KKR New Captain: ఫ్యాన్స్ నిరీక్షణకు ముగింపు.. కేకేఆర్ కొత్త కెప్టెన్గా ధోని అల్టిమేట్ ప్లేయర్
IPL 2025, KKR New Captain: కోల్కతా నైట్ రైడర్స్ ఐపీఎల్ 2025కి తమ కొత్త కెప్టెన్ని ప్రకటించింది. శ్రేయాస్ అయ్యర్ను విడుదల చేసిన తర్వాత, KKR తన కొత్త కెప్టెన్ కోసం వెతుకుతోంది. ఇందుకోసం కొంతమంది ఆటగాళ్ల పేర్లు చర్చలో ఉన్నాయి. KKR కొత్త కెప్టెన్ ఎవరు అవుతారనే దానిపై చాలా ఊహాగానాలు ఉన్నాయి. అయితే, ఇప్పుడు ఈ ఊహాగానాలన్నింటికీ తెరపడింది. కోల్కతా నైట్ రైడర్స్ రాబోయే సీజన్ కోసం తమ కొత్త కెప్టెన్ను ప్రకటించింది.
IPL 2025, KKR New Captain: ఇండియన్ ప్రీమియర్ లీగ్ మార్చి 22న ప్రారంభమవుతుంది. దాదాపు అన్ని జట్లకు కెప్టెన్లను ప్రకటించారు. కోల్కతా నైట్ రైడర్స్ కెప్టెన్ కోసం ఫ్యాన్స్ ఎంతగానో ఎదురుచూస్తున్నారు. రిటైన్ జాబితా బహిరంగంగా విడుదలైన తర్వాత, రింకు సింగ్కు ఆ బాధ్యత అప్పగిస్తారని భావించారు. కానీ, ఐపీఎల్ మెగా వేలంలో కేకేఆర్ అందరినీ ఆశ్చర్యపరిచింది. వెంకటేష్ అయ్యర్ను అధిక ధరకు కొనుగోలు చేశారు. ఆ తర్వాత, వెంకటేష్ అయ్యర్ కేకేఆర్ కెప్టెన్ అవుతాడని ఊహాగానాలు మొదలయ్యాయి. వేలం రెండవ రోజు పరిస్థితి మారిపోయింది. చివరి నిమిషంలో అజింక్య రహానేను కేకేఆర్ తీసుకుంది. కెప్టెన్సీ విషయంలో అజింక్య రహానే ముందున్నాడు. అతన్ని కెప్టెన్గా చేశారు. వైస్-కెప్టెన్ వెంకటేష్ అయ్యర్.
చెన్నై సూపర్ కింగ్స్ (13 ఇన్నింగ్స్లలో 242 పరుగులు) తో పేలవమైన సీజన్ తర్వాత వేలంలో ప్రారంభంలో ఎవరూ కొనలేకపోయిన ఈ సీనియర్ భారత బ్యాట్స్మన్కు ఈ పరిణామం చాలా మంచి మలుపు. మొత్తానికి రహానేను KKR తన బేస్ ధర రూ. 1.50 కోట్లకు దక్కించుకుంది.
🚨 𝗢𝗳𝗳𝗶𝗰𝗶𝗮𝗹 𝗔𝗻𝗻𝗼𝘂𝗻𝗰𝗲𝗺𝗲𝗻𝘁 – Ajinkya Rahane named captain of KKR. Venkatesh Iyer named Vice-Captain of KKR for TATA IPL 2025. pic.twitter.com/F6RAccqkmW
— KolkataKnightRiders (@KKRiders) March 3, 2025
అప్పటి నుంచి, అన్ని ఫార్మాట్లలో రహానే ఫామ్లో గణనీయమైన పెరుగుదల కనిపించింది. ఇటీవల సయ్యద్ ముష్తాక్ అలీ టోర్నమెంట్ను ముంబై గెలుచుకోవడంలో రహానే కీలక పాత్ర పోషించాడు. 58.62 సగటుతో 469 పరుగులు, 164.56 అద్భుతమైన స్ట్రైక్ రేట్తో పరుగుల పట్టికలో అగ్రస్థానంలో నిలిచాడు.
2022 సీజన్కు ముందు అతన్ని కొనుగోలు చేసిన KKR అతని సేవలను పొందడం ఇది రెండోసారి. ఆ సంవత్సరం అతను ఏడు మ్యాచ్ల్లో మాత్రమే ఆడాడు. ఇందులో అతను కేవలం 133 పరుగులు మాత్రమే చేయగలిగాడు. తదుపరి సీజన్లో, అతను CSKకి వెళ్లి, 172.49 స్ట్రైక్ రేట్తో 326 పరుగులతో టైటిల్ గెలిపించడంలో కీలక పాత్ర పోషించాడు.
మరిన్ని క్రీడా వార్తల కోసం ఇక్కడ క్లిక్ చేయండి..