PAK vs SA: హాఫ్ సెంచరీలతో సత్తా చాటిన బాబర్, షకీల్.. సౌతాఫ్రికా ముందు టార్గెట్ ఎంతంటే?

Pak Vs Sa Score

Pakistan vs South Africa, 26th Match: వన్డే ప్రపంచకప్ 26వ మ్యాచ్‌లో పాకిస్థాన్ 271 పరుగులకే ఆలౌటైంది. చెన్నైలోని చెపాక్‌ మైదానంలో టాస్‌ గెలిచిన పాకిస్తాన్ బ్యాటింగ్‌ ఎంచుకుంది. ఆ జట్టు 46.4 ఓవర్లలో 270 పరుగులు మాత్రమే చేయగలిగింది. దక్షిణాఫ్రికా బౌలర్లలో స్పిన్నర్ తబ్రేజ్ షమ్సీ 4 వికెట్లు పడగొట్టాడు. మార్కో జాన్సన్ 3 వికెట్లు, గెరాల్డ్ కూటీస్ 2 వికెట్లు తీశారు. లుంగీ ఎన్‌గిడికి ఒక వికెట్ దక్కింది.

పాకిస్థాన్‌లో కెప్టెన్ బాబర్ ఆజం 50, సౌద్ షకీల్ 52 పరుగులు చేశారు. షాదాబ్ ఖాన్ 43 పరుగులతో, మహ్మద్ రిజ్వాన్ 31 పరుగులతో ఇన్నింగ్స్ ఆడారు.

సౌద్-షాదాబ్ కీలక భాగస్వామ్యం..

150 పరుగుల ముందు సగం జట్టు ఔట్ అయిన తర్వాత, సౌద్ షకీల్, షాదాబ్ ఖాన్ పాక్ ఇన్నింగ్స్‌ను ముందుకు తీసుకెళ్లారు. ఇద్దరూ జాగ్రత్తగా బ్యాటింగ్ చేసి సెట్ అయిన తర్వాత వేగంగా పరుగులు సాధించారు. 36 బంతుల్లో 43 పరుగులు చేసి షాదాబ్ ఔట్ కాగా వీరిద్దరి మధ్య 84 పరుగుల భాగస్వామ్యానికి బ్రేక్ పడింది. అయితే వీరి భాగస్వామ్యంతో వీరిద్దరూ పాకిస్థాన్‌ను 225 పరుగులకు మించి తీసుకెళ్లారు.

141 పరుగులిచ్చి 5 వికెట్లు కోల్పోయి..

టోర్నీలో వరుసగా 3 మ్యాచ్ ల్లో ఓడిన పాకిస్థాన్ జట్టుకు ఆరంభం అంతగా బాగోలేదు. జట్టు 38 పరుగులకే ఓపెనర్లను కోల్పోగా, అబ్దుల్లా షఫీక్ 9, ఇమామ్ ఉల్ హక్ 12 పరుగులు మాత్రమే చేయగలిగారు. బాబర్ అజామ్ 50 పరుగులు చేసి జట్టును ముందుకు తీసుకెళ్లగా, మహ్మద్ రిజ్వాన్ 31 పరుగులతో పెవిలియన్ చేరాడు. అయితే, రిజ్వాన్ వికెట్ తర్వాత, ఇఫ్తికార్ కూడా 21 పరుగుల వద్ద అవుట్ కావడంతో జట్టు స్కోరు 5 వికెట్లకు 141 పరుగులుగా మారింది.

టోర్నీలో మూడో అర్ధశతకం నమోదు చేసిన తర్వాత బాబర్ ఔటయ్యాడు. పాకిస్థాన్
కెప్టెన్ బాబర్ ఆజం దక్షిణాఫ్రికాపై 64 బంతుల్లో ఫిఫ్టీ సాధించాడు. అతను 50 పరుగులు చేసిన తర్వాత తబ్రేజ్ షమ్సీకి బలి అయ్యాడు. టోర్నీలో ఇది అతనికి వరుసగా రెండో అర్ధశతకం. ప్రస్తుత సీజన్‌లో మూడోది. అంతకుముందు ఆఫ్ఘనిస్థాన్‌, భారత్‌లపై కూడా హాఫ్‌ సెంచరీలు సాధించాడు. అయితే ఒక్క ఫిఫ్టీని కూడా సెంచరీగా మార్చలేకపోయాడు.

పవర్‌ప్లేలో 2 వికెట్లు కోల్పోయిన పాకిస్థాన్..

తొలి ఓవర్‌లోనే దక్షిణాఫ్రికా బౌలర్లు ఒత్తిడి సృష్టించారు. మార్కో జాన్సన్ తొలి ఓవర్ మేడిన్ బౌలింగ్ చేశాడు. ఐదో ఓవర్లో యాన్సన్ అబ్దుల్లా షఫీక్ వికెట్ తీశాడు. అప్పుడు పాకిస్థాన్ స్కోరు 20 పరుగులు మాత్రమే. 7వ ఓవర్లో జాన్సన్ ఇమామ్ ఉల్ హక్ ను కూడా పెవిలియన్ కు పంపాడు. పవర్‌ప్లే 10 ఓవర్లలో పాకిస్థాన్ 2 వికెట్లు కోల్పోయి 58 పరుగులు మాత్రమే చేయగలిగింది.

రెండు జట్ల ప్లేయింగ్ 11..

దక్షిణాఫ్రికా: టెంబా బావుమా (కెప్టెన్), క్విటన్ డి కాక్, రాస్సీ వాన్ డెర్ డుస్సెన్, ఐడెన్ మార్క్రామ్, హెన్రిచ్ క్లాసెన్, డేవిడ్ మిల్లర్, మార్కో జాన్సెన్, కేశవ్ మహరాజ్, లుంగి న్గిడి, తబ్రైజ్ షమ్సీ, గెరాల్డ్ కూట్జీ.

పాకిస్థాన్: బాబర్ ఆజం (కెప్టెన్), ఇమామ్ ఉల్ హక్, అబ్దుల్లా షఫీక్, మహ్మద్ రిజ్వాన్ సౌద్ షకీల్, ఇఫ్తికర్ అహ్మద్, షాదాబ్ ఖాన్, మహ్మద్ నవాజ్, షాహీన్ అఫ్రిది, మహ్మద్ వసీం జూనియర్, హరీస్ రవూఫ్.

మరిన్ని క్రీడా వార్తల కోసం ఇక్కడ క్లిక్ చేయండి..