Pakistan Super League: IPL దెబ్బతో PSL అబ్భా! ఆ స్టార్ ప్లేయర్లు లేకుండానే..
పాకిస్తాన్ సూపర్ లీగ్ (PSL) లో స్టీవ్ స్మిత్, కేన్ విలియమ్సన్ వంటి అగ్రశ్రేణి ఆటగాళ్లు పాల్గొనే అవకాశాలు కరవయ్యాయి. PCB, ECB నుండి క్లియరెన్స్ కోసం ఎదురు చూస్తోంది. PSL మొదటిసారి IPL తో ఢీకొనడంతో, ఆటగాళ్ల అందుబాటు ప్రశ్నార్థకమైంది. ప్లాటినం విభాగంలో పేర్లు ఉన్నప్పటికీ, సరైన ఆటగాళ్లను భద్రపరచడానికి PCB సవాళ్లను ఎదుర్కొంటోంది.
పాకిస్తాన్ సూపర్ లీగ్ (PSL)కు భారీ ఎదురుదెబ్బ తగిలింది. ఆస్ట్రేలియా స్టార్ స్టీవ్ స్మిత్, న్యూజిలాండ్ కెప్టెన్ కేన్ విలియమ్సన్ వంటి అగ్రశ్రేణి అంతర్జాతీయ ఆటగాళ్లు PSL లో పాల్గొనే అవకాశం లేకుండా పోయింది. పాకిస్తాన్ క్రికెట్ బోర్డు (PCB) ఇంగ్లాండ్ క్రికెట్ బోర్డు (ECB) నుంచి క్లియరెన్స్ కోసం ఎదురుచూస్తుంది. అంతేకాదు, ఏప్రిల్-మే నెలల్లో జరిగే ఈ టోర్నమెంట్‌కు ముందే IPL తో ఢీకొనడం PCB కి మరింత సమస్యగా మారింది.
PSL ప్లాటినం విభాగంలో స్టీవ్ స్మిత్, ఆదిల్ రషీద్, జాసన్ రాయ్, ఫిన్ అలెన్, షాయ్ హోప్ వంటి ఆటగాళ్ల పేర్లు కనిపిస్తున్నప్పటికీ, వారి అందుబాటును ధృవీకరించడం ఆలస్యం అవుతోంది. IPLలో అవకాశం దక్కని విదేశీ ఆటగాళ్లను PSLకు ఆకర్షించడానికి PCB నానా ప్రయత్నాలు చేస్తోంది.
ఆస్ట్రేలియా వికెట్ కీపర్ అలెక్స్ కారీ, ఇంగ్లాండ్ ప్లేయర్లు జానీ బెయిర్‌స్టో, టామ్ కుర్రాన్, ఇంకా ఇతర ఆటగాళ్లు డైమండ్, గోల్డ్ విభాగాల్లో చోటు దక్కించుకున్నారు. ఐపీఎల్ తాకిడి మధ్య PSL ప్రతిష్ఠ కొనసాగుతుందా అన్నది ఉత్కంఠగా మారింది.