Watch Video: రాణా దెబ్బకు పగిలిన ఫ్రిజ్.. హై స్పీడ్ బాల్‌కు స్పెషల్ ట్రీట్ అంటోన్న ఫ్యాన్స్..

KKR vs SRH IPL 2022: ఈ మ్యాచ్‌లో టాస్ ఓడి కోల్‌కతా నైట్ రైడర్స్ 8 వికెట్ల నష్టానికి 175 పరుగులు చేసింది. అనంతరం సన్‌రైజర్స్ హైదరాబాద్ జట్టు 3 వికెట్ల నష్టానికి 176 పరుగులు చేసి విజయం సాధించింది.

Kkr Vs Srh Ipl 2022

Venkata Chari |

Updated on: Apr 16, 2022 | 10:06 AM

ఇండియన్ ప్రీమియర్ లీగ్ (IPL) 2022 సీజన్‌లో, కోల్‌కతా నైట్ రైడర్స్ (KKR) శుక్రవారం వరుసగా రెండో ఓటమిని చవిచూసింది. ఈ మ్యాచ్‌లో సన్‌రైజర్స్ హైదరాబాద్ (SRH) 7 వికెట్ల తేడాతో ఓడిపోయింది. మ్యాచ్‌లో కేకేఆర్ ప్లేయర్ నితీశ్ రాణా బ్యాట్‌ విధ్వంసం కనిపించింది. కోల్ కతా 31 పరుగులకే మూడు వికెట్లు కోల్పోయింది. ఇలాంటి పరిస్థితిలో, నితీష్ రాణా 36 బంతుల్లో 54 పరుగుల తుఫాన్ ఇన్నింగ్స్ ఆడాడు. ఈ సమయంలో రాణా రెండు సిక్సర్లు, 6 ఫోర్లు కూడా బాదేశాడు. ఈ సమయంలో నితీష్ స్ట్రైక్ రేట్ 150గా నిలిచింది. హైదరాబాద్ జట్టులోని దాదాపు ప్రతి బౌలర్‌ను ఉతికి ఆరేశాడు. కేకేఆర్ ఇన్నింగ్స్ సమయంలో, నితీష్ రాణా దూకుడైన బ్యాటింగ్‌కు హైదరాబాద్ బౌలర్లు నిస్సహాయంగా ఉండిపోయారు. ఈ క్రమంలోనే రాణా బాదిన ఓ బంతి నేరుగా డగౌట్‌లో ఉంచిన ఫ్రీజ్‌ను తాకడంతో అద్దం పగిలిపోయింది. ఇన్నింగ్స్ 13వ ఓవర్ తొలి బంతికి నితీశ్ ఈ సిక్సర్ బాదాడు. ఈ ఓవర్‌ను ఐపీఎల్‌లో అత్యంత వేగవంతమైన బౌలర్ ఉమ్రాన్ మాలిక్ వేశాడు. మాలిక్ దాదాపు 150 కి.మీ. వేగంతో బంతిని వేశాడు. ఆపై రానా థర్డ్ మ్యాన్ వైపు కట్ షాట్ ఆడాడు.

నితీష్ ధాటికి ఈ షాట్ బౌండరీ దాటి సన్ రైజర్స్ జట్టు డగౌట్‌లో పడింది. ఇక్కడ, ఒక ఫ్రీజ్ ఉంది. దానిపై ఈ బంతి తగిలి ఫ్రీజ్ అద్దం పగిలింది. అదే ఓవర్ 5వ బంతికి షెల్డన్ జాక్సన్ కూడా ఉమ్రాన్ వేసిన బంతికి లాంగ్ సిక్స్ బాదాడు. ఈ బంతి 140 వేగంతో విసిరాడు.

కేకేఆర్‌పై సన్‌రైజర్స్ జట్టు 7 వికెట్ల తేడాతో విజయం..

సన్‌రైజర్స్ హైదరాబాద్ (SRH) ప్రస్తుతం మళ్లీ విజయాల బాట పట్టింది. తొలి రెండు మ్యాచ్‌ల్లో ఓడిపోయిన హైదరాబాద్.. ప్రస్తుతం వరుసగా మూడు మ్యాచ్‌ల్లో విజయం సాధించింది. ఈ మ్యాచ్‌లో సన్‌రైజర్స్ హైదరాబాద్ కెప్టెన్ కేన్ విలియమ్సన్ టాస్ గెలిచి బౌలింగ్ ఎంచుకున్నాడు. అనంతరం కోల్‌కతా జట్టు 8 వికెట్ల నష్టానికి 175 పరుగులు చేసింది. జట్టు తరపున నితీష్ రాణా 36 బంతుల్లో అత్యధికంగా 54 పరుగులు చేశాడు. ఆండ్రీ రస్సెల్ 25 బంతుల్లో 49 పరుగులు చేశాడు.

అనంతరం సన్‌రైజర్స్ జట్టు 3 వికెట్ల నష్టానికి 176 పరుగులు చేసి విజయం సాధించింది. జట్టు తరపున రాహుల్ త్రిపాఠి 37 బంతుల్లో 71 పరుగులు చేయగా, ఐడెన్ మార్క్రామ్ 36 బంతుల్లో 68 పరుగులతో నాటౌట్‌గా నిలిచాడు.