ కప్ 2024 ఎంపికలో IPL ప్రదర్శన కీలక పాత్ర పోషిస్తుంది. ఫిబ్రవరి 2024 వరకు సూర్యకుమార్ యాదవ్ లేకపోవడం ఒక దెబ్బ, అయితే ఫిట్గా ఉన్న హార్దిక్ పాండ్యా తిరిగి రావడం పరిస్థితిని మలుపు తిప్పుతుందని భావిస్తున్నారు. ఆటగాళ్లిద్దరూ సకాలంలో కోలుకుంటే వచ్చే టీ20 ప్రపంచకప్లో భారత్ బలమైన శక్తిగా ఎదగగలదు.
రిషబ్ పంత్ కూడా వరుసలో..
అదే సమయంలో రిషబ్ పంత్ను కూడా మర్చిపోకూడదు. స్టార్ వికెట్ కీపర్ బ్యాట్స్మెన్ ఐపీఎల్లోకి పునరాగమనం చేసేందుకు సిద్ధమవుతున్నాడు. ఢిల్లీ క్యాపిటల్స్ ప్రకారం, రిషబ్ పంత్ వేగంగా అభివృద్ధి చెందుతున్నాడు, దీని కారణంగా రాబోయే సీజన్లో ఆడాలనే అతని ఆశలు పెరిగాయి. డిసెంబర్ 2022లో జరిగిన కారు ప్రమాదం తర్వాత పంత్ క్రికెట్ ఫీల్డ్కి తిరిగి రావడానికి కృషి చేస్తున్నాడు.
ఐపీఎల్లో పంత్ ఫామ్పైనే అందరి చూపు..
ఐపీఎల్ 2024లో రిషబ్ పంత్ ఫామ్, అతను T20 ప్రపంచకప్లో జట్టులో స్థానం సంపాదించగలడా లేదా అనేది అతని భవిష్యత్తును కూడా నిర్ణయిస్తుంది! అతను బ్యాటింగ్, వికెట్ కీపింగ్ చేయగలడా లేదా? లేక బ్యాట్స్మెన్గా మాత్రమే ఎంపిక అవుతారా? ఇలాంటి చాలా ప్రశ్నలు ఉన్నాయి. IPL 2024 వాటిలో చాలా ప్రశ్నలకు సమాధానం ఇస్తుంది. ఈ సంవత్సరం T20 ప్రపంచ కప్ చాలా ముఖ్యమైనది. ఎందుకంటే ఇది రోహిత్ శర్మ, విరాట్ కోహ్లీలకు చివరి మెగా ఈవెంట్ కావచ్చని తెలుస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..