IND vs AFG: షాక్ ఇచ్చిన మరో ఆల్ రౌండర్.. టీ20 లీగ్ నుంచి ఔట్.. ఎందుకంటే?

Rashid Khan Withdrawn From BBL 13: ఆఫ్ఘనిస్తాన్ స్టార్ స్పిన్ ఆల్ రౌండర్ రషీద్ ఖాన్ బిగ్ బాష్ లీగ్ 13వ ఎడిషన్ నుంచి తన పేరును ఉపసంహరించుకున్నాడు. వెన్ను గాయం కారణంగా డిసెంబర్ 07, 2023 నుంచి జనవరి 24, 2024 మధ్య జరిగే BBL 13 నుంచి రషీద్ ఖాన్ తన పేరును ఉపసంహరించుకున్నాడు. అడిలైడ్ స్ట్రైకర్స్ తరపున ఆడుతున్న రషీద్ చిన్నపాటి సర్జరీ చేయించుకోవాల్సి ఉంటుంది. ఇలాంటి పరిస్థితుల్లో 2024 జనవరిలో భారత్‌తో జరగనున్న టీ20 సిరీస్‌ ఆడడం కూడా రషీద్‌కు కష్టమేనని తెలుస్తోంది.

జనవరి 11 నుంచి 17 వరకు భారత్ వర్సెస్ ఆఫ్ఘనిస్తాన్ మధ్య మూడు మ్యాచ్‌ల T20 ఇంటర్నేషనల్ సిరీస్ జరగనుంది. ఇది రెండు జట్ల మధ్య మొదటి వైట్ బాల్ సిరీస్. రషీద్ గాయం గురించి BBL జట్టు అడిలైడ్ స్ట్రైకర్స్ ఒక ప్రకటన చేసింది. “రషీద్ వెన్ను గాయం కారణంగా రాబోయే BBL 13 నుండి తన పేరును ఉపసంహరించుకున్నాడు. అతనికి ఓ సమస్యపై ఆపరేషన్ అవసరం” అంటూ పేర్కొంది.

అయితే, రషీద్ స్థానాన్ని అడిలైడ్ జట్టు ఇంకా ప్రకటించలేదు. వచ్చే సీజన్‌లో రషీద్‌ను అట్టిపెట్టుకుంటామని జట్టు తెలిపింది. రషీద్ 7 సంవత్సరాలుగా అడిలైడ్ స్ట్రైకర్స్‌లో భాగంగా ఉన్నాడు.

జట్టు క్రికెట్ జనరల్ మేనేజర్ టిమ్ నీల్సన్ మాట్లాడుతూ.. “రషీద్ స్ట్రైకర్స్‌లో చాలా ఇష్టపడే సభ్యుడు. అభిమానుల అభిమాన వ్యక్తి, ఏడు సంవత్సరాలుగా మాతో ఉన్నాడు. అందుకే ఈ సమ్మర్‌లో అతను మిస్ అవుతాడు. రషీద్‌కి అడిలైడ్, స్ట్రైకర్స్ అంటే చాలా ఇష్టం. అతనికి బీబీఎల్‌లో ఆడడం అంటే ఎంత ఇష్టమో మాకు తెలుసు. ఆటలో ఎక్కువ కాలం ఉండేందుకు గాయాలకు చికిత్స ఉన్నందున మేం అతనికి మద్దతు ఇస్తున్నాం అంటూ తెలిపాడు.

రషీద్ 2017లో బీబీఎల్‌లో అరంగేట్రం చేయడం గమనార్హం. టోర్నీలో ఇప్పటివరకు 69 మ్యాచ్‌లు ఆడి 17.51 ​​సగటుతో 98 వికెట్లు తీశాడు. ఈ కాలంలో అతను 6.44 ఎకానమీ వద్ద పరుగులు ఇచ్చాడు.

మరిన్ని క్రీడా వార్తల కోసం ఇక్కడ క్లిక్ చేయండి..