ICC Awards: ప్లేయర్‌ ఆఫ్ ది మంత్‌ అవార్డుకు నామినేట్‌ అయిన ఆటగాళ్లను ప్రకటించిన ఐసీసీ.. లిస్టులో ఎవరెవరున్నారంటే..
ICC Awards: మే నెలకు గానూ ఐసీసీ ప్లేయర్‌ ఆఫ్ మంత్‌ అవార్డుకు నామినేట్‌ అయిన ఆటగాళ్లను అంతర్జాతీయ క్రికెట్ కౌన్సిల్ (ICC) ప్రకటించింది. పురుషుల విభాగంలో ఈ అవార్డు కోసం ముగ్గురు క్రికెటర్లను ఐసీసీ షార్ట్‌లిస్ట్ చేసింది.
ICC Awards: మే నెలకు గానూ ఐసీసీ ప్లేయర్‌ ఆఫ్ మంత్‌ అవార్డుకు నామినేట్‌ అయిన ఆటగాళ్లను అంతర్జాతీయ క్రికెట్ కౌన్సిల్ (ICC) ప్రకటించింది. పురుషుల విభాగంలో ఈ అవార్డు కోసం ముగ్గురు క్రికెటర్లను ఐసీసీ షార్ట్‌లిస్ట్ చేసింది. వారిలో శ్రీలంక సీనియర్ ఆల్ రౌండర్ ఏంజెలో మాథ్యూస్ (Angelo Mathews), బంగ్లాదేశ్ వికెట్ కీపర్ కమ్‌ బ్యాటర్ ముష్ఫికర్ రహీమ్ (Mushfiqur Rahim) , శ్రీలంక యువ పేసర్‌ అసిత ఫెర్నాండో ఉన్నారు. ఇక మహిళల విభాగంలో పాకిస్తాన్‌ యంగ్ క్రికెటర్‌ తుబా హసన్, పాక్‌ కెప్టెన్‌ బిస్మా మరూఫ్, జెర్సీకి చెందిన ట్రినిటీ స్మిత్ ప్లేయర్‌ ఆఫ్ ది మంత్‌ అవార్డు రేసులో నిలిచారు. కాగా బంగ్లాదేశ్‌తో జరిగిన టెస్టు సిరీస్‌లో ఏంజెలో మాథ్యూస్ అధ్బుతంగా రాణించాడు. మొత్తం 344 పరుగులు సాధించాడు. అతని ఇన్నింగ్స్‌లో రెండు సెంచరీలు కూడా ఉన్నాయి. ఇదే టెస్టు సిరీస్‌లో ముష్ఫికర్ రహీమ్ 303 పరుగులు సాధించాడు. అంతేకాకుండా టెస్టుల్లో 5వేల పరుగుల సాధించిన తొలి బంగ్లాదేశ్ క్రికెటర్‌గా అరుదైన రికార్డును తన ఖాతాలో వేసుకున్నాడు.
ఇదే టెస్టు సిరీస్‌లో శ్రీలంక యువ పేసర్‌ అసిత ఫెర్నాండో తన భీకర బౌలింగ్‌తో ప్రత్యర్థి బ్యాటర్లకు చుక్కలు చూపించాడు. రెండు టెస్టుల్లో కలిపి మొత్తం 13 వికెట్లు నేలకూల్చాడు. ఒక టెస్ట్‌లో 6/51 కెరీర్‌ బెస్ట్‌ గణాంకాలను నమోదు చేసి ప్లేయర్‌ ఆఫ్ ది మ్యాచ్‌ పురస్కారం అందుకున్నాడు. ఇక మహిళల విభాగంలో అవార్డుకు నామినేట్‌ అయిన పాక్‌ కెప్టెన్‌ బిస్మా మరూఫ్, తుబా హసన్.. ఇటీవల ముగిసిన శ్రీలంకతో టీ20 సిరీస్‌లో అద్భుతంగా రాణించారు. భారీగా పరుగులు సాధించారు. అదే విధంగా జెర్సీకి చెందిన ట్రినిటీ స్మిత్ అరంగేట్ర మ్యాచ్‌లోనే ఫ్రాన్స్‌పై అదరగొట్టింది. ఈక్రమంలోనే మహిళల విభాగంలో ప్లేయర్‌ ఆఫ్ ది మంత్‌ అవార్డుకు నామినేట్‌ అయ్యారు. త్వరలోనే విజేతల పేర్లను అధికారికంగా ప్రకటించనుంది ఐసీసీ.
మరిన్ని క్రీడా వార్తల కోసం క్లిక్ చేయండి..
Also Read:
Godse: గాడ్సే సినిమా కోసం గొంతు సవరించుకున్న సత్యదేవ్‌.. నెట్టింట్లో వైరలవుతోన్న వీడియో..