PBKS vs SRH IPL Match Result: సమిష్టిగా రాణించిన హైదరాబాద్ ప్లేయర్స్.. పంజాబ్‌పై ఘన విజయం..

PBKS vs SRH IPL Match Result: ఐపీఎల్‌ 2022 (IPL 2022)లో భాగంగా పంజాబ్‌ కింగ్స్‌, సన్‌రైజర్స్‌ హైదరాబాద్‌ల మధ్య జరిగిన మ్యాచ్‌లో హైదరాబాద్‌ విజయాన్ని అందుకుంది. పంజాబ్‌ ఇచ్చిన 152 పరుగుల లక్ష్యాన్ని హైదరాబాద్‌ బ్యాట్స్‌మెన్‌ సునాయాసంగా చేధించారు. కేవలం మూడు వికెట్లు మాత్రమే కోల్పోయి 18.5 ఓవర్లలోనే లక్ష్యాన్ని చేరుకుంది. దీంతో హైదరాబాద్‌ తన ఖాతాలో వరుసగా నాలుగో విజయాన్ని వేసుకుంది. మ్యాచ్‌లో చివర్లో ఐడెన్‌ మార్క్రామ్‌, పూరన్‌ భారీ షాట్స్‌తో హైదరాబాద్‌కు విజయాన్ని అందించారు. హైదరాబాద్‌ బ్యాటింగ్ విషయానికొస్తే.. ఐడెన్‌ మార్క్రామ్‌ (41), నికోలస్‌ పూరన్‌ (35) పరుగులతో అజేయంగా నిలిచారు.

ఇక అంతకుముందు రాహుల్‌ త్రిపాఠి (34), అభిషేక్‌ శర్మ (31) పరుగులు సాధించి జట్టును విజయ తీరాలకు చేర్చడంలో కీలక పాత్ర పోషించారు. ఇక పంజాబ్‌ బౌలింగ్ విషయానికొస్తే రాహుల్‌ చాహర్‌ 4 ఓవర్లకుగాను 28 పరుగులు ఇచ్చి 2 వికెట్లు పడగొట్టాడు. రబడా ఒక వికెట్‌ తీసుకున్నాడు. తొలుత టాస్‌ గెలిచి బౌలింగ్‌ ఎంచుకున్న హైదరాబాద్‌ పంజాబ్‌ను తక్కువ స్కోర్‌కు కట్టడి చేసింది. నిర్ణీత 20 ఓవర్లలో 151 పరుగులు చేసిన పంజాబ్‌ అలవుట్‌ అయ్యింది. దీంతో మొన్నటి వరకు పాయింట్ల జాబితాలో 7వ స్థానంలో ఉన్న సన్‌రైజర్స్‌ 4 స్థానంలోకి చేరింది.

Also Read: Mango Special: పండ్లకు రారాజు.. మామిడి పండు.. దేశంలో ఏ రాష్ట్రంలో ఏయే రకాలు లభిస్తాయో తెలుసా..

Mango Special: పండ్లకు రారాజు.. మామిడి పండు.. దేశంలో ఏ రాష్ట్రంలో ఏయే రకాలు లభిస్తాయో తెలుసా..

Economic crises: భారత్ చుట్టూ ముదురుతున్న సంక్షోభం.. ఇవి మన దేశంపై ప్రభావం చూపుతాయా..