11 బంతుల్లో 56 పరుగులు.. 193 స్ట్రైక్‌రేట్‌తో కెప్టెన్ ఇన్నింగ్స్ ఆడాడు.. మ్యాచ్ గెలిపించాడు..

6 బంతుల్లో 6 సిక్సర్లు.. ఈ స్టోరీస్ చాలానే విని ఉంటాం. అయితే ఇప్పుడు చెప్పబోయేది కొంచెం డిఫరెంట్ స్టోరీ. 26 ఏళ్ల బ్యాట్స్‌మెన్ 6 సిక్సర్లు కొట్టాడు. కానీ వరుస బంతుల్లో కాదు.. మొత్తం ఇన్నింగ్స్‌లో బాదాడు. అంతేకాకుండా తన జట్టును విజయతీరాలకు చేర్చాడు. ఆ మ్యాచ్ కథేంటో చూసేద్దాం పదండి.

నమీబియా ఈగల్స్, జింబాబ్వే ఎమర్జింగ్ ప్లేయర్స్ మధ్య జరిగిన మ్యాచ్‌లో.. నమీబియా ఈగల్స్ కెప్టెన్ గెర్హార్డ్ ఎరాస్మస్ తుఫాన్ ఇన్నింగ్స్‌తో చెలరేగిపోయాడు. తన జట్టుకు అద్భుత విజయాన్ని అందించాడు. ఈ మ్యాచ్‌లో నమీబియా ఈగల్స్ మొదటి బ్యాటింగ్ చేసి నిర్ణీత ఓవర్లలో 8 వికెట్లకు 367 పరుగులు చేసింది. మొదట నమీబియా జట్టు తడబడింది. 4 పరుగులకే రెండు వికెట్లు కోల్పోయింది. అయితే ఆ తర్వాత క్రీజులోకి వచ్చిన వికెట్ కీపర్ జేన్ గ్రీన్, జేన్ నికోల్ మూడో వికెట్‌కు సెంచరీ భాగస్వామ్యాన్ని నెలకొల్పారు. జేన్ గ్రీన్ 93 బంతుల్లో 96 పరుగులు చేయగా, జేన్ నికోల్ 92 బంతుల్లో 80 పరుగులు చేశాడు.

అయితే ఇది జస్ట్ ట్రైలర్ మాత్రమే.. అనంతరం క్రీజులోకి వచ్చిన నమీబియా కెప్టెన్ 26 ఏళ్ల కెప్టెన్ ఎరాస్మస్ 47 బంతుల్లో 5 ఫోర్లు, 6 సిక్సర్లతో అజేయంగా 91 పరుగులు చేశాడు. ఎరాస్మస్ 193.61 స్ట్రైక్ రేట్‌తో కేవలం 11 బంతుల్లో 56 పరుగులు చేశాడు. ఈ మ్యాచ్‌లో నమీబియా ఈగల్స్ 50 ఓవర్లలో 8 వికెట్లకు 367 పరుగులు చేసింది. ఇక 368 పరుగుల భారీ టార్గెట్‌తో బరిలోకి దిగిన జింబాబ్వే ఎమర్జింగ్ ప్లేయర్స్.. 37.3 ఓవర్లలో, కేవలం 210 పరుగులు మాత్రమే చేయగలిగింది. జింబాబ్వే ఓపెనర్ బ్రియాన్ 51 పరుగులు, ముంబా 50 పరుగులతో రాణించారు.