Video: రూమర్స్ బాయ్ఫ్రెండ్ ని కలవడానికి ముసుగులో వెళ్లిన నయా గర్ల్ ఫ్రెండ్!
యుజ్వేంద్ర చాహల్పై ఆర్జే మహవాష్తో ఉన్న సంబంధ పుకార్లు మళ్లీ సోషల్ మీడియాలో వైరల్ అయ్యాయి. మహవాష్ ముసుగులో హోటల్కి వెళ్లిన వీడియో బయటపడటంతో ఈ పుకార్లు మరోసారి బలపడాయి. చాహల్, మహవాష్ గతంలో కూడా ఒకే సమయంలో ఒకే చోట కనిపించడం అభిమానుల్లో అనేక ఊహాగానాలకు దారి తీస్తోంది. వీరిద్దరూ ఇప్పటివరకు అధికారికంగా స్పందించకపోయినప్పటికీ, వారి అనుబంధంపై చర్చ మాత్రం ముదిరుతోంది.
భారత క్రికెటర్ యుజ్వేంద్ర చాహల్ను చుట్టుముట్టిన డేటింగ్ పుకార్లు తాజాగా మరోసారి వార్తల్లోకి వచ్చాయి. ఈసారి ఆర్జే మహవాష్ పాత్ర మరింత ఆసక్తికరంగా మారింది. గతంలో వీరిద్దరి మధ్య సంబంధం లేదని ఆమె తేల్చి చెప్పినప్పటికీ, ఇటీవల ఆమె చాహల్ను కలవడానికి రహస్యంగా ఓ హోటల్కి వెళ్లిన దృశ్యాలు సామాజిక మాధ్యమాల్లో వైరల్ కావడం చర్చనీయాంశంగా మారింది. నల్లటి షార్ట్స్, హూడీ ధరించి ముఖం దాచుకుంటూ హోటల్ లాబీలోకి అడుగుపెడుతున్న మహవాష్ను కెమెరాలు పట్టుకున్న వీడియో తాజాగా బయటపడింది.
చాహల్ భార్య ధనశ్రీ వర్మతో విడిపోయాడని వార్తలు వచ్చిన తర్వాతే మహవాష్తో అతని సంబంధంపై గాసిప్ మొదలైంది. ఈ జంట దుబాయ్లో జరిగిన ఛాంపియన్స్ ట్రోఫీ మ్యాచ్కి హాజరైన తర్వాత పుకార్లు మళ్లీ ఊపందుకున్నాయి. తాజాగా, జైపూర్లోని రాంబాగ్ ప్యాలెస్ హోటల్ వద్ద పంజాబ్ కింగ్స్ సహ యజమాని ప్రీతి జింటాతో కనిపించిన తర్వాత, అదే హోటల్లో చాహల్ జట్టు ఉంటున్న సంగతి వెలుగు చూసింది. తదుపరి రోజే మహవాష్ అదే హోటల్లోకి దూరుతూ కనిపించడం మరోసారి పుకార్లను బలపరిచింది.
ఈ హోటల్ దృశ్యం, IPL 2025 క్వాలిఫయర్ 1లో పంజాబ్ కింగ్స్ vs రాయల్ ఛాలెంజర్స్ బెంగళూరు మధ్య మ్యాచ్కు ముందు చోటుచేసుకోవడం గమనార్హం. అభిమానులు వెంటనే ఈ పరిణామాలను చాహల్, మహవాష్ మధ్య కొనసాగుతున్న అనుబంధానికి లింక్ చేయడం మొదలుపెట్టారు. ఇక గతంలో కూడా మహవాష్, చాహల్కు మద్దతుగా స్టాండ్స్లో ఉత్సాహంగా నినాదాలు చేస్తూ కనిపించడం, పంజాబ్ జట్టు బస్సులో చాహల్తో పాటు ప్రయాణించడం వంటి అంశాలు ఈ పుకార్లకు మరింత బలం ఇచ్చాయి.
ఇంతవరకు చాహల్ గానీ, మహవాష్ గానీ ఈ విషయంపై ఏ ధృవీకరణ ఇవ్వలేదు. అయినప్పటికీ, పదే పదే వీరిద్దరూ ఒకే చోట, ఒకే సమయంలో కనిపిస్తూ ఉండడం, వైరల్ అవుతున్న వీడియోలు, మహవాష్ తరచూ ఇన్స్టాగ్రామ్లో చాహల్ను ప్రశంసిస్తూ చేసే పోస్టులు వీరిద్దరి మధ్య ఉన్న అనుబంధంపై అభిమానుల్లో ఊహాగానాలను పెంచుతున్నాయి. క్రికెట్ ప్రేమికులతో పాటు సెలబ్రిటీ గాసిప్ ప్రపంచం కూడా ఈ జంటపై ఆసక్తిగా చూస్తోంది.
మరిన్ని క్రికెట్ వార్తల కోసం ఇక్కడ క్లిక్ చేయండి..