Video: ఫోర్త్ అంపైర్ తో గొడవ పడ్డ ఢిల్లీ బౌలింగ్ కోచ్! చావు దెబ్బ కొట్టిన BCCI!

Munaf Patel Dc

ఐపీఎల్ 2025 సీజన్ ఉత్కంఠభరితంగా కొనసాగుతున్న వేళ, ఢిల్లీ క్యాపిటల్స్ బౌలింగ్ కోచ్, 2011 ప్రపంచ కప్ విజేత జట్టు సభ్యుడు మునాఫ్ పటేల్ ప్రవర్తనా నియమావళిని ఉల్లంఘించినందుకు బీసీసీఐ ఆయనపై చర్యలు తీసుకుంది. బుధవారం ఢిల్లీ అరుణ్ జైట్లీ స్టేడియంలో రాజస్థాన్ రాయల్స్‌తో జరిగిన మ్యాచ్‌లో, మునాఫ్ పటేల్‌కు మ్యాచ్ ఫీజులో 25 శాతం జరిమానా విధించడమే కాకుండా, ఒక డీమెరిట్ పాయింట్‌ను కూడా రికార్డ్ చేశారు. ఆయన ఐపీఎల్ ప్రవర్తనా నియమావళి కింద ఆర్టికల్ 2.20 “ఆట స్ఫూర్తికి విరుద్ధమైన ప్రవర్తన”కు సంబంధించిన లెవల్ 1 నేరానికి అంగీకరించారు. IPL నిబంధనల ప్రకారం లెవల్ 1 ఉల్లంఘనలకు మ్యాచ్ రిఫరీ నిర్ణయం అనుసరించదగ్గదే.

ఈ ఘటన ఢిల్లీ బౌలింగ్ చేస్తున్న సమయంలో చోటు చేసుకుంది. ఢిల్లీ క్యాపిటల్స్ రిజర్వ్ ఆటగాడిని సందేశం ఇవ్వడానికి మైదానంలోకి పంపే ప్రయత్నం చేసినప్పుడు నాల్గవ అంపైర్ ఆ ఆటగాడిని అడ్డుకున్నాడు. దీనికి మునాఫ్ పటేల్ బౌండరీ వద్ద ఉన్న సమయంలో స్పందిస్తూ, తన లేస్‌లను కట్టుకుంటూ ఉన్నంతలోనే మ్యాచ్ అధికారితో వాగ్వాదానికి దిగాడు. ఈ సంఘటనకు సంబంధించిన వీడియో సోషల్ మీడియాలో వైరల్‌గా మారింది. ఇదే కారణంగా ఆయనపై BCCI ఈ చర్యలు తీసుకున్నట్లు భావిస్తున్నారు.

ఇక మ్యాచ్ విషయానికి వస్తే, ఢిల్లీ క్యాపిటల్స్ ఒక అద్భుతమైన విజయాన్ని నమోదు చేసింది. రాజస్థాన్ రాయల్స్‌కి 188 పరుగుల లక్ష్యాన్ని నిర్దేశించిన ఢిల్లీ జట్టు, ధీటైన బౌలింగ్‌తో రాజస్థాన్‌ను అదే స్కోరుకే పరిమితం చేసి మ్యాచ్‌ను సూపర్ ఓవర్‌కు తీసుకెళ్లింది. సూపర్ ఓవర్‌లో మిచెల్ స్టార్క్ కేవలం 11 పరుగులు మాత్రమే ఇచ్చి, కీలకమైన రెండు వికెట్లు తీసి ఢిల్లీ విజయంలో ముఖ్య పాత్ర పోషించాడు. అనంతరం ఢిల్లీ క్యాపిటల్స్ ఆ లక్ష్యాన్ని ఇంకా రెండు బంతులు మిగిలి ఉండగానే ఛేదించి గెలుపొందింది. ఈ విజయంలో స్టార్క్ 4 ఓవర్లలో 1-36గా బౌలింగ్ చేసి, సూపర్ ఓవర్‌లో మంచి ప్రదర్శన కనబరచి ‘ప్లేయర్ ఆఫ్ ది మ్యాచ్’ అవార్డు అందుకున్నాడు.

ఈ విజయం ద్వారా ఢిల్లీ క్యాపిటల్స్ 6 మ్యాచ్‌లలో 5 విజయాలతో మొత్తం 10 పాయింట్లు సాధించి పాయింట్ల పట్టికలో అగ్రస్థానాన్ని తిరిగి సాధించింది. అక్షర్ పటేల్ నేతృత్వంలోని ఢిల్లీ జట్టు అద్భుతమైన ఫామ్‌లో కొనసాగుతూ, వచ్చే మ్యాచ్‌లో శనివారం అహ్మదాబాద్‌లోని నరేంద్ర మోదీ స్టేడియంలో గుజరాత్ టైటాన్స్‌తో తలపడనుంది. మొత్తం మీద, మునాఫ్ పటేల్‌పై శిక్ష విషయాన్ని పక్కన పెడితే, ఢిల్లీ క్యాపిటల్స్ బలంగా పోటీ చేయడం ఈ సీజన్‌లో IPL అభిమానులకు మరింత ఆసక్తికరమైన అనుభూతిని ఇస్తోంది.